మన సినిమాని పక్క భాష వాళ్ళు ఆదరిస్తున్నారంటే వాళ్లకు గౌరవం ఇవ్వడం ఎంతైనా అవసరం. కానీ కోలీవుడ్ హీరోలు నిర్మాతలకు అదేమి పట్టడం లేదు. కనీసం టైటిల్ ని తెలుగులో అనువదించాలన్న సోయ లేకుండా ప్యాన్ ఇండియాని సాకుగా చూపించి యధాతథంగా పెట్టేస్తున్నారు. శివ కార్తికేయన్ కొత్త సినిమా అయలాన్ కు అదే పేరుని అలాగే ఉంచేసి సంక్రాంతి విడుదలకు సిద్ధం చేస్తున్నారు. ఇంతకు ముందు అజిత్ వలిమై, కంగనా రౌనత్ తలైవి, త్వరలో విడుదల కాబోయే విజయ ఆంటోనీ రత్తం అందరిదీ ఇదే దారి. అరవ భాషని ప్రమోట్ చేయడమే లక్ష్యంగా కనిపిస్తోంది.
ఈ విషయంలోనే కాదు మరికొన్ని అంశాల్లోనూ తమిళ హీరోల ధోరణి ఆమోదయోగ్యంగా లేదు. ఇక్కడ మార్కెట్ ఎంత పెరుగుతున్నా విజయ్ ఏనాడూ హైదరాబాద్ కు వచ్చి కనీసం ఒక ప్రెస్ మీట్ ఇచ్చిన పాపాన పోలేదు. దిల్ రాజు లాంటి దిగ్గజమే వారసుడు టైంలో ఇది సాధించలేకపోయారు. కారణాలు చెప్పుకున్నారు అవి సహేతుకంగా అనిపించలేదు. అజిత్ సంగతి సరేసరి. భాగ్యనగరానికి షూటింగ్ కోసం ఎన్ని సార్లు వచ్చినా కనీసం డబ్బింగ్ హక్కులు కొన్న నిర్మాతతో మీటింగ్ కూడా పెట్టుకోరు. ఏమైనా అంటే మేమింతే మా పద్దతి ఇంతే సర్దుకోండని తేల్చేస్తారు.
హీరోలే కాదు నయనతార లాంటి హీరోయిన్లు సైతం టాలీవుడ్ ప్రెస్ మీట్లు, ఈవెంట్లంటే మొహం చాటేస్తారు. విశాల్, లారెన్స్, విజయ్ ఆంటోనీ, సూర్య, కార్తీ లాంటి వాళ్ళను వీటి నుంచి మినహాయించవచ్చు. వీళ్ళు దగ్గరుండి మరీ ప్రమోషన్లకు తమ వంతుగా సహకారం అందిస్తారు. ఒకప్పుడు దర్శకుడు శంకర్ కమల్ హాసన్ తో ఇండియన్ తీస్తే దాన్ని తెలుగులో భారతీయుడుగా డబ్ చేశారు. అది లాంగ్వేజ్ కిచ్చే గౌరవం. ఇప్పుడు చూస్తే ఆయనే గేమ్ చేంజర్ అంటూ ఇంగ్లీష్ కి షిఫ్ట్ అయిపోయారు. మనం ఎన్ని అనుకున్నా ఈ పోకడలో మార్పు రాదు కానీ చూస్తూ ఉండటం తప్ప ఏం చేయలేం.
This post was last modified on October 7, 2023 2:30 pm
ఎన్నికలు అయిపోయాయి. ఫలితాలు ఇంకో పద్దెనిమిది రోజుల్లో రాబోతున్నాయి. ఎవరికి వారు విజయం పట్ల ధీమాగా ఉన్నారు. అధికార పార్టీ,…
మొన్నటిదాకా టాలీవుడ్ టాప్ హీరోయిన్ గా అత్యధిక డిమాండ్ అనుభవించిన పూజా హెగ్డే కెరీర్ ప్రారంభంలో వచ్చిన ఐరన్ లెగ్…
ప్రకాశం జిల్లాలో ఆమంచి కృష్ణమోహన్ రాజకీయంగా ఒక బలమైన నాయకుడే అని చెప్పాలి. అయితే తన రాజకీయ భవిష్యత్తు కోసం…
తెలంగాణలో సికింద్రాబాద్ కంటోన్మెంట్ ఎమ్మెల్యే లాస్యనందిత రెండు ప్రమాదాలు తప్పించుకుని మూడో ప్రమాదంలో మరణించిన విషయం తెలిసిందే. నెలల వ్యవధిలో…
ప్రముఖ హీరో జూనియర్ ఎన్టీఆర్ 2003లో జూబ్లీహిల్స్ హౌసింగ్ సొసైటీలో 681 చదరపు గజాల స్థలం సుంకు గీత అనే…
ఒక్క చిన్న ఇన్స్ టా పోస్ట్ తో ప్రభాస్ సోషల్ మీడియాని ఊపేస్తున్నాడు. హలో డార్లింగ్స్ చివరికి చాలా ప్రత్యేకం…