Movie News

సీతమ్మ వాకిట్లో బామ్మకు 90 కోట్ల బ్లాక్ బస్టర్

అప్పుడెప్పుడో ముప్పై ఏళ్ళ క్రితంలో సీతారామయ్య గారి మనవరాలులో ఏఎన్ఆర్ భార్యగా చేసిన నటిగా చెబితే గుర్తుకు రావడం కష్టం కానీ సీతమ్మ వాకిట్లో సిరిమల్లె చెట్టులో వెంకటేష్ మహేష్ బాబుల బామ్మ అంటే వెంటనే ఫ్లాష్ అవుతుంది. ఆవిడే రోహిణి హట్టంగడి. తరచుగా కనిపించడం తప్ప సినిమాలు చేయడం బాగా తగ్గించిన ఈ పెద్దావిడ కొన్ని నెలల క్రితం ‘బైపన్ భారీదేవ’ అనే మరాఠి సినిమాలో కీలక పాత్ర పోషించారు. కేవలం 5 కోట్లతో తెరకెక్కిస్తే ఏకంగా 90 కోట్లకు పైగా వసూళ్లు సాధించి బాప్రే అనిపించింది. ఆరు నెలల తర్వాత కానీ హాట్ స్టార్ ద్వారా ఓటిటి మోక్షం దక్కలేదు.

ఆరుగురు ఆడవాళ్ళ పాత్రలను తీసుకుని ఆరు రంగులను ప్రతిబింబించేలా, కేవలం ఎమోషన్స్ ని కదిలించేలా దర్శకుడు కేదార్ షిండే చేసిన ప్రయత్నం గొప్ప ఫలితాన్ని ఇచ్చింది. ఇందులో ఎలాంటి ఫైట్లు, కమర్షియల్ మసాలాలు ఉండవు. అచ్చం ఇంట్లో మాట్లాడుకున్నట్టే సన్నివేశాలు జరుగుతాయి. రోజూ చూసే పాత్రలను స్క్రీన్ మీద కలుస్తున్నట్టు ఉంటుంది. రోహిణి హట్టంగడికి తోడు మిగిలిన అయిదుగురు ఆర్టిస్టులు నువ్వా నేనా అనే రీతిలో పోటీ పడటంతో జనాలు థియేటర్లకు పోటెత్తారు. ఒరిజినల్ వెర్షన్ తో పాటు కేవలం హిందీ డబ్బింగ్ మాత్రమే అందుబాటులో ఉంచారు.

దీని ప్రస్తావన ఎందుకంటే తెలుగులో రీమేక్ చేసే ప్రయత్నాలు జరుగుతున్నాయట. రోహిణి హట్టంగడినే కొనసాగించి మిగిలిన క్యాస్టింగ్ ని ఇక్కడి వాళ్ళను తీసుకునేలా ఒక మహిళా దర్శకురాలు ప్రయత్నిస్తున్నట్టు తెలిసింది. హక్కుల కోసం డిమాండ్ ఉండటంతో బైపన్ భారీదేవా నిర్మాతలు ఇతర బాషలకు అనువదించలేదని టాక్. అయినా స్టార్ హీరోల సినిమాలకే బ్లాక్ బస్టర్ లేని రోజుల్లో కేవలం ఆడవాళ్లను పెట్టుకుని ఇంత హిట్టు కొట్టడం విశేషమే. అంతగా ఏముందో తెలియాలంటే హిందీ మరాఠి రాకపోతే సబ్ టైటిల్స్ చూడటం తప్ప ప్రస్తుతానికి వేరే ఆప్షన్ లేదు.

This post was last modified on January 25, 2024 4:37 pm

Share

Recent Posts

హనుమాన్ 2… ఊహించని ట్విస్టు

మూడేళ్ళ క్రితం మహేష్ బాబు, నాగార్జున, వెంకటేష్ లాంటి స్టార్ హీరోలతో సంక్రాంతి రేసులో తలపడి తేజ సజ్జ అంత…

26 minutes ago

వాళ్ళముందు మన సంస్కృతిని తక్కువ చెయ్యను: కీర్తి సురేష్

కొన్ని రోజుల ముందు ‘అక్క’ వెబ్ సిరీస్ ప్రమోషన్లలో భాగంగా జరిగిన ఒక చిట్ చాట్‌లో.. రాధిక ఆప్టే తెలుగు…

2 hours ago

ఏపీ బీజేపీలో అసంతృప్తి సెగ‌… ఆ ఎమ్మెల్యే రాజీనామా?

ఏపీ బీజేపీలో కొన్నాళ్లుగా అసంతృప్తితోనే నాయ‌కులు ముందుకు సాగుతున్నారు. పార్టీలో ఏం జ‌రుగుతోందో.. త‌మ‌కు అర్థం కావ‌డం లేద‌ని కొన్నాళ్లుగా…

3 hours ago

పారిశ్రామిక రంగంలో చంద్రబాబు ఎక్స్ ప్రెస్ స్పీడ్

భారతదేశ పారిశ్రామిక రంగంలో ఆంధ్ర ప్రదేశ్ దూకుడు ప్రదర్శిస్తోంది. ముఖ్యమంత్రి చంద్రబాబు ఎక్స్ ప్రెస్ బుల్లెట్ వేగంతో ముందుకు దూసుకొని…

3 hours ago

రాములమ్మని వాడుకోవడం తెలివైన ఐడియా

పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…

12 hours ago

ఇది వింటే ఇక జన్మలో కాపీ కొట్టరు

పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…

13 hours ago