మొత్తానికి సుదీర్ఘ నిరీక్షణ తర్వాత ‘డీజే టిల్లు’ సీక్వెల్ ‘టిల్లు స్క్వేర్’ ప్రేక్షకుల ముందుకు వచ్చింది. గత ఏడాదే విడుదల కావాల్సిన ఈ చిత్రం.. వాయిదాల మీద వాయిదాలు పడి శుక్రవారం రిలీజైంది. ‘డీజే టిల్లు’ రిలీజ్ టైంలో కంటే.. ఇన్స్టా రీల్స్, యూట్యూబ్ షార్ట్స్ ద్వారా పోను పోను టిల్లు పాత్ర ప్రేక్షకులకు బాగా ఎక్కేసి ‘టిల్లు స్క్వేర్’ మీద అంచనాలు భారీగా పెంచేసింది. అందుకేేనేమో సీక్వెల్ మేకింగ్ మీద సిద్ధు అండ్ కో ఎక్కువ శ్రద్ధ పెట్టారు. ఈసారి ఎంటర్టైన్మెంట్ డోస్ ఏమాత్రం తగ్గినా.. ప్రేక్షకులు నిరుత్సాహపడతారని టీం బాగా కసరత్తు చేసింది.
దాని ఫలితం సినిమాలో బాగానే కనిపించింది. ‘డీజే టిల్లు’లో సిద్ధు టిపికల్ డైలాగ్ డెలివరీతో చెప్పిన వన్ లైనర్ డైలాగ్సే దానికి ప్రధాన ఆకర్షణగా నిలిచాయి. రీల్స్, ట్రెండ్స్లో వైరల్ అయినవి కూడా ఆ వన్ లైనర్సే. ‘టిల్లు స్క్వేర్’లో కూడా వందల కొద్దీ వన్ లైనర్స్ పెట్టాడు సిద్ధు జొన్నలగడ్డ. డైలాగుల్లో ఎక్కడా పంచ్ తగ్గకుండా చూసుకున్నాడు. వాటిని తనదైన శైలిలో పలుకుతూ ప్రేక్షకులను నాన్ స్టాప్గా నవ్వించాడు సిద్ధు.
సింపుల్గా అనిపిస్తూనే.. మంచి ఫన్ జనరేట్ చేసే డైలాగులు ఇందులో కోకొల్లలు. సినిమాలో రాధికగా రీఎంట్రీ ఇచ్చి కాసేపు మెరిసే నేహా శెట్టి తనని మొక్కుబడిగా కుశల ప్రశ్నలు అడుగుతుంటే.. ‘‘ఎయిర్ హోస్టెస్, కాల్ సెంటర్ అమ్మాయి లాగా బేసిక్ హోటల్ మేనేజ్మెంట్ క్వశ్చన్స్ అడక్కు ప్లీజ్’’ అనడం.. ఆ పాత్ర గురించి హెచ్చరిస్తూ.. ‘‘అందంగా ఉందని గోకొద్దు. అమాంతం మింగేసి అస్థిపంజరం బయటికి తీస్తది’’.. ‘‘నల్లచీర: ఎ ఫిల్మ్ బై రాధిక. చాలా పెద్ద డైరెక్టర్. కథలు మస్తు చెప్తది’’ అంటూ రాధిక పాత్ర గురించి రాసిన డైలాగులు మామూలుగా పేలలేదు.
అవే కాక తండ్రితో సిద్ధు సంభాషణలు కూడా భలేగా నవ్వించాయి. ఆయన ఫైల్స్ కంప్లైంట్తో డాక్టర్ దగ్గరికి పోతే.. ‘‘మైదా పిండి చుట్టూ నీ పేగులున్నయా.. పేగుల చుట్టూ మైదా పిండి ఉందా’’.. ‘‘ఒక పైప్ లోపలికి పంపించి నీ మైదా ఉద్యమ ాన్ని 4కేలో చూపిస్తరు’’ లాంటి డైలాగులు బాగా పేలాయి. సినిమా నిండా ఇలా పంచ్ డైలాగులుండడంతో వీక్గా ఉన్న కథ గురించి పెద్దగా పట్టించుకోకుండా సినిమాను ఎంజాయ్ చేస్తున్నారు ప్రేక్షకులు.
This post was last modified on March 29, 2024 3:57 pm
మంచు విష్ణు ఎంతో ప్రతిష్టాత్మకంగా ప్యాన్ ఇండియా రేంజ్ లో నిర్మిస్తున్న కన్నప్ప షూటింగ్ లో ప్రభాస్ అడుగు పెట్టాడు.…
ఐదేళ్ల పాలనను పూర్తి చేసుకుని ఎన్నికలకు వెళ్తున్నాడు ఏపీ ముఖ్యమంత్రి వైఎస్ జగన్. ఐతే 2019 ఎన్నికల ముంగిట ఇచ్చిన…
సినిమాలకు సంబంధించి కొన్ని డేట్లు చరిత్రలో ప్రత్యేక స్థానం సంపాదించుకుంటాయి. వాటి ప్రస్తావన వచ్చినప్పుడంతా అభిమానులు పాత జ్ఞాపకాల్లో మునిగి…
గోనె ప్రకాశరావు. తరచుగా సీఎం జగన్పైనా.. వైసీపీపైనా నిప్పులు చెరిగే మాజీ వైసీపీ నాయకుడు.. ఒకప్పటి వైఎస్ రాజశేఖర్రెడ్డికి మిత్రుడు.…
వచ్చే వారం విడుదల కావాల్సిన గ్యాంగ్స్ అఫ్ గోదావరి మళ్ళీ వాయిదా పడి మే 17 బదులు మే 31కి…
పవన్ కళ్యాణ్ పేరెత్తితే చాలు.. ఏపీ ముఖ్యమంత్రి, వైఎస్సార్ కాంగ్రెస్ అధినేత వైఎస్ జగన్మోహన్ రెడ్డికి ఎంత కోపం వస్తుందో…