ఏ హీరోయిన్ కైనా షారుఖ్ ఖాన్ లాంటి స్టార్ హీరో సరసన ఛాన్స్ వస్తే అంతకన్నా కావాల్సింది ఏముంటుంది. బాలీవుడ్ లో పెర్ఫార్మన్స్ కు ప్రాధాన్యం ఉన్న పాత్రలు చేస్తూ పెద్ద బ్రేక్ కోసం ఎదురు చూస్తున్న తాప్సీ పన్నుకి గత ఏడాది డంకీలో ఆఫర్ వచ్చినప్పుడు మేఘాల్లో తేలిపోయింది. ఎందుకంటే కల్ట్ దర్శకుడు రాజ్ కుమార్ హిరానీ, కింగ్ ఖాన్ కాంబినేషన్ లో మొదటి మూవీ కావడంతో అంచనాలు ఓ రేంజ్ లో ఉంటాయి. పైగా నటనను పిండుకోవడంలో సదరు డైరెక్టర్ కున్న పేరు అందరికీ తెలిసిందే. కానీ డంకీ ఫలితం చూస్తుంటే బోల్తా కొట్టినట్టు స్పష్టమవుతోంది.
డంకీ రివ్యూలు, ఓపెనింగ్స్ ఆశాజనకంగా లేవు. మొదటి రోజు కనీసం యాభై కోట్ల గ్రాస్ ని ఆశిస్తే అతి కష్టం మీద ముప్పై కోట్ల మార్కుని దాటడం ఫ్యాన్స్ ని నిరాశ పరిచింది. ఇక్కడ తాప్సీ పరంగా చూసుకుంటే మన్ను రన్దావా పాత్రని చాలా చక్కగా పోషించింది. ముసలి గెటప్ లో మేకప్ తేడా కొట్టింది కానీ యాక్టింగ్ విషయంలో షారుఖ్ కు ధీటుగా నటించి మంచి మార్కులు కొట్టేసింది. కొన్ని ఫ్రేమ్స్ లో డామినేట్ కూడా చేసింది. నిజానికి తనని రాంగ్ ఛాయసని మొదట్లో అనుకున్నారు. కానీ తెరమీద చూశాక అభిప్రాయాలు మారిపోయాయి. ఇంత కష్టపడినా వృధా అయిపోయింది.
రాజ్ కుమార్ హిరానీ ఫిల్మోగ్రఫీలో వీక్ కంటెంట్ ఉన్న సినిమాగా డంకీ నిలుస్తోంది. ఇక్కడ సౌత్ ఆడియన్స్ నయం. ఉత్తరాది పబ్లిక్ నిర్మొహమాటంగా సినిమా బాలేదని మీడియా మైకుల ముందు చెప్పేస్తున్నారు. అంచనాలు ఎక్కువైపోవడంతో నిరాశ కూడా దానికి తగ్గట్టే పెరిగింది. జవాన్, పఠాన్ ల సరసన మరో వెయ్యి కోట్ల హ్యాట్రిక్ బ్లాక్ బస్టర్ పడుతుందని ఆశించిన బాలీవుడ్ ట్రేడ్ కి కనీసం అందులో సగం వచ్చినా గొప్పే అనుకోవాలి. అంతో ఇంతో మాస్ కి రీచ్ అయ్యే కంటెంట్ ఉన్న టైగర్ 3నే ఆ మైలురాయి అందుకోలేదు. అలాంటిది డంకీ వల్ల ఇది జరిగే పనేనా.
This post was last modified on December 22, 2023 12:07 pm
ఐపీఎల్లో ఆటగాడిగా మహేంద్ర సింగ్ ధోనీ సంపాదన రూ.200 కోట్ల మార్కును దాటింది. 2008లో రూ.6 కోట్లతో మొదలైన అతడి…
మహావతార నరసింహ.. గత ఏడాది పాన్ ఇండియా స్థాయిలో సెన్సేషన్ క్రియేట్ చేసిన సినిమా. ఈ యానిమేషన్ మూవీ రిలీజయ్యే…
టాలీవుడ్ టాలెంటెడ్ దర్శకుల్లో వెంకీ కుడుముల పేరు ఖచ్చితంగా ఉంటుంది. రష్మిక మందన్న ఇవాళ ఈ స్థాయికి వచ్చిందంటే ఛలో…
మహిళల భద్రతపై మరోసారి ఆందోళన కలిగించే ఘటన తెలంగాణలో చోటుచేసుకుంది. ఇంటికి వెళ్లేందుకు ఆటోలో లిఫ్ట్ ఇస్తామని నమ్మించిన ఇద్దరు…
ప్రపంచ టెక్ రంగంలో సంచలనం సృష్టించిన ఎన్విడియా మాజీ సీఈవో జెన్సెన్ హువాంగ్ వ్యవహారం మరో మలుపు తిరిగింది. వివాహేతర…
బంధువులను రైలు ఎక్కించడానికి వెళ్లినవాళ్లు అనుకోకుండా అదే రైలులో ప్రయాణించాల్సి వచ్చింది. పైగా టికెట్లు లేకపోవడంతో ఏకంగా రూ.36,140 చెల్లించాల్సి…