మరో ఆసక్తికరమైన క్లాష్ కు టాలీవుడ్ బాక్సాఫీస్ రెడీ అవుతోంది. మాములుగా ఒకే శుక్రవారం అన్నీ తలపడే ట్రెండ్ కి భిన్నంగా సంక్రాంతి తరహాలో మూడు రోజుల్లో నాలుగు సినిమాలు బరిలో దిగడం ఆసక్తి రేపుతోంది. ఇవాళ ‘యాత్ర 2’ థియేటర్లలో అడుగు పెట్టేసింది. ఓపెనింగ్స్ పరంగా ఆశ్చర్యపరిచేలా ఎలాంటి పరిణామాలు లేవు కానీ జగన్ ని కీర్తిస్తూ తీసిన సినిమా కాబట్టి ఏపీ అధికార పార్టీ తరఫున ఉచిత టికెట్ల పంపకాలు, పార్టీ అభిమానులను హాళ్లకు పంపిస్తున్న వైనాల గురించి సోషల్ మీడియాలో పెద్ద చర్చే జరుగుతోంది. యాత్ర టైంలో వచ్చిన సానుభూతి వేవ్ ఎందుకో యాత్ర 2 విషయంలో కనిపించడం లేదు.
రేపు రవితేజ ‘ఈగల్’ పెద్దగా హడావిడి చేయకుండా సైలెంట్ కిల్లర్ గా బరిలో దిగుతోంది. సోలోగా పెద్ద బ్లాక్ బస్టర్ అవసరమైన తరుణంలో ఆ లోటుని ఈ సినిమా తీరుస్తుందనే నమ్మకం హీరో కంటే అభిమానుల్లో ఎక్కువ కనిపిస్తోంది. కార్తీక్ ఘట్టమనేని దర్శకత్వం మీద పెద్ద అంచనాలే ఉన్నాయి. రజనీకాంత్ ఉన్నా ‘లాల్ సలామ్’ మీద పెద్దగా బజ్ లేకపోవడం ట్రేడ్ ని ఆశ్చర్యపరుస్తోంది. తమిళంలోనూ దీని గురించి అతిగా ఊహించుకోవడం లేదు. సమయాభావం వల్ల తెలుగులో ప్రమోషన్లు చేయకపోవడం ప్రతికూలంగా మారే అవకాశం లేకపోలేదు. పైగా నేరుగా ఈగల్ తో తలపడాల్సి రావడం సులభం కాదు.
ఫిబ్రవరి 10 శనివారం ‘ట్రూ లవర్’ వస్తోంది. ఇందులో స్టార్ క్యాస్టింగ్ లేదు. ఆధునిక యువతీ యువకుల్లో జరిగే ప్రేమ వ్యవహారాలు, బ్రేకప్పులు, స్నేహాలు కాన్సెప్ట్ మీద రూపొందింది. ప్రేమిస్తే తరహాలో ఇదీ పెద్ద హిట్ అవుతుందనే నమ్మకంతో మారుతీ, ఎస్కెఎన్ లు సంయుక్తంగా డబ్బింగ్ వెర్షన్ విడుదల చేస్తున్నారు. ట్రైలర్ యూత్ లో ఆసక్తి రేపింది కానీ చెప్పుకోదగ్గ క్రేజ్ అయితే రాలేదు. ఇక్కడ చెప్పిన నాలుగు సినిమాలకూ టాక్ చాలా కీలకం కానుంది. ఉన్నవాటిలో ఈగల్ కే ఎక్కువ అడ్వాంటేజ్ కనిపిస్తుండగా బాగుందనే మాట తెచ్చుకుంటే చాలు మిగిలిన పని రవితేజ పూర్తి చేస్తాడు.
This post was last modified on February 8, 2024 1:38 pm
కుమారి ఆంటీ. సోషల్ మీడియా ప్లాట్ ఫామ్ లలోనే కాదు బయట కూడా దాదాపు ఈ పేరు తెలియని వారు…
'కొండ'ను పిండి చేస్తాం. చేవెళ్లలో గెలవనివ్వం అని రేవంత్ రెడ్డి అనడం డ్రామా. కాంగ్రెస్ బతకాలంటే రేవంత్ పీసీసీ చీఫ్…
నిన్న హఠాత్తుగా ప్రకటించిన గ్యాంగ్స్ అఫ్ గోదావరి వాయిదా ట్రేడ్ వర్గాలతో పాటు ఇండస్ట్రీ సర్కిల్స్ లోనూ హాట్ టాపిక్…
తెలంగాణలో కాంగ్రెస్ పార్టీ అధికారంలో ఉంది. ఈ లోక్ సభ ఎన్నికలలో తెలంగాణలో 17 స్థానాలకు గాను 14 స్థానాలు…
అదేంటి ఒక సంఖ్య మీద హీరో ఫ్యాన్స్ కి కోపం రావడం ఏమిటనుకుంటున్నారా. దానికి సహేతుకమైన కారణమే ఉంది లెండి.…
కేసులు కావొచ్చు ఇతర స్వార్థ ప్రయోజనాలు కావొచ్చు ఇన్నేళ్లుగా కేంద్రంలోని ఎన్డీయే కూటమి సర్కారుకు, ప్రధాని మోడీకి ఏపీ సీఎం…