అన్ని భాషల్లో కలుపుకుని టాప్ డిమాండ్ ఉన్న హీరోయిన్ ఎవరయ్యా అంటే కొన్ని క్షణాలు ఆలోచించాలేమో కానీ ట్రేడ్ లెక్కల ప్రకారం ముక్త కంఠంతో దీపికా పదుకునే పేరు చెబుతున్నారు. ఎందుకంటే కేవలం నాలుగు సినిమాలతో నాలుగు వేల కోట్లకు పైగా గ్రాస్ సాధించే అవకాశం అందరికీ దక్కదుగా. దీపికా గత మూడు చిత్రాలు పఠాన్, జవాన్, ఫైటర్ మొత్తం కలిపి వరల్డ్ వైడ్ బాక్సాఫీస్ వద్ద 2550 కోట్లకి పైగా గ్రాస్ సాధించాయి. వచ్చే నెల 27 విడుదల కాబోయే కల్కి 2898 ఏడి టాక్ తో సంబంధం లేకుండా ఎంత లేదన్నా కనిష్టంగా పదిహేను వందల కోట్లు వసూలు చేయడం ఖాయం కాబట్టి టోటల్ ఫిగర్ షాకింగే.
ఇంత అరుదైన ఘనత బాలీవుడ్ లోనే కాదు ఇటు సౌత్ లోనూ ఎవరికీ దక్కలేదు. నిజానికి పఠాన్ కు ముందు దీపికా పదుకునే ఫ్లాపుల్లో ఉంది. గెహరాయి, చెపాక్, జీరో ఇలా వరసగా ఏడాదికో డిజాస్టర్ నమోదయ్యింది. భర్త రణ్వీర్ సింగ్ సర్కస్ లో క్యామియో చేస్తే అది కూడా దారుణంగా బోల్తా కొట్టింది. 83 ఒకటే రిలీఫ్ ఇచ్చింది కానీ అది వరల్డ్ కప్ బయోపిక్ కావడంతో ఆశించినంత ఎక్కువ పేరు రాలేదు. ఇంకోవైపు నిర్మాతగానూ మిశ్రమ ఫలితాలు దక్కాయి. ఇదేంటి ఐరన్ లెగ్ గా మారుతుందనుకుంటున్న టైంలో పఠాన్ నుంచి వెనుదిరిగి చూడాల్సిన అవసరం లేకుండా పోయింది.
ఇప్పుడు కల్కితో ఇవ్వబోతున్న టాలీవుడ్ ఎంట్రీ మరో మేజర్ బ్రేక్ కానుంది. అజయ్ దేవగన్ తో చేస్తున్న సింగం అగైన్ సైతం వేయి కోట్ల సత్తా ఉన్న ఫ్రాంచైజ్. ప్రస్తుతం గర్భవతిగా ఉన్న దీపికా డెలివరీకి ముందు అన్ని కమిట్ మెంట్లు పూర్తి చేసి కొంత బ్రేక్ తీసుకునే ఆలోచనలో ఉంది. ఎప్పుడనేది రణ్వీర్ దంపతులు వెల్లడించడం లేదు కానీ ఈ ఏడాది దసరాలోపే ఉండచ్చు. ఈ కారణంగానే కల్కి ప్రమోషన్లకు దాదాపు రాకపోవచ్చని అంటున్నారు. కనీసం ప్రీ రిలీజ్ ఈవెంట్ కి స్పెషల్ ఫ్లైట్ లాంటిది ఏర్పాటు చేసే తీసుకొచ్చే ఆలోచనలో వైజయంతి బృందం ఉన్నట్టు తెలిసింది. చూడాలి.
This post was last modified on May 28, 2024 7:14 pm
దేశీయ పారిశ్రామిక వర్గాల్లో ఇప్పుడో పెద్ద చర్చ నడుస్తోంది హెలికాఫ్టర్ల తయారీలో దిగ్గజ కంపెనీగా కొనసాగుతున్న ఎయిర్ బస్ తన కొత్త…
సూళ్ళురుపేట లో ఈ నెల 18 నుండి 20 వరకు జరుగుతున్న ఫ్లెమింగో ఫెస్టివల్ 2025 వేడుకలు శనివారం ఉదయం…
ఏపీలోని కూటమి సర్కారులో కీలక పాత్ర పోషిస్తున్న టీడీపీలో సీనియర్ నాయకుల వ్యవహారం కొన్నాళ్లుగా చర్చకు వస్తోంది. సీనియర్లు సహకరించడం…
కీలక నిర్ణయాన్ని తీసుకుంది రేవంత్ సర్కారు. హైదరాబాద్ మహానగరి విస్త్రతిని పెంచేస్తూ అంచనాల్ని సిద్ధం చేసింది. ఇప్పటివరకు హెచ్ఎండీఏ (హైదరాబాద్…
ఏపీ పర్యటనకు వచ్చిన కేంద్ర హోం శాఖ మంత్రి, బీజేపీ అగ్రనేత అమిత్ షా వద్ద ఏపీ సీఎం చంద్రబాబు…
రాజకీయాల్లో ఎప్పుడు ఏం జరుగుతుందన్నది చెప్పలేం. రాజకీయాలు రాజకీయాలే. ఇప్పుడు ఇలాంటి పరిణామమే ఎన్టీఆర్ జిల్లాలోనూ జరుగుతోంది. టీడీపీ ఎమ్మెల్యే…