ప్ర‌స్తుతం టాలీవుడ్ టాప్ బేన‌ర్ల‌లో ఒక‌టైన సితార ఎంట‌ర్టైన్మెంట్స్‌కు పెద్ద బ‌డ్జెట్ సినిమాల కంటే చిన్నవే బాగా క‌లిసొస్తున్నాయి. గ‌త ఏడాది 2022లో డీజే టిల్లు మూవీతో ఘ‌న‌విజ‌యాన్నందుకున్న ఆ సంస్థ‌కు గ‌త ఏడాది మ్యాడ్ మూవీ మంచి లాభాలు అందించింది. ఇటీవ‌లే డీజే టిల్లు సీక్వెల్ టిల్లు స్క్వేర్‌తో ఇంకో పెద్ద స‌క్సెస్‌ను ఖాతాలో వేసుకుంది సితార సంస్థ.
బ‌హుశా ఆ సంస్థ చ‌రిత్ర‌లోనే ఈ సినిమా అందించినంత లాభాలు ఇంకే సినిమా ఇచ్చి ఉండ‌కపోతే ఆశ్చ‌ర్యం లేదు. టిల్లు స్క్వేర్ తర్వాత మ్యాడ్ మూవీకి కూడా సితార బేన‌ర్లో సీక్వెల్ తెర‌కెక్కుతుండ‌డం విశేషం. టైటిల్ విష‌యంలోనూ టిల్లు స్క్వేర్‌నే అనుస‌రిస్తూ.. మ్యాడ్ స్క్వేర్ అని పెట్టుకున్నారు. ఉగాది పండుగ సంద‌ర్భంగా చ‌డీచ‌ప్పుడు లేకుండా ఈ సినిమా ప్రారంభోత్స‌వం జ‌రుపుకుంది. ఇప్పుడీ విష‌యాన్ని మీడియాకు వెల్ల‌డించారు.
టిల్లు స్క్వేర్ హీరో సిద్ధు జొన్న‌ల‌గ‌డ్డ స‌మ‌క్షంలో మ్యాడ్ స్క్వేర్ ప్రారంభోత్స‌వం జ‌రిగింది. మ్యాడ్ మూవీలో న‌టించిన ముగ్గురు హీరోలు సంగీత్ శోభ‌న్‌, నార్నె నితిన్, రామ్ నితిన్‌ల‌తో పాటు విష్ణు ఓయ్ ఈ చిత్రంలోనూ అవే పాత్ర‌ల్లో కొన‌సాగ‌బోతున్నారు. వీళ్లు సినిమా ప్రారంభోత్స‌వంలోనూ పాల్గొన్నారు. మ‌రి హీరోయిన్ల మాటేంటో చూడాలి. మ్యాడ్‌ను మించిన వినోదం ఈ చిత్రంలో ఉంటుంద‌ని చిత్ర బృందం చెబుతోంది.
మ్యాడ్ మూవీలో హీరోలు ముగ్గురూ ఇంజినీరింగ్ పూర్తి చేయ‌డంతోక‌థ ముగుస్తుంది. అలాంట‌పుడు మ్యాడ్ స్క్వేర్‌లో క‌థ కాలేజీ నుంచి హీరోల ఉద్యోగ జీవితం వైపు మ‌ళ్లే అవ‌కాశ‌ముంది. ప్రాప‌ర్ సీక్వెల్ లాగా తీయాలంటే అలాగే క‌థ‌ను ముందుకు తీసుకెళ్లాలి. అలా కాకుండా ద‌ర్శ‌కుడు క‌ళ్యాణ్ శంక‌ర్ ఇంకేదైనా డిఫ‌రెంటుగా ట్రై చేస్తాడేమో చూడాలి
This post was last modified on April 19, 2024 11:25 pm
వైసీపీ కీలక నేత, చంద్రగిరి మాజీ ఎమ్మెల్యే చెవిరెడ్డి భాస్కర రెడ్డి ఓ రేంజిలో న్యాయ పోరాటం చేస్తున్నారు. తిరుపతి…
వైసీపీ అధినేత జ‌గ‌న్ వ్య‌వ‌హార శైలి కేవలం ప్ర‌ధాన ప్ర‌తిప‌క్షం కోస‌మే ఆరాట‌ప‌డుతున్న‌ట్టు క‌నిపిస్తోందని అంటున్నారు ప‌రిశీల‌కులు. ప్ర‌స్తుతం ఆయ‌న‌కు…
ఏపీలో రిలీజ్ సినిమాల ప్రదర్శనలపై కూటమి సర్కారు సరికొత్త మార్గదర్శకాలను విడుదల చేసింది. ఇప్పటిదాకా రిలీజ్ అయ్యే దాదాపుగా అన్ని…
జనసేన అధినేత, ఏపీ డిప్యూటీ సీఎం పవన్ కల్యాణ్ ఏది చేసినా చాలా వెరైటీగా ఉంటుంది. ఇతర రాజకీయ నాయకులతో…
https://www.youtube.com/watch?v=V0ARlFc_ndE సంక్రాంతి పందెం కోళ్ళలో మొదటిది గేమ్ ఛేంజర్ ప్రేక్షకుల ముందుకు వచ్చేసింది. తుది తీర్పు ఏంటనేది తేలడానికి ఇంకొంచెం…
బ్రాండ్ ఏపీ ప్రారంభ‌మైంద‌ని సీఎం చంద్ర‌బాబు తెలిపారు. వైసీపీ విధ్వంసంతో అత‌లాకుత‌ల‌మైన రాష్ట్రాన్ని అన్ని విధాలా బాగు చేస్తున్నామ‌ని చెప్పారు.…