సీనియర్లకి భలే కలిసొచ్చిందే

మెగా స్టార్ చిరంజీవి , సూపర్ స్టార్ రజినీ కాంత్ ఇద్దరూ ఈ వారం బాక్సాఫీస్ దగ్గర తమ సినిమాలతో పోటీ పడబోతున్నారు. చిరంజీవి ఆగస్ట్ 11న ‘భోళా శంకర్’ తో ప్రేక్షకుల ముందుకు రానున్నాడు. ఆ సినిమాకి  ఒక్కరోజు ముందు రజినీ కాంత్ తన ‘జైలర్’ తో థియేటర్స్ లో ఎంట్రీ ఇస్తున్నాడు. ఈ రెండు సినిమాలపై అంచనాలు ఉన్నాయి. కాకపోతే భోళా శంకర్ కంటే జైలర్ మీద కాస్త ఎక్కువ అంచనాలు ఉన్నాయి. డానికి రీజన్ నెల్సన్ కట్ చేసిన ట్రైలర్. 

ఈ సినిమాలకు బజ్ ఎలా ఉందనేది పక్కన పెడితే , సీనియర్లకి మాత్రం బాగా కలిసొచ్చేలా ఉంది. వీకెండ్ తర్వాత ఎంత పెద్ద సినిమా అయినా ఈ మధ్య బాగా డ్రాప్ చూస్తున్నాం. అయితే జైలర్ , భోళా శంకర్ లకు వీకెండ్ తర్వాత ఆగస్ట్ 15 హాలిడే కలిసొచ్చేలా కనిపిస్తుంది. సాఫ్ట్ వేర్ ఉద్యోగులు సోమవారం సెలవు పెట్టుకుంటే వారికి లాంగ్ వీకెండ్ ఉంటుంది. వారికి సినిమా టైమ్ పాస్ కాబట్టి కచ్చితంగా ఆ రెండ్రోజులు ఈ సినిమాలకు వెళ్ళే అవకాశం ఉంది. అలాగే ఇండిపెండెన్స్ డే హాలిడే కాబట్టి ఫ్యామిలీస్ కూడా థియేటర్స్ కి వచ్చే ఛాన్స్ ఉంది. 

ఏదేమైనా వీకెండ్ తర్వాత పబ్లిక్ హాలిడే రావడం చిరు , రజినీలకు బాగా కలిసొచ్చే అంశం. ఇక రజినీ నుండి వచ్చిన ప్రీవీయస్ మూవీస్ ప్రేక్షకులను బాగా నిరాశ పరిచాయి. చిరు మాత్రం వాల్తేరు వీరయ్య తో బ్లాక్ బస్టర్ కొట్టి ఇప్పుడు భోళా శంకర్ గా రాబోతున్నాడు. మరి ఈ పోటీలో బాక్సాఫీస్ దగ్గర పై చేయి సాదించేది ఎవరో ? చూడాలి.