బాక్సాఫీస్ వద్ద సంచనాలు నమోదు చేస్తున్న హనుమాన్ గురించి మనమే కాదు హాలీవుడ్ ఫిలిం మేకర్స్ కూడా స్ఫూర్తి చెందుతున్నారు. ప్రశాంత్ వర్మ తీసిన దాన్నుంచని చెప్పడం లేదు కానీ అంజనీ పుత్రుడి పాత్రను ఆధారంగా చేసుకుని ఒక మాడరన్ గ్యాంగ్ స్టర్ డ్రామా ఇంగ్లీష్ లో రూపొందటం విశేషం. అదే ‘మంకీ మ్యాన్’. 2008లో వచ్చిన ఆస్కార్ విజేత స్లమ్ డాగ్ మిలియనీర్ గుర్తుందిగా. అందులో చైల్డ్ ఆర్టిస్టుగా నటించిన దేవ్ పటేల్ తర్వాత అంతర్జాతీయ స్థాయిలో పేరు తెచ్చుకున్నాడు. పదికి పైగానే ఆంగ్ల చిత్రాల్లో నటించి పాపులరయ్యాడు. తాజాగా దర్శకుడిగా మారుతున్నాడు.
అంతర్జాతీయ నిర్మాణ సంస్థ యునివర్సల్ పిక్చర్స్ నిర్మించిన మంకీ మ్యాన్ ఏప్రిల్ 5 రిలీజ్ కానుంది. నిన్న ట్రైలర్ విడుదల చేస్తే ఇరవై నాలుగు గంటలోనే రెండు మిలియన్ల వ్యూస్ దాటేసింది. కథంతా ఇండియాలోనే జరుగుతుంది. హనుమంతుడిని ఆధారంగా చేసుకున్న ఆధ్యాత్మికతను చీకటి ప్రపంచానికి ముడిపెట్టి హీరో కుళ్లిపోయిన మాఫియా మీద ఎలా తిరగబడ్డాడనే పాయింట్ మీద ఇది రూపొందింది. అడవి శేష్ గూఢచారి ఫేమ్ శోభిత ధూళిపాళ హీరోయిన్ గా నటించింది. విపిన్ శర్మ, మకరంద్ దేశ్ పాండే లాంటి బాలీవుడ్ ఆర్టిస్టులు చాలానే ఉన్నారు.
చూస్తుంటే మన ఇతిహాసాల సూపర్ హీరోలు ఇప్పుడు హాలీవుడ్ సినిమాల్లోనూ ఎంట్రీ ఇస్తున్నారు. విజువల్స్ చాలా ఇంటెన్స్ గా కనిపిస్తున్నాయి. యాక్షన్ ఎపిసోడ్స్ ఆసక్తిని పెంచేలా ఉన్నాయి. దేవర ముందు అనుకున్న డేట్ కి ఈ మంకీ మ్యాన్ ని తీసుకొస్తున్నారు. తెలుగుతో పాటు ఇతర భాషల్లోనూ డబ్బింగ్ చేసేందుకు ప్లానింగ్ జరుగుతోంది. అలా అని ఇదేదో భక్తిలో ముంచెత్తే సినిమా మాత్రం అనుకోకండి. కేవలం హనుమాన్ ని ఒక అంశంగా తీసుకుని దాన్ని సోషల్ డ్రామాలో వాడుకునే ప్రయత్నం చేశారు. ఇది హిట్ అయితే ఇదే తరహాలో మరికొందరు మన గాథలను వాడుకోవడం ఖాయం
This post was last modified on January 27, 2024 11:34 am
టాలీవుడ్లో మంచి అభిరుచి ఉన్న దర్శకుల్లో క్రిష్ ఒకడు. దాదాపు రెండు దశాబ్దాల కెరీర్లో క్రిష్ ఎన్నడూ రొటీన్ సినిమా…
మంచి టాలెంట్ ఉన్న యంగ్ జనరేషన్ దర్శకులు కెరీర్ ప్రారంభంలో హిట్లు అందుకున్నప్పటికీ దాన్ని నిలబెట్టుకునే క్రమంలో, కథల ఎంపికలో…
స్నేహమేరా జీవితం, స్నేహమేరా శాశ్వతం అని సినిమాల్లో చూడటమే కానీ నిజ జీవితంలో దాన్ని ఆచరించే వాళ్ళను వేళ్ళ మీద…
ఒక జడ్జి ప్రజల్ని చీమలతో పోల్చితో మరొకరు నిరుద్యోగులను బొద్దింకలతో పోల్చడం దేశ ప్రజలను విస్మయానికి గురి చేసింది. దాని…
ది ప్యారడైజ్.. దసరా లాంటి రా అండ్ రస్టిక్ బ్లాక్ బస్టర్ తర్వాత వస్తున్న కాంబినేషన్ కావడంతో దీనిపై అంచనాలు…
అదేంటో గానీ... ఉన్న రోగానికి మందేస్తే... ఆ రోగం సంగతేమో గానీ... కొత్త రోగం వచ్చి పడుతోంది. ఈ తరహా…