మహేష్ బాబు అభిమానులు ఎప్పుడు గుర్తు తెచ్చుకోకూడదనే డిజాస్టర్ బ్రహ్మోత్సవం. అప్పట్లో దీని మీద వచ్చిన హైప్, ప్రమోషన్ అంత సులభంగా మర్చిపోయేది కాదు. సీతమ్మ వాకిట్లో సిరిమల్లె చెట్టు ద్వారా హోమ్లీ బ్లాక్ బస్టర్ ఇచ్చిన శ్రీకాంత్ అడ్డాల దర్శకుడు కావడంతో అంచనాలు అమాంతం పెరిగిపోయాయి. కట్ చేస్తే మొదటి ఆటకే దారుణమైన టాక్ తో ఫ్యాన్స్ ని తీవ్రంగా నిరాశపరిచింది. ఆ టైంలో 5జి టెక్నాలజీ ఈ స్థాయిలో లేదు కాబట్టి సరిపోయింది కానీ లేదంటే ట్రోలింగ్ గురించి ఊహించుకుంటేనే భయం వేస్తుంది. ఇక ఆర్టిస్టుల సంగతి సరేసరి. ఈ ఫ్లాప్ ప్రస్తావన రాకుండా జాగ్రత్త పడతారు.
కానీ కాజల్ అగర్వాల్ షాక్ ఇచ్చింది. తన కెరీర్ లో ఇష్టమైన సినిమాల్లో బ్రహ్మోత్సవంలో చేసిన పాత్ర మొదటిదని ఒక యూట్యూబ్ ఛానల్ కి ఇచ్చిన ఇంటర్వ్యూలో చెప్పడం చూసి ఫ్యాన్స్ షాక్ తిన్నారు. నిజానికి అందులో సమంతా మెయిన్ హీరోయిన్. కాజల్ ఫస్ట్ హాఫ్ తర్వాత కనిపించదు. అయినా సరే ఇంత ప్రత్యేకంగా కాజల్ దాని గురించి చెప్పడం విచిత్రమే. తను టైటిల్ రోల్ పోషించిన సత్యభామ ఈ నెల 31 విడుదల కానుంది. దాని ప్రమోషన్లో భాగంగా ఇస్తున్న ఇంటర్వ్యూలో ఈ సంగతి చెప్పుకొచ్చింది. ఇలా ఒక ఫ్లాప్ మూవీ గురించి గొప్పగా ప్రస్తావించడం అరుదనే చెప్పాలి.
పెళ్లి చేసుకున్నాక కొంత బ్రేక్ తీసుకున్న కాజల్ అగర్వాల్ తిరిగి సత్యభామ తనకు బ్రేక్ ఇస్తుందని ఎదురు చూస్తోంది. గ్యాంగ్స్ అఫ్ గోదావరి లాంటి బలమైన పోటీ ఉన్నా సరే నిర్మాతలు మాత్రం వెనుకడుగు వేసే ఆలోచన చేయడం లేదు. పోలీస్ ఆఫీసర్ గా కథ మొత్తం తన భుజాల మీద నడిచే పాత్రను ఇందులో కాజల్ పోషించింది. దీనికి కొన్ని ప్రత్యేకతలు ఉన్నాయి. గూఢచారి, మేజర్ దర్శకుడు శశికిరణ్ తిక్కా స్క్రీన్ ప్లే సమకూర్చగా శ్రీచరణ్ పాకాల సంగీతం అందించాడు. సుమన్ చిక్కాల దర్శకుడు. టీమ్ బాగుంది కాబట్టి ఇదేదో మంచి క్రైమ్ థ్రిల్లరయ్యే సూచనలు కనిపిస్తున్నాయి.
This post was last modified on May 22, 2024 7:41 am
హీరోల పారితోషకాలు అంతకంతకూ పెరిగిపోతుండడంపై నిర్మాతల్లో ఆందోళన వ్యక్తమవుతున్న మాట వాస్తవం. పైకి చెప్పకపోయినా ఈ విషయంలో అసంతృప్తితో ఉన్నారన్నది ఇండస్ట్రీలో…
అధికారంలో ఉన్న నాయకులు, అధికారంలో లేని నాయకులు ఇలా రెండు వర్గాలుగా విభజించినప్పుడు సాధారణంగా పదవులు పొందిన వారు సంతృప్తి…
మూడు రోజుల తెలుగు వారి పెద్ద పండుగ.. సంక్రాంతి. ఇళ్లకే కాదు.. గ్రామాలకు సైతం శోభను తీసుకువచ్చే సంక్రాంతికి.. కోడి…
ఈ సంక్రాంతికి ‘భర్త మహాశయులకు విజ్ఞప్తి’ చిత్రంతో ప్రేక్షకులను పలకరించబోతోంది డింపుల్ హయతి. కెరీర్లో ఆమెకు ఇంకా పెద్ద బ్రేక్ రాలేదు. ఇప్పటికే ఖిలాడి,…
బీజేపీ కురువృద్ధ నాయకుడు, దేశ మాజీ ఉపరాష్ట్రపతి ముప్పవరపు వెంకయ్యనాయుడు.. ప్రస్తుతం ప్రత్యక్ష రాజకీయాల నుంచి తప్పుకొన్నారు. అయితే.. ఆయన…
చుక్క పడందే నిద్ర పట్టని వారు చాలా మంది ఉన్నారు. వీరిలో చిన్న చితకా మందుబాబులను పక్కన పెడితే, మద్యం…