పిక్ టాక్: ఇంతందానికి అలాంటి ఛాన్సులా?

కొందరు హీరోయిన్లు చూడ్డానికి యావరేజ్ అనిపించినా.. వాళ్లకు కెరీర్ ఆరంభంలో బాగా కలిసొచ్చి అవకాశాలు వెల్లువెత్తుతాయి. అదే సమయంలో టాప్ హీరోయిన్ కాగల లక్షణాలు ఉన్నప్పటికీ.. కాలం కలిసిరాక కొంతమంది ఒక స్థాయికి మించి ఎదగలేకపోతుంటారు.

రుహాని శర్మ రెండో కోవకు చెందిన అమ్మాయే. ఈ ముంబయి భామ తెలుగులో చేసిన తొలి సినిమా హిట్టే. కానీ అదొక చిన్న సినిమా కావడం, పైగా ఆమె చేసింది పెర్ఫామెన్స్ ఓరియెంటెడ్ క్యారెక్టర్ కావడమే శాపమైంది. సుశాంత్ సరసన రుహాని చేసిన ఆ చిత్రమే.. చిలసౌ. ఇందులో మంచి పాత్ర చేసి మెప్పించినా.. గ్లామర్ కోణంలో ఆకట్టుకోలేకపోయింది రుహాని. దీంతో తనపై ఒక ముద్ర పడిపోయింది.

ఆ తర్వాత ఎక్కువగా చిన్న సినిమాల్లోనే ఛాన్సులు వచ్చాయి. పెద్ద సినిమాల్లో నటించిన అవన్నీ నామమాత్రమైన సహాయ పాత్రలే. ఆ సినిమాలు కూడా పెద్దగా ఆడలేదు. తనకు గుర్తింపు తేలేదు. ఈ మధ్యే సైంధవ్, ఆపరేషన్ వాలెంటైన్ లాంటి సినిమాల్లో నటించినా ప్రయోజనం లేకపోయింది. కానీ రుహాని సోషల్ మీడియాలో షేర్ చేసే ఫొటోలు చూస్తే మాత్రం అగ్ర హీరోయిన్లకు ఏం తక్కువ అనిపిస్తుంది. అందులోనూ ఈ మధ్య పనిగట్టుకుని సూపర్ హాట్ ఫొటోలు షేర్ చేస్తోంది రుహాని.

ఆమె వెకేషన్ ఫొటోస్ అయితే.. ఎప్పుడూ ట్రెండింగ్‌లో ఉంటున్నాయి. ప్రత్యేకంగా ఫొటో షూట్లు చేయకుండా జస్ట్ సెల్ఫీ ఫొటోలు పెట్టి మంటలు పుట్టించేస్తోంది రుహాని. తాజాగా ఆమె బీచ్‌లో సేదదీరుతున్న ఫొటోలైతే మామూలు హాట్‌గా లేవు. ఇలాంటి ఫొటోలు చూసినపుడల్లా.. ఇంతందం పెట్టుకుని సినిమాల్లో అలాంటి పాత్రలు చేస్తోందేంటి తన సోషల్ మీడియా ఫాలోవర్లు, ఫ్యాన్స్ ఫీలవుతున్నారు.