వరస ఫెయిల్యూర్స్ తో మార్కెట్ ని రిస్క్ లో పెట్టుకున్న విజయ్ దేవరకొండకు ది ఫ్యామిలీ స్టార్ ఇచ్చిన షాక్ మామూలుది కాదు. గీత గోవిందం కాంబో మేజిక్ రిపీట్ చేస్తుందనే నమ్మకాన్ని దర్శకుడు పరశురామ్ పూర్తిగా నీరు గార్చేశాడు. అయినా సరే రౌడీ హీరో లైనప్ మహా గొప్పగా ఉంది. సితార ఎంటర్ టైన్మెంట్స్ మీద గౌతమ్ తిన్ననూరి దర్శకత్వంలో మూవీ, దిల్ రాజు నిర్మాతగా రవికిరణ్ కోలాతో చేయబోయే చిత్రం, రాహుల్ సంకృత్యాన్ తో లాక్ చేసుకున్న పీరియాడిక్ డ్రామా ఇవన్నీ ఒకదాన్ని మించి మరొకటి క్రేజీ ప్రాజెక్ట్స్. ఇక్కడితో అయిపోలేదు. ఫ్యాన్స్ మబ్బుల్లో తేలిపోయే వార్త మరొకటి ఉంది.
సుమారు మూడేళ్ళ క్రితమే విజయ్ దేవరకొండ దర్శకుడు సుకుమార్ కలయికలో ఒక సినిమాను అఫీషియల్ గా ప్రకటించిన సంగతి గుర్తుండే ఉంటుంది. కానీ కార్యరూపం దాల్చలేదు. పుష్ప 2 తర్వాత ఉంటుందేమో అనుకుంటే ఈలోగా రామ్ చరణ్ 16 అనౌన్స్ మెంట్ వచ్చింది. ఎంతలేదన్నా ఇది రిలీజయ్యేలోపు 2026 దాటిపోవచ్చు. ఇవాళ జరిగిన గంగం గణేశా ప్రీ రిలీజ్ ఈవెంట్ లో నిర్మాత వంశీ కారుమంచి మాట్లాడుతూ కొంత ఆలస్యమైనా విజయ్ సుకుమార్ కాంబోలో సినిమా చేస్తామని, క్యాన్సిల్ కాలేదనే రీతిలో సంకేతం ఇవ్వడంతో అభిమానుల్లో కొత్త జోష్ వచ్చింది.
అనడమైతే అన్నారు కానీ ఇది అంత సులభంగా జరిగేది కాదు. ఎందుకంటే పుష్ప కోసం అయిదేళ్ళు ఖర్చు పెట్టిన సుకుమార్ తిరిగి రామ్ చరణ్ కోసం ఎంతలేదన్నా రెండు మూడు సంవత్సరాలు కేటాయించాల్సి ఉంటుంది. అప్పటికి విజయ్ దేవరకొండ మార్కెట్ ఎలా ఉంటుందో తెలియదు. సరే పోనీ ఎలా ఉన్నా మాట ఇచ్చాము కాబట్టి తీయాలనుకున్నా పెరిగిన సుకుమార్ ఇమేజ్ కి తగ్గట్టు అది మాములు స్కేల్ లో ఉండకూడదు. వందల కోట్ల బడ్జెట్ అయితేనే ఆయన స్థాయికి తగ్గట్టు ఉంటుంది. మరి లేట్ అయినా ఈ ఇద్దరు చేతులు కలుపుతారా లేక ఇది తాత్కాలిక ఆనందమేనా అనేది వేచి చూడాలి.
This post was last modified on May 20, 2024 6:35 pm
చిన్నారి పెళ్ళికూతురు సీరియల్తో చిన్న వయసులోనే దేశవ్యాప్తంగా భారీగా అభిమాన గణాన్ని సంపాదించుకున్న అమ్మాయి అవికా గోర్. ఆ గుర్తింపుతోనే…
నందమూరి అభిమానులు ఎన్నో ఏళ్ల నుంచి ఎదురు చూస్తున్న ప్రకటన రానే వచ్చింది. నందమూరి బాలకృష్ణ ముద్దుల తనయుడు మోక్షజ్ఞ…
టీడీపీ నాయకుడు, ఎమ్మెల్యే ఆదిమూలంపై వచ్చిన ఆరోపణలతో రాజకీయంగా వైసీపీ పుంజుకునే అవకాశం వచ్చిందనే చర్చ జరిగింది. నిన్న మొన్నటి…
బెంగళూరులో స్థానికేతరుల ఆధిపత్యం గురించి లోకల్స్ గొడవ చేయడం ఎప్పట్నుంచో ఉన్న సమస్య. ఈ మధ్య ఈ గొడవ మరింత…
వేసవిలో టాలీవుడ్ బాక్సాఫీస్ వెలవెలబోయాక ‘కల్కి’ జోరుతో కొంచెం కోలుకుంది. ఇటీవల ‘సరిపోదా శనివారం’ కొంత ఉత్సాహాన్నిచ్చింది. భారీ వర్షాల్లోనూ…
ఏపీ మాజీ సీఎం, వైసీపీ అధినేత జగన్ చాలా చాలా వెనుకబడి పోయారు. 11 మంది ఎమ్మెల్యేలు, 13 మం…