విశాల్ జస్ట్ పోటీ కాదు.. ఏకంగా పార్టీనే

దేశంలో అత్యధికంగా సినిమా వాళ్లు రాజకీయాల్లోకి వచ్చిన రాష్ట్రం ఏది అంటే మరో మాట లేకుండా తమిళనాడు అని చెప్పేయొచ్చు. తెలుగు నాట కూడా చాలామంది సినిమా వాళ్లు రాజకీయారంగేట్రం చేశార కానీ.. తమిళనాడు స్థాయిలో మాత్రం కాదు. అక్కడ ఇప్పటికే పదుల సంఖ్యలో సినిమా వాళ్లు రాజకీయాల్లో అదృష్టం పరీక్షించుకున్నారు. తమిళనాడును అత్యధిక కాలం పాలించింది కూడా సినిమా వాళ్లే. త్వరలోనే విజయ్ సైతం రాజకీయాల్లోకి రానున్నట్లు ప్రకటించాడు.

మరోవైపు తెలుగువాడైన తమిళ స్టార్ హీరో విశాల్ రాజకీయ ప్రవేశం గురించి ఎప్పట్నుంచో వార్తలు వస్తున్నాయి. తనకు ఆ ఆసక్తి ఉన్నట్లు చెబుతున్నాడు కానీ.. ఎప్పుడు ఎంట్రీ ఇచ్చేది మాత్రం తేల్చట్లేదు. ఐతే ఎట్టకేలకు విశాల్ ఈ విషయంలో ఒక ప్రకటన చేశాడు.

తమిళనాట అసెంబ్లీ ఎన్నికలు జరిగే 2024లో తాను రాజకీయ రంగప్రవేశం చేయబోతున్నట్లు విశాల్ ప్రకటించాడు. ఐతే ఆ ఎన్నికల్లో కేవలం ఎమ్మెల్యేగా పోటీ చేయడం కాదు.. రాజకీయ పార్టీనే పెట్టబోతున్నట్లు విశాల్ వెల్లడించడం విశేషం. ‘‘త్వరలోనే రాజకీయాల్లోకి వస్తున్నా. పార్టీని స్థాపించి 2026 తమిళనాడు అసెంబ్లీ ఎన్నికల్లో పోటీ చేయబోతున్నా. ప్రస్తుతం ప్రజలకు సరైన వసతులు లేవు. వాళ్లకు సేవ చేసి అన్ని రకాల సౌకర్యాలు కల్పించాలన్నది నా ఉద్దేశం. అందుకే రాజకీయాల్లోకి అడుగు పెడుతున్నా’’ అని విశాల్ ప్రకటించాడు.

మరి ఏ రాజకీయ పార్టీతో అయినా పొత్తు పెట్టుకుంటారా అని విశాల్‌ను అడిగితే.. అలాంటిదేమీ లేదని.. ముందు తనను తాను నిరూపించుకున్న తర్ావతే మిగతా విషయాలు, పొత్తు గురించి ఆలోచిస్తానని విశాల్ చెప్పాడు.