హిట్టు ఫ్లాపు పక్కనపెడితే హీరో సందీప్ కిషన్ కు యూత్ లో మంచి గుర్తింపు ఉంది. కుర్రాడు కష్టపడతాడు కానీ దానికి తగ్గ బాక్సాఫీస్ ఫలితాలే దక్కడం లేదు. సరైన కథ దర్శకుడు దొరికితే హిట్టు కొట్టే సత్తా ఉందని నిను వీడని నీడను నేనే లాంటి హారర్ మూవీ రుజువు చేసింది. ఇతని కొత్త సినిమా ఊరు పేరు భైరవకోన ఎప్పుడు విడుదలో తెలియక అభిమానులు అయోమయపడుతున్నారు. ఎక్కడికి పోతావు చిన్నవాడా, టైగర్, డిస్కో రాజా లాంటి విలక్షణ చిత్రాలతో ఆకట్టుకున్న విఐ ఆనంద్ దర్శకుడు కావడంతో దీని మీద మంచి అంచనాలే ఉన్నాయి. ఎప్పుడో నెలల క్రితం వదిలిన లిరికల్ సాంగ్, టీజర్ తర్వాత అప్డేట్స్ లేవు
పాటేమో యాభై మిలియన్ల వ్యూస్ దాటేసింది కానీ అసలు సినిమా రిలీజ్ ఎప్పుడో అంతు చిక్కడం లేదు. కనీసం ఫలానా నెలలో ఉండొచ్చనే క్లూలు సైతం టీమ్ ఇవ్వడం లేదు. ఊరు పేరు భైరవకోనకు రాజేష్ దండ నిర్మాత కాగా అనిల్ సుంకర సమర్పకులు. ఏజెంట్, భోళా శంకర్ తీవ్రంగా నష్టపరచగా ప్రెజెంట్ చేసిన సామజవరగమన పెద్ద హిట్టు కొట్టింది. హిడింబ నిరాశ పరిచింది. ఇప్పుడీ సందీప్ కిషన్ తో ఇంత బడ్జెట్ తో తీసిన మూవీ సందిగ్ధంలో పడింది. నవంబర్ నుంచి జనవరి దాకా మొత్తం స్లాట్లు బ్లాక్ అయిపోయాయి. మధ్యలో ఎక్కడైనా ప్లాన్ చేసుకున్నా కనీసం ఆ సమాచారం షేర్ చేసుకోవాలి.
కానీ ఆ సూచనలేమి లేవు. ఇన్ సైడ్ టాక్ ప్రకారం కథ పరంగా విరూపాక్షతో కొన్ని పోలికలు వచ్చిన కారణంగా అవసరమైన మేరకు కొంత రీ షూట్ చేసే ప్రతిపాదన ఉన్నట్టు తెలిసింది. భైరవకోన అనే ఊరిలో జరిగిన కొన్ని మిస్టరీ సంఘటనల ఆధారంగా విఐ ఆనంద్ ఈ సబ్జెక్టు సిద్ధం చేశారు. కల్పితమే అయినా ఆడియన్స్ కి ఫ్రెష్ గా చెప్పాలన్న ఉద్దేశంతో కొంత ఆలస్యం చేస్తున్నట్టు తెలిసింది. టీజర్ విజువల్స్ ఆకట్టుకున్నాయి. ఏది ఏమైనా ఇంత లేట్ కావడం సేఫ్ కాదు. శేఖర్ చంద్ర సంగీతం సమకూరుస్తున్న ఈ థ్రిల్లర్ లో వర్ష బొల్లమ, కావ్య థాపర్ హీరోయిన్లు నటిస్తున్నారు.
This post was last modified on October 14, 2023 12:35 pm
మహావతార నరసింహ.. గత ఏడాది పాన్ ఇండియా స్థాయిలో సెన్సేషన్ క్రియేట్ చేసిన సినిమా. ఈ యానిమేషన్ మూవీ రిలీజయ్యే…
టాలీవుడ్ టాలెంటెడ్ దర్శకుల్లో వెంకీ కుడుముల పేరు ఖచ్చితంగా ఉంటుంది. రష్మిక మందన్న ఇవాళ ఈ స్థాయికి వచ్చిందంటే ఛలో…
మహిళల భద్రతపై మరోసారి ఆందోళన కలిగించే ఘటన తెలంగాణలో చోటుచేసుకుంది. ఇంటికి వెళ్లేందుకు ఆటోలో లిఫ్ట్ ఇస్తామని నమ్మించిన ఇద్దరు…
ప్రపంచ టెక్ రంగంలో సంచలనం సృష్టించిన ఎన్విడియా మాజీ సీఈవో జెన్సెన్ హువాంగ్ వ్యవహారం మరో మలుపు తిరిగింది. వివాహేతర…
బంధువులను రైలు ఎక్కించడానికి వెళ్లినవాళ్లు అనుకోకుండా అదే రైలులో ప్రయాణించాల్సి వచ్చింది. పైగా టికెట్లు లేకపోవడంతో ఏకంగా రూ.36,140 చెల్లించాల్సి…
మెగాస్టార్ చిరంజీవి స్క్రీన్ మీదే కాదు స్టేజి పైన ఉన్నప్పుడు కూడా ఆయన ఎనర్జీ వేరే లెవెల్ లో ఉంటుంది.…