ఒక్కోసారి సుడి ఉంటే తన్నుకొచ్చే అదృష్టాన్ని ఎవరూ ఆపలేరు. దాన్నే ఇంకో రకంగా శుక్రమహర్దశని చెప్పొచ్చు. దిల్ రాజు కంటే మంచి ఉదాహరణ ఇంకోటి అక్కర్లేదు. ‘యానిమల్’ హక్కులను తెలుగు రాష్ట్రాలకు 15 కోట్లకు కొన్నప్పుడు అందరిలోనూ ఒకలాంటి అనుమానం. ఏ మాత్రం తేడా కొట్టినా రన్బీర్ కపూర్ ని మన ఆడియన్స్ తిరస్కరిస్తారు. కట్ చేస్తే మొదటి వీకెండ్ దాటడం ఆలస్యం లాభాలు వచ్చేలా ఉన్నాయి. ముఖ్యంగా నైజామ్ లో యానిమల్ భీభత్సం మాములుగా లేదు. అయితే దిల్ రాజు హవా గత కొంత కాలంగా దివ్యంగా వెలిగిపోతున్న విషయం గమనించాలి .
‘జైలర్’ కీలక ప్రాంతాలకు పంపిణి చేసింది ఆయనే. ఇది కలలో కూడా ఊహించని రేంజ్ లో బ్లాక్ బస్టర్ అయ్యింది. ఎప్పుడో మార్కెట్ తగ్గిపోయిన రజనీకాంత్ కి తిరిగి తెలుగులో బిజినెస్ పెరిగేలా చేసింది. అంతకు ముందు ‘పొన్నియిన్ సెల్వన్’ రెండు భాగాలు ఇక్కడ అంచనాలు అందుకోలేకపోయినా దిల్ రాజు పెట్టుబడికి ఢోకా లేకుండా వెనక్కు తెచ్చింది. ‘లవ్ టుడే’ని తెలివిగా రీమేక్ చేయకుండా అనువాదం చేయడం లాభాల వర్షం కురిపించింది. ఇవన్నీ స్ట్రెయిట్ సినిమాలు కాదు. ఏ మాత్రం వర్కౌట్ కానీ ‘సప్తసాగరాలు దాటి’ లాంటివి ట్రై చేయకపోవడం దిల్ రాజు తెలివికి నిదర్శనం.
వీటి తాలూకు ఆనందం ఈ అగ్ర నిర్మాతలో స్పష్టంగా కనిపిస్తోంది. గేమ్ చేంజర్ విపరీతంగా ఆలస్యం కావడం, సంక్రాంతికి అనుకున్న ఫ్యామిలీ స్టార్ ని మార్చికి వాయిదా వేయాల్సి రావడం లాంటివి ఇబ్బంది పెట్టినా ఒక డిస్ట్రిబ్యూటర్ గా ఆయన ఫుల్ స్వింగ్ లో ఉన్న మాట వాస్తవం. ఇతర నిర్మాతలు చేసిన మసూద, బింబిసార లాంటి బ్లాక్ బస్టర్లు దిల్ రాజుకు కామధేనువే అయ్యాయి. యానిమల్ ఫైనల్ ఫిగర్స్ మాత్రం ఖచ్చితంగా వామ్మో అనిపించేలా ఉంటాయి. సలార్ కి పోటీ పడకుండా మైత్రికి వదిలేయడం ఎంత వరకు సబబో డిసెంబర్ 22 నాడు తేలిపోతుంది. చూద్దాం.
This post was last modified on December 2, 2023 10:33 pm
హీరోల పారితోషకాలు అంతకంతకూ పెరిగిపోతుండడంపై నిర్మాతల్లో ఆందోళన వ్యక్తమవుతున్న మాట వాస్తవం. పైకి చెప్పకపోయినా ఈ విషయంలో అసంతృప్తితో ఉన్నారన్నది ఇండస్ట్రీలో…
అధికారంలో ఉన్న నాయకులు, అధికారంలో లేని నాయకులు ఇలా రెండు వర్గాలుగా విభజించినప్పుడు సాధారణంగా పదవులు పొందిన వారు సంతృప్తి…
మూడు రోజుల తెలుగు వారి పెద్ద పండుగ.. సంక్రాంతి. ఇళ్లకే కాదు.. గ్రామాలకు సైతం శోభను తీసుకువచ్చే సంక్రాంతికి.. కోడి…
ఈ సంక్రాంతికి ‘భర్త మహాశయులకు విజ్ఞప్తి’ చిత్రంతో ప్రేక్షకులను పలకరించబోతోంది డింపుల్ హయతి. కెరీర్లో ఆమెకు ఇంకా పెద్ద బ్రేక్ రాలేదు. ఇప్పటికే ఖిలాడి,…
బీజేపీ కురువృద్ధ నాయకుడు, దేశ మాజీ ఉపరాష్ట్రపతి ముప్పవరపు వెంకయ్యనాయుడు.. ప్రస్తుతం ప్రత్యక్ష రాజకీయాల నుంచి తప్పుకొన్నారు. అయితే.. ఆయన…
చుక్క పడందే నిద్ర పట్టని వారు చాలా మంది ఉన్నారు. వీరిలో చిన్న చితకా మందుబాబులను పక్కన పెడితే, మద్యం…