ఒక సెల్ ఫోన్ కొన్నాక అందులో ఏదైనా నాణ్యత లోపం అనిపిస్తే సర్వీస్ సెంటర్ కు వెళ్లి రిపేర్ చేయించుకోవడం తప్ప వినియోగదారుడికి వేరే ఆప్షన్ ఉండదు. దానికోసం ఖర్చు పెట్టిన విలువైన సమయం, డబ్బు ఎవరూ భర్తీ చేయరు. ఇది ప్రతి వ్యాపారంలో ఉన్న సూత్రమే. అన్నీ అలోచించి కొనుగోలు చేయడమే కస్టమర్ బాధ్యత. ఇది సినిమాలకూ వర్తిస్తుంది. వరల్డ్ ఫేమస్ లవర్ వల్ల తాము ఎనిమిది కోట్లు నష్టపోయామని మమ్మల్ని ఆదుకోమంటూ విజయ్ దేవరకొండను ఉద్దేశించి అభిషేక్ పిక్చర్స్ పెట్టిన ట్వీట్ చాలా తీవ్ర చర్చకు దారి తీసింది. నిర్మాతను వదిలేసి హీరోని అడగటం ఏంటని కౌంటర్లు పడుతున్నాయి.
ఇదేదో వరల్డ్ ఫేమస్ లవర్ కే మొదటిసారి జరిగినట్టు కలరిచ్చే ప్రయత్నం మాత్రం సమర్ధనీయం కాదు. ఎందుకంటే డిజాస్టర్లు దశాబ్దాల నుంచి వస్తూనే ఉన్నాయి. ఇవి లేని హీరో ఇండియాలో అదే భారత్ లోనే లేడంటే అతిశయోక్తి కాదు. స్వర్గీయ ఎన్టీఆర్ నుంచి మహేష్ బాబు దాకా చెప్పుకుంటూ పోతే బోలెడున్నాయి. సామ్రాట్ అశోక, మృగరాజు, పరమవీరచక్ర, చిన్నబ్బాయి. భాయ్,నరసింహుడు, బాబీ, దొంగల ముఠా, శాకుంతలం, ఏజెంట్, ది వారియర్ ఇలా చెప్పుకుంటూ పోతే వందల కొద్దీ లిస్టు రాసుకుంటూ పోవచ్చు. వీటిలో ఎనిమిది కాదు ఇరవై ముప్పై కోట్లు పోయినవి ఉన్నాయి.
కాబట్టి రేట్ పెట్టి కొనేముందే హీరో మార్కెట్ ని బట్టి, ప్రమోషన్ కంటెంట్ ని బట్టి అంత ధర పెట్టాలో వద్దో ముందే సిద్ధపడి రిస్క్ తీసుకోవాలి తప్పించి సినిమా పోయాక నా సొమ్ములు నాకు కావాలంటే ఎవరు కొనమన్నారనే ప్రశ్నే వస్తుంది. అప్పుడెప్పుడో అప్పుల బాధ తట్టుకోలేక ఓ నిర్మాత హుసేన్ సాగర్ లో దూకినందుకు మీడియాలో రావడం తప్ప ఆయన సాధించిందేమీ లేదు. ఇది నిరంతర ప్రవాహం. అన్నీ హిట్లే తీసే పనైతే ముఖేష్ అంబానీ రోజుకో సినిమా తీయిస్తాడు. క్రియేటివిటీ ఫీల్డ్ లో అలా ముందే ఊహించడం కష్టం. కొన్నిసార్లు లాటరీ తరహా అనిపించే బిజినెస్ ఇది.
చేతులు కాలాక ఆకులు పట్టుకోవడం కంటే అసలు నిప్పుని ముందే గుర్తిస్తే నొప్పే ఉండదు. అలా కాకుండా కేవలం కాంబినేషన్లను నమ్ముకుని గుడ్డిగా కోట్లు కుమ్మరించినప్పుడు లాభాలకు ఎలాగైతే సిద్ధంగా ఉంటారో నష్టాలకు ప్రిపేర్ అవ్వాలి. లేదంట మనుగడ కష్టం. అందులోనూ స్టార్ హీరోలతో సత్సంబంధాలు ఉన్న డిస్ట్రిబ్యూటర్లు అనవసర ఆవేశానికి పోతే రావాల్సిన ప్రాజెక్టులు మధ్యలో ఆగిపోతాయి. స్థోమతకు మించిన బరువుని భుజాన వేసుకున్నప్పుడు దాని వల్ల కలిగే బాధకు సిద్ధపడే ఉండాలి. అంతే తప్ప ఇష్టంగా వేసుకుని తర్వాత ఇచ్చినవాడిని తిట్టుకుంటే ఎలాంటి ప్రయోజనం ఉండదు.
This post was last modified on September 6, 2023 3:43 pm
తెలంగాణ అధికార పార్టీ కాంగ్రెస్లో వన్ మ్యాన్ `ఆర్మీ`గా ముఖ్యమంత్రి రేవంత్ రెడ్డి కనిపిస్తున్నారు. గత ఎన్నికల్లో పార్టీని అధికారంలోకి…
ఉత్తరాంధ్ర రాజకీయాల్లో ఒకప్పుడు దూకుడుగా ఉన్న వైసీపీ ఇప్పుడు పెద్దగా కనిపించడం లేదన్న టాక్ వినిపిస్తోంది. కీలక నాయకులు ఉన్నప్పటికీ..…
కరణం బలరామకృష్ణమూర్తి.. రాజకీయ ఉద్ధండుడిగా పేరొందిన ఉమ్మడి ప్రకాశం జిల్లాకు చెందిన నేత. కుమారుడు కరణం వెంకటేష్ను ఎమ్మెల్యేగా చూసుకోవాలన్న…
నియోజకవర్గాల పునర్విభజన అనూహ్య పరిణామాల నేపథ్యంలో అలా వెనక్కెళ్లిపోయింది. దక్షిణాది, ఈశాన్య రాష్ట్రాలకు తీరని అన్యాయం అంటూ కాంగ్రెస్ నేతృత్వంలోని ఇండియా…
బ్లాక్ బస్టర్ సినిమాల వెనుక కొన్ని వేల మంది కష్టం దాగి ఉంటుంది. కాకపోతే ప్రేక్షకులకది అనవసరం. థియేటర్ లో…
ప్రతి నెల ఒకటో తారీకు కోసం ఉద్యోగులు ఎదురు చూడడం సహజం. కారణం నెలంతా కష్టపడితే జీవితాలు అకౌంట్ లో…