భాగమతి 2 మంచి ఆలోచనే కానీ

ఇవాళ స్వీటీ అనుష్క బర్త్ డే. కెరీర్ లో కొంత గ్యాప్ తర్వాత మిస్ శెట్టి మిస్టర్ పోలిశెట్టితో సూపర్ హిట్ కంబ్యాక్ ఇచ్చిన ఆనందం ఫ్యాన్స్ ని సంతోషపరిచింది. అయితే ఆ సినిమా ప్రమోషన్లలో ఎక్కడా కనిపించకపోవడం, చేసిన ఒక్క వీడియో ఇంటర్వ్యూని కూడా నాన్చి నాన్చి రాకుండా చేయడం కొంత నిరాశ పరిచినా ఫైనల్ గా బ్లాక్ బస్టర్ దక్కడం మాత్రం హ్యాపీనే. ఇదిలా ఉండగా అనుష్క యాభై సినిమాగా భాగమతి 2ని తీయాలని యువి క్రియేషన్స్ నిర్ణయించినట్టుగా వచ్చిన వార్త హాట్ టాపిక్ గా మారింది. అఫీషియల్ గా ఈ రోజు చెబుతారో లేదో కానీ చేయాలనే అంగీకరమైతే కుదిరిందట.

ఒకపక్క చిరంజీవి విశ్వంభరలో హీరోయిన్ గా ఎంపికయ్యిందనే వార్తలు వినిపిస్తున్న నేపథ్యంలో ఇప్పుడీ భాగమతి 2 ట్విస్టు రావడం ఊహించనిది. ఒకవేళ రెండు సమాంతరంగా చేస్తుందేమో తెలియదు. అయితే ప్రాక్టికల్ గా చూస్తే ఆ సినిమా భారీ విజయం సాధించిందే కానీ ఇన్నేళ్ల తర్వాత సీక్వెల్ తీసేంత క్రేజ్ దానికి లేదు. ఆ టైంలో ఉన్న ట్రెండ్ వేరు ఇప్పటి పరిస్థితులు వేరు. విరూపాక్ష, మా ఊరి పొలిమేర 2 సక్సెస్ లు చూశాక సీరియస్ హారర్ జానర్ పట్ల మళ్ళీ ప్రేక్షకుల్లో ఆసక్తి పెరిగిందనే సంకేతం బాక్సాఫీస్ దగ్గర కనిపిస్తోంది. భాగమతి 2 ప్రేరణకు ఇది కూడా కారణం కావొచ్చు.

అప్పటికి ఇప్పటికి అనుష్క లుక్స్ లో మార్పు వచ్చింది. ఆ ఇబ్బంది వల్లే మిస్ శెట్టి మిస్టర్ పోలిశెట్టికి లైవ్ ఈవెంట్, ప్రెస్ మీట్లు పెట్టలేదనే కామెంట్లు ఆ మధ్య గట్టిగానే తిరిగాయి. మరి భాగమతి 2, విశ్వంభర నిజంగా చేసే పనైతే వాటి ఓపెనింగ్స్ కి వచ్చినప్పుడైనా అనుష్క కెమెరా ముందు కాసిన్ని కబుర్లు పంచుకుంటే బాగుంటుంది. మరి దర్శకుడు ఎవరంటే మాత్రం ప్రస్తుతానికి లీక్ లేదు. ఫస్ట్ పార్ట్ హ్యాండిల్ చేసిన అశోక్ కే ఇస్తారా లేదా చూడాలి. దాని తర్వాత ఆయన చేసిన రీమేక్ దుర్గామతి బాలీవుడ్ లో డిజాస్టర్ గా మిగిలింది. వేరే ప్యాన్ ఇండియా మూవీ ప్లాన్ చేసుకున్నారు కానీ ముందుకెళ్ళలేదు.