Movie News

రక్షణ లేకుండా పోయిన పాయల్ సినిమా

మొన్న శుక్రవారం విడుదలైన వాటిలో రక్షణ పేరుతో ఒక సినిమా ఉంది. ఎవరో ముక్కు మొహం తెలియని ఆర్టిస్టులైతే డిస్కషన్ అక్కర్లేదు కానీ అరెక్స్ 100 ఫేమ్ పాయల్ రాజ్ పుత్ పోలీస్ ఆఫీసర్ గా నటించడం వల్ల కొంత ఫోకస్ పడింది. కంటెంట్ కన్నా ఎక్కువ దర్శక నిర్మాత ప్రణదీప్ ఠాకూర్, హీరోయిన్ మధ్య నెలకొన్న వివాదం కారణంగా కొన్ని రోజులు వార్తల్లో నిలిచింది. బాలన్స్ ఇవ్వలేదని పాయల్, ఇప్పుడు చెల్లిస్తాము ప్రమోషన్ కు రమ్మని ప్రొడ్యూసర్ ఒకరిమీద మరొకరు అభియోగాలు చేసుకుని చివరికి పబ్లిసిటీ లేకుండానే రిలీజ్ చేశారు. తీరా చూస్తే దీనికి కనీస స్పందన కరువై షోలు తగ్గిపోతున్నాయి.

అసలు బొమ్మలో ఏముందో చూద్దాం. ఎసిపి కిరణ్ (పాయల్ రాజ్ పుత్) ప్రాణ స్నేహితురాలు ప్రియా హఠాత్తుగా మేడపై నుంచి దూకి ఆత్మహత్య చేసుకుంటుంది. మాస్కు వేసుకున్న ఒక వ్యక్తి ఇది చేశాడని భావించిన కిరణ్ ఇన్వెస్టిగేషన్ మొదలుపెడుతుంది. కానీ ఆమె వల్లే అతను చనిపోతాడు. దీంతో సస్పెండ్ అవుతుంది. అయినా హత్యలు ఆగవు. దీని వెనుక ఒక సైకో కిల్లర్ ఉన్నాడని గుర్తించిన కిరణ్ ఆ దిశగా నిజాలు తవ్వుతూ వెళ్తుంది. ఆ తర్వాత హంతకుడు ఎవరనేది అసలు పాయింట్. గ్లామర్ షో, లిప్ లాక్ కిస్సులు లేకుండా చాలా సీరియస్ లేడీ ఆఫీసర్ గా పాయల్ రాజ్ పుత్ పాత్రకు తగ్గట్టు ఒదిగిపోయింది.

సమస్యల్లా దర్శకుడు రణదీప్ టేకింగ్ తో వచ్చింది. స్క్రీన్ ప్లేని ఆసక్తికరంగా రాసుకోవడం ద్వారా ఎంగేజ్ చేసే అవకాశం ఉన్నప్పటికీ సాగదీసిన సన్నివేశాలు, అవసరం లేని ఎపిసోడ్లతో బోర్ కొట్టించేశాడు. పాటలు అడ్డం పడతాయి. రాక్షసుడు తరహా కథనాన్ని డిమాండ్ చేసే ఇలాంటి రక్షణలో అదే పూర్తిగా మిస్ అయ్యింది. దీంతో పాయల్, మానస్ వగైరా ఆర్టిస్టులు ఎంత బాగా నటించినా కంటెంట్ లో బలం లేకపోవడంతో సినిమాకు సరైన రక్షణ లేకుండా పోయింది. మొత్తానికి తిలా పాపం తలా పిడికెడు టైపులో ప్రమోషన్ చేయక, మూవీలో సరైన విషయం లేక పాయల్ ఖాతాలో ఇంకో ఫ్లాప్ పడింది.

This post was last modified on June 10, 2024 6:53 am

Share

Recent Posts

మ‌హావ‌తార న‌ర‌సింహ.. తెలుగు రైట‌ర్ ఆవేద‌న‌

మ‌హావ‌తార న‌ర‌సింహ‌.. గ‌త ఏడాది పాన్ ఇండియా స్థాయిలో సెన్సేష‌న్ క్రియేట్ చేసిన సినిమా. ఈ యానిమేష‌న్ మూవీ రిలీజ‌య్యే…

22 minutes ago

ఛలో దర్శకుడిని తిట్టారా పొగిడారా

టాలీవుడ్ టాలెంటెడ్ దర్శకుల్లో వెంకీ కుడుముల పేరు ఖచ్చితంగా ఉంటుంది. రష్మిక మందన్న ఇవాళ ఈ స్థాయికి వచ్చిందంటే ఛలో…

36 minutes ago

లిఫ్ట్ అడిగేటప్పుడు జాగ్రత్త మహిళలు

మహిళల భద్రతపై మరోసారి ఆందోళన కలిగించే ఘటన తెలంగాణలో చోటుచేసుకుంది. ఇంటికి వెళ్లేందుకు ఆటోలో లిఫ్ట్ ఇస్తామని నమ్మించిన ఇద్దరు…

55 minutes ago

అక్రమ సంబంధాల వివాదం… మళ్ళీ సీఈవోగా వస్తానంటున్న జెన్సెన్

ప్రపంచ టెక్ రంగంలో సంచలనం సృష్టించిన ఎన్విడియా మాజీ సీఈవో జెన్సెన్ హువాంగ్ వ్యవహారం మరో మలుపు తిరిగింది. వివాహేతర…

1 hour ago

పాపం… ట్రైన్ ఎక్కిద్దాం అని వెళ్ళి ఫైన్ కట్టి వచ్చారు

బంధువులను రైలు ఎక్కించడానికి వెళ్లినవాళ్లు అనుకోకుండా అదే రైలులో ప్రయాణించాల్సి వచ్చింది. పైగా టికెట్లు లేకపోవడంతో ఏకంగా రూ.36,140 చెల్లించాల్సి…

1 hour ago

చిరు లీక్స్ రొటీన్ అవుతున్నాయా

మెగాస్టార్ చిరంజీవి స్క్రీన్ మీదే కాదు స్టేజి పైన ఉన్నప్పుడు కూడా ఆయన ఎనర్జీ వేరే లెవెల్ లో ఉంటుంది.…

1 hour ago