కమెడియన్లుగా మంచి పేరు సంపాదించిన చాలా మంది తర్వాత హీరోలయ్యారు. ఈ జాబితాలోకి ఇటీవలే వెన్నెల కిషోర్ కూడా చేరాడు. ‘చారి 111’ అనే సినిమాతో అతను హీరో అయ్యాడు. ఇదొక కామెడీ డిటెక్టివ్ చుట్టూ తిరిగే కథ. ‘చంటబ్బాయి’ స్టైల్లో ఏదో ట్రై చేశారు కానీ.. పెద్దగా వర్కవుట్ కాలేదు. థియేటర్లలో ఈ సినిమా రిలీజైన సంగతి కూడా జనాలకు తెలియకుండా పోయింది.
ఐతే ఈ చిత్రం ‘అమేజాన్ ప్రైమ్’ ద్వారా డిజిటల్ రిలీజ్ అయ్యాక మంచి స్పందన తెచ్చుకుంది. ప్రైమ్లో అత్యధిక వ్యూస్ తెచ్చుకున్న తెలుగు చిత్రాల్లో ఇదొకటిగా నిలిచింది. ఇది చూసే కిషోర్లో ఉత్సాహం వచ్చినట్లుంది. మళ్లీ అతను హీరోగా నటిస్తున్నాడు. అంతే కాక తొలి చిత్రం ‘చారి 111’ తరహాలోనే మళ్లీ కామెడీ డిటెక్టివ్ కథతోనే కిషోర్ హీరోగా రెండో సినిమా చేస్తుండడం విశేషం.
వెన్నెల కిషోర్ డిటెకివ్ పాత్ర చేస్తున్న కొత్త సినిమా పేరు.. శ్రీకాకుళం షెర్లాక్ హోమ్స్. ఈ రోజే ఈ సినిమా మోషన్ పోస్టర్ రిలీజ్ చేశారు. చిన్న పిట్టకథ రూపంలో ఈ సినిమాకు ఇంట్రెస్టింగ్ ఇంట్రో కూడా ఇచ్చారు. “కథలు వెతలాయె కథనాలు ఏడాయె.. మొన్న సచ్చిన కుందేలు నిన్న కూరాయె… దాని చంపినోడు సచ్చి ఆరు నెల్లాయె.. ఈ చిక్కుముడి విప్పినోడు..” అని బ్రేక్ ఇస్తే ఒక పిల్లాడు ఆ విప్పినోడు అని అడుగుతాడు.
దానికి బదులుగా నరేటర్.. ‘‘శ్రీకాకుళం షెర్లాక్ హోమ్సాయె’’ అంటాడు. ఇలా ఫన్నీ నరేషన్తో శ్రీకాకుళం షెర్లాక్ హోమ్స్ను పరిచయం చేశారు. వెన్నెల కిషోర్ గెటప్ ఫన్నీగా అనిపిస్తోంది. ఇందులో కిషోెర్ సరసన అనన్య నాగళ్ల కథానాయికగా చేస్తోంది. రైటర్ మోహన్ దర్శకత్వం వహిస్తున్న ఈ చిత్రాన్ని వెన్నపూస రమణారెడ్డి ప్రొడ్యూస్ చేస్తున్నాడు.
This post was last modified on May 30, 2024 6:49 pm
చిన్నారి పెళ్ళికూతురు సీరియల్తో చిన్న వయసులోనే దేశవ్యాప్తంగా భారీగా అభిమాన గణాన్ని సంపాదించుకున్న అమ్మాయి అవికా గోర్. ఆ గుర్తింపుతోనే…
నందమూరి అభిమానులు ఎన్నో ఏళ్ల నుంచి ఎదురు చూస్తున్న ప్రకటన రానే వచ్చింది. నందమూరి బాలకృష్ణ ముద్దుల తనయుడు మోక్షజ్ఞ…
టీడీపీ నాయకుడు, ఎమ్మెల్యే ఆదిమూలంపై వచ్చిన ఆరోపణలతో రాజకీయంగా వైసీపీ పుంజుకునే అవకాశం వచ్చిందనే చర్చ జరిగింది. నిన్న మొన్నటి…
బెంగళూరులో స్థానికేతరుల ఆధిపత్యం గురించి లోకల్స్ గొడవ చేయడం ఎప్పట్నుంచో ఉన్న సమస్య. ఈ మధ్య ఈ గొడవ మరింత…
వేసవిలో టాలీవుడ్ బాక్సాఫీస్ వెలవెలబోయాక ‘కల్కి’ జోరుతో కొంచెం కోలుకుంది. ఇటీవల ‘సరిపోదా శనివారం’ కొంత ఉత్సాహాన్నిచ్చింది. భారీ వర్షాల్లోనూ…
ఏపీ మాజీ సీఎం, వైసీపీ అధినేత జగన్ చాలా చాలా వెనుకబడి పోయారు. 11 మంది ఎమ్మెల్యేలు, 13 మం…