బాలీవుడ్లో చాలా తక్కువ సమయంలో గొప్ప నటుడిగా పేరు సంపాదించాడు నవాజుద్దీన్ సిద్దిఖి. ఆయన నట ప్రతిభ ఎలాంటిదో చెప్పడానికి గ్యాంగ్స్ ఆఫ్ వస్సీపూర్ సహా చాలా సినిమాలే ఉన్నాయి. నసీరుద్దీన్ షా, ఓంపురి, ఇర్ఫాన్ ఖాన్ లాంటి లెజెండ్స్ తర్వాత అంతటి విలక్షణ నటుడిగా నవాజ్కు పేరు వచ్చింది. దక్షిణాదిన కూడా అతడికి డిమాండ్ ఏర్పడింది.
ముందుగా సూపర్ స్టార్ రజినీకాంత్ సినిమా పేటలో అతణ్ని నటింపజేశాడు కార్తీక్ సుబ్బరాజ్. అంచనాలను అందుకోలేకపోయిన ఆ సినిమాలో నవాజ్ విలనీ బాగానే పేలింది. కానీ నవాజ్ మాత్రం ఆ సినిమా విషయంలో తీవ్ర అసంతృప్తికి గురయ్యాడట. తన పాత్రకు తాను న్యాయం చేయలేదని.. అలా చేయకుండా పారితోషకం తీసుకున్నందుకు గిల్టీగా అనిపించిందని అతను తాజాగా ఓ ఇంటర్వ్యూలో చెప్పడం విశేషం.
పేట సినిమా చేసేటపుడు తనకు తమిళం ఒక్క ముక్క కూడా రాదని.. దీంతో ఆ సినిమాలో నటించడం చాలా ఇబ్బంది అయిందని నవాజ్ చెప్పాడు. భాష అర్థం కాకపోవడంతో డైలాగులు సరిగా చెప్పలేకపోయానని.. ఏదో అలా లిప్ సింక్ ఇస్తూ మేనేజ్ చేశానని.. సినిమా చూసుకున్నపుడు తనకే సంతృప్తిగా అనిపించలేదని నవాజ్ అభిప్రాయపడ్డాడు. తాను న్యాయం చేయని పాత్రకు పారితోషకం తీసుకోవడం ఇబ్బందిగా అనిపించిందని చెప్పాడు.
ఐతే మళ్లీ తాను సౌత్లో సైంధవ్ సినిమాలో నటించానని.. ఈ సినిమాకు ముందు మాత్రం తాను తెలుగు భాష నేర్చుకుని, డైలాగుల మీద పట్టు సాధించి, సొంతంగా డబ్బింగ్ చెప్పుకున్నానని.. ఆ విషయంలో తానెంతో సంతృప్తి చెందానని నవాజ్ తెలిపాడు. ఐతే నవాజ్కు సంతృప్తినివ్వకపోయినా, డబ్బిగ్ తేడా కొట్టినా పేటలో తన రోలే బాగుంటుంది. కానీ సొంతంగా డబ్బింగ్ చెప్పుకున్న సైంధవ్ సినిమా క్యారెక్టర్ మాత్రం మరీ నిరాశపరిచింది.
This post was last modified on February 16, 2024 10:10 pm
మొన్న శుక్రవారం విడుదలైన ఈ నగరానికి ఏమైంది రిపీట్ అంచనాలకు మించి హైదరాబాద్, ఓవర్సీస్ లో అదరగొడుతోంది. వసూళ్లు ఊహించిన…
టాక్ మిశ్రమంగా ఉన్నా ఓమ్ వసూళ్లు బాగున్నాయి. వీకెండ్ తర్వాత ఎంత శాతం డ్రాప్ ఉంటుందనేది రెండు రోజులు ఆగితే…
టాలీవుడ్ తెరమీద రక్తధారలు కొనసాగుతున్నాయి. హీరోలు మారుతున్నా వయొలెన్స్ బ్యాక్ డ్రాప్ సినిమాలు కాసులు కురిపించే దిశగా ప్రేక్షకులు ముందుకు…
ఏపీ పంచాయతీ ఎన్నికల వేళ ఓ స్వామీజీ కూడా ఎన్నికల రంగంలోకి దిగారు. ఉమ్మడి అనంతపురం జిల్లా మడకశిర నియోజకవర్గంలోని…
తన కుమార్తె అంజలి పెళ్లిని బెంగళూరులోని యలహంక ప్యాలెస్లో చేస్తామని ప్రకటించిన ఏపీ కాంగ్రెస్ అధ్యక్షురాలు షర్మిల పంతం ఒకవైపు..…
ఏపీలో గ్రామ పంచాయతీ ఎన్నికల కోలాహలం జరుగుతున్న క్రమంలో జనసేన పార్టీ కీలక నిర్ణయం తీసుకుంది. ఈ ఎన్నికల్లో ఎలాంటి…