మామూలుగా పెద్ద హీరోల అభిమానులు.. తమ హీరోలు నటించే సినిమాల గురించి ఎప్పటికప్పుడు అప్డేట్స్ కోరుకుంటారు. సినిమా ఖరారైతే అప్డేట్ కావాలి. ఆ తర్వాత అది సెట్స్ మీదికి వెళ్లినా.. షూటింగ్ జోరుగా సాగుతున్నా.. లేదా బ్రేక్ పడినా.. ఇలా ప్రతి దశలోనూ వాళ్లకు అప్డేట్స్ కావాలి. ఈ విషయంలో నిర్మాతల మీద విపరీతమైన ప్రెజర్ కూడా పెడుతుంటారు. ఐతే మిగతా హీరోలతో పోలిస్తే పవర్ స్టార్ పవన్ కళ్యాణ్ భిన్నం. ఆయన చాలా ఏళ్ల నుంచి రాజకీయాల్లో ఉన్నారు. రాజకీయాల్లోకి వచ్చినప్పటి నుంచి తన ప్రథమ ప్రాధాన్యం ఆ రంగానికే అంటున్నారు. సినిమాల మీద ఆయనకు బేసిగ్గా పెద్ద ఇంట్రెస్ట్ లేదు.
కానీ ఎవరి మీదో ఆధారపడకుండా సొంతంగా పార్టీని నడపాలంటే నిధులు అవసరం కాబట్టి సినిమాలు చేస్తున్నారు. అదే సమయంలో అభిమానుల ఆకాంక్షలను కూడా నెరవేరుస్తున్నారు. ఐతే ఓవైపు రాజకీయాల్లో ఉంటూ.. సినిమాలు ఏంటంటూ ప్రత్యర్థులు ఆయన మీద విమర్శలు గుప్పిస్తుంటారు. ఆయన్ని పార్ట్ టైం పొలిటీషియన్ అంటూ విమర్శిస్తుంటారు. ఈ విషయంలో పవన్ను డిఫెండ్ చేయలేక జనసేన నాయకులు, కార్యకర్తలు ఇబ్బంది పడుతుంటారు. వారాహి యాత్ర మొదలయ్యాక పవన్ మెజారిటీ సమయం రాజకీయాలకే కేటాయిస్తున్న సంగతి తెలిసిందే.
ఏపీలో ముందస్తు ఎన్నికలు ఉండేట్లయితే ఇక సినిమాలన్నీ పక్కన పెట్టేయాలని కూడా పవన్ అనుకున్నాడు. కానీ ఎన్నికలు షెడ్యూల్ ప్రకారమే జరిగేట్లు ఉండటంతో ఓవైపు వారాహి యాత్ర చేస్తూనే మధ్య మధ్యలో కొంచెం ఖాళీ చేసుకుని షూటింగ్లో పాల్గొని మధ్యలో ఉన్న సినిమాలను పూర్తి చేయాలనుకుంటున్నారు. ఐతే సినిమాలనేవి పవన్కు సెకండరీ అనే విషయం చాలామంది అర్థం చేసుకున్నా సరే.. పవన్ను విమర్శించడానికి దీన్నే ఆయుధంగా వాడుకోవాలని వైసీపీ చూస్తోంది. వారాహి యాత్ర మధ్యలో ‘బ్రో’ కోసం డబ్బింగ్ చెబితే దాన్ని భూతద్దంలో చూపించి రెండు మూడు రోజుల పాటు సోషల్ మీడియాలో ఆ విషయాన్ని తిప్పారు.
ప్రస్తుత పరిస్థితుల్లో కూడా పవన్ వీలు చేసుకుని డేట్లు ఇస్తున్నందుకు నిర్మాతలకు చాలా సంతోషంగా ఉండొచ్చు కానీ.. రాజకీయంగా ఆయనకు ఇబ్బంది రాకూడదంటే వాళ్లు పవన్ షూటింగ్ చేస్తున్న విషయం గురించి.. కొత్త షెడ్యూళ్ల గురించి ఘనంగా ప్రకటనలు చేయకపోతేనే బెటర్. పవన్ మంచి కోరుకుంటే వాళ్లు చేయాల్సింది అదే. తాజాగా ‘ఉస్తాద్ భగత్ సింగ్’ టీం చేసినట్లు ఘనంగా అనౌన్స్మెంట్లు ఇచ్చి.. దాని వల్ల రాజకీయ విమర్శలు వచ్చి.. ఇప్పుడు ఎందుకొచ్చిన తలనొప్పి అని పవన్ షూటింగ్ క్యాన్సిల్ చేయాల్సి వస్తే అప్పుడు ఇబ్బంది పడేది నిర్మాతలే అని గుర్తుంచుకోవాలి.
పూరి జగన్నాథ్ సినిమా అంటే ప్రేక్షకుల్లో అదో రకమైన స్పెషల్ క్రేజ్ ఉండేది. స్టార్ హీరోతో చేసినా, కొత్తవాళ్లతో తీసినా…
ఎనిమిది సంవత్సరాల క్రితం రంగస్థలం విడుదలకు ముందు ఇది ఎలా ఉంటుందనే అనుమానాలు ఫ్యాన్స్ లోనే ఉండేవి. కారణం టిపికల్…
ఒకప్పటి హీరో అక్షయ్ ఖన్నా అంటే జెన్ జీ ప్రేక్షకులకు వెంటనే ఫ్లాష్ కాదు. దురంధర్ విలన్ రెహమాన్ డెకాయిట్…
జూనియర్ ఎన్టీఆర్, త్రివిక్రమ్ శ్రీనివాస్ కలయికలో రూపొందే ప్యాన్ ఇండియా మూవీ ప్రకటన పోస్టర్ రూపంలో రావడం ఆలస్యం తెలుగు…
తెలంగాణ రక్షణ సేన(టీఆర్ఎస్) పార్టీ అధ్యక్షురాలు కవిత విశ్వరూపం చూపించారు. పదునైన మాటలతో విరుచుకుపడ్డారు. ``ఇప్పటి వరకు మీరు అన్న..…
మిస్టర్ బచ్చన్ లాంటి డిజాస్టర్ తో టాలీవుడ్ కెరీర్ మొదలుపెట్టిన భాగ్యశ్రీ బోర్సేకు చాలా కాలం టైం కలిసి రాలేదు.…