మాములుగా పేరు ముందు డాక్టర్ రావాలంటే ఎంబిబిఎస్ చదవటం ఒక్కటే మార్గం కాదు. వేర్వేరు దారులున్నాయి. ఏదైనా రంగాన్ని ఎంచుకుని ఉన్నత విద్యలో ఒక టాపిక్ మీద పరిశోధన చేయడం ద్వారా యునివర్సిటి నుంచి అందుకోవడం మొదటిది. రెండోది ఏదైనా ఇండస్ట్రీలో పెద్ద స్థాయికి చేరుకొని కోట్లాది జనాభాలో గుర్తింపు తెచ్చుకోవడమే కాక చేస్తున్న వృత్తిలో కొత్త శిఖరాలను అందుకోవడంతో వచ్చే గుర్తింపు మరొకటి. ఆర్ఆర్ఆర్ నుంచి అంతర్జాతీయ స్థాయిలో పేరు ప్రఖ్యాతులు తెచ్చుకున్న రామ్ చరణ్ పేరు ముందు ఇక్కడ చెప్పిన రెండో క్యాటగిరీలో డాక్టర్ బిరుదు ప్రధానం జరిగింది.
చెన్నైకు చెందిన వేల్స్ విశ్వవిద్యాలయం ఈ పురస్కారం అందజేసింది. సినీ నటులకు వివిధ యునివర్సిటీలు డాక్టరేట్ అందించడం కొత్త కాదు. గతంలో మోహన్ బాబు, బ్రహ్మానందం, ఎన్టీఆర్, అక్కినేని నాగేశ్వరరావు, రాజేంద్రప్రసాద్ లాంటి విశిష్ట నటీనటులు ఈ గౌరవాన్ని అందుకున్నారు. అయితే అందరికీ ఒకే యునివర్సిటీ వీటిని ప్రధానం చేయలేదు. చిరంజీవికి 2006లో ఆంధ్ర యునివర్సిటీ డాక్టరేట్ ఇచ్చింది. పవన్ కళ్యాణ్ కు పలు దఫాలు ఆఫర్లు వచ్చినా ఆయన సున్నితంగా తిరస్కరించిన సంగతి తెలిసిందే. మెగా హీరోలు ఇంకా ఎదిగే దశలో ఉండటంతో ఇంకెవరికి ఈ ఛాన్స్ రాలేదు.
ఈ డాక్టర్ అనే బిరుదు బరువుతో కూడిన బాధ్యతని చెప్పాలి. టైటిల్స్ లో ఇకపై డాక్టర్ రామ్ చరణ్ అని వేస్తారు కాబట్టి దీని మీద అవగాహన లేని వాళ్ళు ఏదేదో ఊహించుకోవడం సహజం. డిగ్రీ అఫ్ డాక్టరేట్ అఫ్ లిటరేచర్ విభాగంలో కళారంగానికి చేసిన సేవకు గాను ఇది అందించారు. పరిచయ ప్రసంగంలో చరణ్ నట ప్రయాణంతో పాటు ఆర్ఆర్ఆర్ ఆస్కార్ దాకా వెళ్లిన ఘనతను ప్రత్యేకంగా ప్రస్తావించారు. ఈ ప్రోగ్రాం కోసమే చెన్నై వెళ్లిన మెగా పవర్ స్టార్ దాన్ని పూర్తి చేసుకున్నారు. గేమ్ ఛేంజర్ లో ఐఏఎస్ ఆఫీసర్ గా నటిస్తున్న రామ్ చరణ్ పేరు ముందు డాక్టర్ రావడం విశేషం
This post was last modified on April 13, 2024 9:30 pm
కొన్ని రోజుల ముందు ‘అక్క’ వెబ్ సిరీస్ ప్రమోషన్లలో భాగంగా జరిగిన ఒక చిట్ చాట్లో.. రాధిక ఆప్టే తెలుగు…
ఏపీ బీజేపీలో కొన్నాళ్లుగా అసంతృప్తితోనే నాయకులు ముందుకు సాగుతున్నారు. పార్టీలో ఏం జరుగుతోందో.. తమకు అర్థం కావడం లేదని కొన్నాళ్లుగా…
భారతదేశ పారిశ్రామిక రంగంలో ఆంధ్ర ప్రదేశ్ దూకుడు ప్రదర్శిస్తోంది. ముఖ్యమంత్రి చంద్రబాబు ఎక్స్ ప్రెస్ బుల్లెట్ వేగంతో ముందుకు దూసుకొని…
పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…
పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…
ఆర్టిఫిషియల్ ఇంటెలిజెన్స్ మనిషి జీవితంలో ఎన్నో మార్పులు తీసుకొస్తోంది. క్లిష్టమైన పనులను సులభతరం చేస్తూ, వేగంగా నిర్ణయాలు తీసుకునే స్థాయికి…