మొత్తానికి సంక్రాంతి సినిమాల రిలీజ్ డేట్ల పంచాయతీ తేలిపోయింది. ఐదు సినిమాలకు థియేటర్లు సర్దుబాటు చేసే అవకాశం లేకపోవడంతో.. ఒక చిత్రం రేసు నుంచి తప్పుకోక తప్పని పరిస్థితి నెలకొంది. ఆ ఒక్క చిత్రం ఏదన్న ఉత్కంఠకు తెరదించుతూ ఈగల్ సినిమా పోటీ నుంచి వైదొలిగింది. ఈ చిత్ర మేకర్స్ కొంత అయిష్టంగానే పోటీ నుంచి తప్పుకున్నట్లు తెలుస్తోంది.
ముందు సంక్రాంతి సినిమాల్లో అన్నిట్లోకి చిన్నదైన హనుమాన్ ను పోటీ నుంచి తప్పిస్తారని ప్రచారం జరిగింది. కానీ అది పాన్ ఇండియా స్థాయిలో రిలీజ్ కావాల్సిన సినిమా, అనేక సమీకరణాలు ముడిపడి ఉండడంతో పోటీ నుంచి వైదొలగలేదు. దీంతో ఈగల్ టీం త్యాగం చేయాల్సి వచ్చింది. ఈ పరిణామం రవితేజ అభిమానులకు ఎంత మాత్రం రుచించడం లేదు. ఈగల్ ను వాయిదా వేయడంపై సోషల్ మీడియాలో వారు ఆక్రోశం వెళ్లగక్కుతున్నారు.
రవితేజ అభిమానుల కోపం ప్రధానంగా నా సామి రంగ సినిమా మీద కనిపిస్తోంది. ఈగల్ చిత్రం షూటింగ్ నెల కిందటే పూర్తయిందని, చాలా ముందుగానే సంక్రాంతి రిలీజ్ డేట్ ఇచ్చారని, విడుదలకు రెండు వారాల ముందే సెన్సార్ కూడా రెడీ అయిపోయిందని.. ఇలాంటి సినిమాను ఎలా వాయిదా వేస్తారని వారు ప్రశ్నిస్తున్నారు. లేటుగా సంక్రాంతి రేసులోకి వచ్చిన నా సామి రంగను పోటీ నుంచి తప్పించవచ్చు కదా అని వారంటున్నారు.
సంక్రాంతికి నాలుగు నెలల కిందటే షూటింగ్ మొదలుపెట్టుకొని ఇంకా చిత్రీకరణ దశలోనే ఉన్న ఈ సినిమా జోలికి వెళ్లకుండా చాలాముందే ఫస్ట్ కాపీతో రెడీగా ఉన్న ఈగల్ ను రేసు నుంచి తప్పించడం ఎంతవరకు సబబు అని ప్రశ్నిస్తున్నారు. ఇండస్ట్రీలో బ్యాగ్రౌండ్ ఉన్న వాళ్ళదే రాజ్యం అనడానికి ఇది నిదర్శనం అని వారు ఆవేదన వ్యక్తం చేస్తున్నారు.
This post was last modified on January 5, 2024 5:08 pm
ఉమ్మడి ఉభయ గోదావరి జిల్లాల్లో బెట్టింగుల జోరు ఎక్కువ.! నెల్లూరు జిల్లాలో అయితే ఓ ప్రజా ప్రతినిథి నేతృత్వంలోనే బెట్టింగులు…
అంబటి రాంబాబు.. పరిచయం అక్కర్లేని పేరిది. పేరుకి మంత్రి.! కానీ, ఆ నీటి పారుదల శాఖ తరఫున పెద్దగా మాట్లాడిందీ,…
"నేడు నా పుట్టిన రోజు.. వైసీపీ చచ్చిన రోజు``- అని వైసీపీ రెబల్ ఎంపీ, టీడీపీ నాయకుడు కనుమూరి రఘురామకృష్ణరాజు…
మాములుగా కొత్త సినిమా ఏదైనా థియేటర్లో లేదా ఓటిటిలో నిర్మాత నిర్ణయాన్ని బట్టి రావడం ఇప్పటిదాకా చూస్తున్నాం. కానీ సోషల్…
ప్రధాని నరేంద్ర మోడీ ముచ్చటగా మూడో సారి కూడా వారణాసి నియోజకవర్గం నుంచి తన నామినేషన్ సమర్పించారు. సొంత రాష్ట్రం…
రాజకీయాల్లో ఏదైనా జరగొచ్చు. ఏమైనా కావొచ్చు. ఉమ్మడి పశ్చిమ గోదావరి జిల్లాలోని ఉండి నియోజకవర్గంలోనూ ఇదే చర్చ సాగుతోంది. పోలింగ్…