హనుమాన్ సినిమా విడుదలై వారం రోజులు దాటిపోయినా.. ఊపేమి తగ్గట్లేదు. రెండో వారంలో కూడా ఈ సినిమా వసూళ్ల మోత మోగిస్తోంది. ఈ వీకెండ్లో హనుమాన్ ముందు ఏ సినిమా కూడా నిలవలేకపోతోంది. ఈ వారమే వచ్చిన కొత్త సినిమాలా ఆ చిత్రం హౌస్ ఫుల్స్ తో రన్ అవుతోంది. రెండు తెలుగు రాష్ట్రాల్లో ఇప్పటికీ హనుమాన్ టికెట్లు దొరకడం గగనంగానే ఉంది.
ప్రపంచవ్యాప్తంగా అన్ని ఏరియాల్లోనూ బ్రేకింగ్ అయి లాభాల పంట పండిస్తున్న హనుమాన్.. వసుళ్ల పరంగా పెద్ద పెద్ద టార్గెట్ల వైపు అడుగులేస్తోంది. ఓవరాల్ వసూళ్లు 200 కోట్ల గ్రాస్ మార్కుకు చేరువగా ఉన్నాయి.
వసూళ్ళ పరంగా హనుమాన్ సంచలనాలు మిగతా చోటల్లా ఒక ఎత్తు అంటే అమెరికాలో మరో ఎత్తు. చిన్న సినిమాలకు అక్కడ మిలియన్ డాలర్లు అంటేనే పెద్ద విషయం. ఈ సినిమా ఏకంగా 4 మిలియన్ మార్కును దాటేసింది. దీంతో నాన్-రాజమౌళి, నాన్- ప్రభాస్ రికార్డు ఆ సినిమా సొంతం అయిపోయింది. ఇప్పటిదాకా అల్లు అర్జున్- త్రివిక్రమ్ కాంబినేషన్లో వచ్చిన అల వైకుంఠపురములో 3.8 మిలియన్ డాలర్లతో నాన్-రాజమౌళి, నాన్- ప్రభాస్ రికార్డును హోల్డ్ చేసింది.
ఇప్పుడు హనుమాన్ 4 మిలియన్ మార్కును అందుకొని ఐదు మిలియన్ డాలర్ల మార్కు దిశగా అడుగులు వేస్తోంది. ఆ ఘనత కూడా హనుమాన్ సొంతం కావడం కష్టమేమీ కాదు. అదే జరిగితే ఇకపై ప్రతి టాలీవుడ్ స్టార్ హీరో యుఎస్ టార్గెట్ 5 మిలియన్ అవుతుంది. నాలుగు మిలియన్ల మార్కును అందుకోవడమే కష్టంగా ఉంటే.. ఐదు మిలియన్లు అంటే ఆషామాషీ విషయం కాదు.
అంతర్గత వర్గాల నుంచి వినిపిస్తున్న సమాచారం కనక నిజమయ్యే పక్షంలో రామ్ చరణ్ అభిమానులకు అది గుడ్ న్యూస్ కానుంది.…
అల్లు అర్జున్ హీరోగా లోకేష్ కనగరాజ్ డైరెక్షన్ లో రాబోతున్న కొత్త సినిమాపై ఇండస్ట్రీలో రకరకాల చర్చలు నడుస్తున్నాయి. సినిమా…
విశాఖ స్టీల్ ప్లాంట్ లో జరిగిన ఘోర ప్రమాదంలో 8 మంది చనిపోగా… ఆరుగురు తీవ్రంగా గాయపడి వేర్వేరు ఆసుపత్రుల్లో…
గ్రాండ్ ఓల్డ్ పార్టీ కాంగ్రెస్ కు ఎప్పుడు కష్టం వచ్చినా… ఆదుకునేందుకు కర్ణాకట కొత్త సీఎం డీకే శివకుమార్ సదా…
సౌత్ ఫిల్మ్ ఇండస్ట్రీలో ఇప్పుడు ఒక క్రేజీ ప్రాజెక్ట్ ఆగిపోయిందనే వార్త హాట్ టాపిక్ గా మారింది. కోలీవుడ్ కు…
విశాఖ స్టీల్ ప్లాంట్ లో సోమవారం భారీ ప్రమాదం సంభవించింది. 8 మంది ప్రాణాలు కోల్పోయారు. మరో ఆరుగురు గాయపడ్డారు.…