Movie News

500 కోట్ల క్లబ్బులో వైల్డ్ యానిమల్

బాలీవుడ్ బాక్సాఫీస్ ని ఊపేస్తున్న యానిమల్ మొదటి వారం పూర్తికావడానికి ఒక్క రోజు ముందే అయిదు వందల కోట్ల క్లబ్బులోకి అడుగు పెట్టింది. ప్రపంచవ్యాప్తంగా 527 కోట్ల 60 లక్షల గ్రాస్ తో వెయ్యి కోట్ల మైలురాయి వైపు పరుగులు పెడుతోంది. ఈ ఏడాది జవాన్, పఠాన్ లను ఎవరూ దాటలేరనే అంచనాలను చిన్నాభిన్నం చేస్తూ ఒక తెలుగు దర్శకుడు ఈ సునామి సృష్టించడం విశేషం. ఒక్క నార్త్ అమెరికాలోనే కేవలం నాలుగు రోజులకే 7 మిలియన్లను దాటడం అరుదైన రికార్డు. తెలుగు రాష్ట్రాల్లో థియేట్రికల్ బిజినెస్ చేసిన 15 కోట్లను కేవలం మొదటి వీకెండ్ లోపే అందుకోవడం అరుదైన ఘనత.

ఇప్పుడప్పుడే యానిమల్ నెమ్మదించే సూచనలు కనిపించడం లేదు. రెండో వారంలో హిందీలో ఒక్కటంటే ఒక్కటి సరైన సినిమా లేదు. సలార్, డంకీలు దగ్గరలో ఉండటంతో ఎవరూ రిస్క్ చేయడం లేదు. దర్శకుడు సందీప్ రెడ్డి వంగా తమ్ముడితో కలిసి ఓవర్సీస్ లో ప్రమోషన్ల కోసం వెళ్లిపోగా రన్బీర్ కపూర్, రష్మిక మందన్నలు డేట్ల సర్దుబాటుని బట్టి ఇండియాలో సక్సెస్ టూర్ చేసేందుకు ప్లాన్ చేసుకుంటున్నారు. వెయ్యి కోట్లు వచ్చాక టి సిరీస్ ఒక భారీ ఈవెంట్ ని ముంబైలో ప్లాన్ చేస్తోంది. ఇంత పెద్ద చరిత్ర ఇచ్చిన ప్రేక్షకులకు థాంక్స్ చెప్పేందుకు వేడుక ఉంటుందట.

పలు రాష్ట్రాల్లో వర్షాలు, ఇతరత్రా రాజకీయ కారణాల వల్ల వీక్ డేస్ లో కొంత నెమ్మదించినప్పటికీ తిరిగి శని ఆదివారాలు పూర్తిగా యానిమల్ ఆధీనంలోకి వెళ్లడం ఖాయమే. తెలుగులో హాయ్ నాన్న టాక్ వచ్చేసింది. ఫ్యామిలీ ఆడియన్స్ కి ఓకే కానీ మాస్ ఎంత వరకు కనెక్ట్ అవుతారో చెప్పలేం అన్నట్టుగా ఉంది. ఇక ఎక్స్ ట్రాడినరి మ్యాన్ జాతకం రేపు ఉదయం తేలిపోతుంది. ఒకవేళ ఈ రెండూ కనక మిశ్రమ ఫలితాలు అందుకుంటే యానిమల్ మళ్ళీ పుంజుకుంటుంది. లేదూ నితిన్ నానిలు హిట్టు కొడితే మాత్రం నెమ్మదించక తప్పదు. ముంబై మీడియా మొత్తం యానిమల్ జపంలోనే తేలుతోంది.

This post was last modified on December 7, 2023 3:02 pm

Share

Recent Posts

హనుమాన్ 2… ఊహించని ట్విస్టు

మూడేళ్ళ క్రితం మహేష్ బాబు, నాగార్జున, వెంకటేష్ లాంటి స్టార్ హీరోలతో సంక్రాంతి రేసులో తలపడి తేజ సజ్జ అంత…

30 minutes ago

వాళ్ళముందు మన సంస్కృతిని తక్కువ చెయ్యను: కీర్తి సురేష్

కొన్ని రోజుల ముందు ‘అక్క’ వెబ్ సిరీస్ ప్రమోషన్లలో భాగంగా జరిగిన ఒక చిట్ చాట్‌లో.. రాధిక ఆప్టే తెలుగు…

2 hours ago

ఏపీ బీజేపీలో అసంతృప్తి సెగ‌… ఆ ఎమ్మెల్యే రాజీనామా?

ఏపీ బీజేపీలో కొన్నాళ్లుగా అసంతృప్తితోనే నాయ‌కులు ముందుకు సాగుతున్నారు. పార్టీలో ఏం జ‌రుగుతోందో.. త‌మ‌కు అర్థం కావ‌డం లేద‌ని కొన్నాళ్లుగా…

3 hours ago

పారిశ్రామిక రంగంలో చంద్రబాబు ఎక్స్ ప్రెస్ స్పీడ్

భారతదేశ పారిశ్రామిక రంగంలో ఆంధ్ర ప్రదేశ్ దూకుడు ప్రదర్శిస్తోంది. ముఖ్యమంత్రి చంద్రబాబు ఎక్స్ ప్రెస్ బుల్లెట్ వేగంతో ముందుకు దూసుకొని…

3 hours ago

రాములమ్మని వాడుకోవడం తెలివైన ఐడియా

పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…

13 hours ago

ఇది వింటే ఇక జన్మలో కాపీ కొట్టరు

పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…

13 hours ago