గత దశాబ్ద కాలంలో సౌత్ ఇండియాలో గొప్ప పేరు, ఫాలోయింగ్ సంపాదించిన నటుల్లో విజయ్ సేతుపతి ఒకడు. తమిళంలో చిన్న చిన్న పాత్రలతో మొదలుపెట్టి ఇప్పుడు బహు భాషల్లో అదిరిపోయే పాత్రలు చేస్తూ కెరీర్లో దూసుకెళ్తున్నాడు సేతుపతి. ఇటీవలే నటుడిగా విజయ్ సేతుపతి చేసిన 50వ చిత్రం మహారాజ తమిళంతో పాటు తెలుగులోనూ ఒకేసారి విడుదలై బ్లాక్ బస్టర్ దిశగా అడుగులు వేస్తోంది.
ఈ నేపథ్యంలో తెలుగు సక్సెస్ సెలబ్రేషన్లకు హాజరైన సేతుపతి మీడియాను కలిశాడు. ఈ సందర్భంగా ఓ విలేకరి పుష్ప సినిమాలో విలన్ పాత్రకు విజయ్ సేతుపతిని అడిగినా ఒప్పుకోలేదని అప్పట్లో వచ్చిన వార్తల గురించి ప్రస్తావించారు. ఈ వార్తలను సేతుపతి ఖండించాడు.
పుష్ప సినిమాను తాను రిజెక్ట్ చేయలేదని విజయ్ సేతుపతి స్పష్టం చేశాడు. మరి వాస్తవంగా ఏం జరిగిందనే విషయం చెప్పడానికి అతను ఇష్టపడలేదు. కొన్నిసార్లు నిజాలు మాట్లాడకుండా ఉంటేనే మంచిదంటూ నవ్వేశాడు సేతుపతి. దీన్ని బట్టి పుష్ప విలన్ పాత్రకు ముందు సేతుపతిని అనుకుని.. తర్వాత సుకుమారే మనసు మార్చుకుని ఉండొచ్చని భావిస్తున్నారు. సుకుమార్ శిష్యుడైన బుచ్చిబాబు తీసిన ఉప్పెనలో మాత్రం విలన్ పాత్రలో నటించాడు సేతుపతి. ఆ చిత్రానికి తాను తక్కువ పారితోషకం తీసుకున్నానని.. కేవలం బుచ్చిబాబు కోసమే ఆ చిత్రం చేశానని ఇంతకుముందు సేతుపతి చెప్పిన సంగతి తెలిసిందే.
మహారాజ సక్సెస్ సెలబ్రేషన్లకు వచ్చిన బుచ్చిబాబు.. సేతుపతి కాళ్లు మొక్కడం విశేషం. ఇక స్టేజ్ మీద సేతుపతి బుచ్చిబాబు గురించి గొప్పగా మాట్లాడాడు. బుచ్చి తన తమ్ముడి లాంటి వాడని.. అతను రామ్ చరణ్ను డైరెక్ట్ చేస్తుండడం చాలా సంతోషంగా ఉందని అతను చెప్పాడు.
This post was last modified on June 18, 2024 8:11 am
ఎప్పుడో ఆరేళ్ళ క్రితం రిలీజైన సినిమా. ఓటిటిలో వచ్చేసి అక్కడా మిలియన్ల వ్యూస్ సాధించుకుంది. ఇప్పుడు కొత్తగా రీ రిలీజ్…
సెప్టెంబర్ నెల సగానికి పైనే అయిపోయింది. ఇకపై ఆకాశమే హద్దుగా గేమ్ ఛేంజర్ నాన్ స్టాప్ అప్డేట్స్ ఉంటాయని దిల్…
యూత్ హీరో సుహాస్ కొత్త సినిమా గొర్రె పురాణం ఇంకో నాలుగు రోజుల్లో విడుదల కానుంది. ట్రైలర్ కూడా వచ్చేసింది.…
జనసేన పార్టీ నాయకుడు, ప్రముఖ సినీ కొరియోగ్రాఫర్ జానీ మాస్టర్పై పార్టీ వేటు వేసింది. ఆయనను పార్టీ కార్యక్రమాలకు దూరంగా…
కొన్ని నెలల క్రితం లాల్ సలామ్ అనే సినిమా ఒకటొచ్చిందనే సంగతే చాలా మంది సగటు ప్రేక్షకులు మర్చిపోయి ఉంటారు.…
స్టార్ హీరోలు నటించిన సినిమాలకు పాజిటివ్ టాక్ వచ్చి భారీ వసూళ్లు సాధించడంలో ఆశ్చర్యం లేదు. కానీ చిన్న బడ్జెట్…