సినిమా అభిమానం విషయానికి వస్తే దేశంలో తెలుగు ప్రేక్షకుల తర్వాతే ఎవరైనా అనడంలో మరో మాట లేదు. పెద్ద స్టార్లు నటించే కొత్త సినిమాలకు మన వాళ్లు ఇచ్చే ఓపెనింగ్స్ ఎలా ఉంటాయో అందరికీ తెలిసిందే. మనది ప్రాంతీయ పరిశ్రమ అయినా సరే.. ఇండియా మొత్తం మార్కెట్ ఉన్న హిందీ సినిమాలను మించి ఓపెనింగ్స్ వస్తుంటాయి మన చిత్రాలకు. అడ్వాన్స్ బుకింగ్స్, ఫుట్ ఫాల్స్, తొలి రోజు, తొలి వీకెండ్.. ఇలా ఏ బెంచ్ మార్క్ తీసుకున్నా మన సినిమాలకు మిగతా భాషా చిత్రాలు సరితూగలేవు ఇప్పుడు.
ఐతే కొత్త సినిమాలకు ఇలాంటి ఆదరణ ఉండటం ఒక ఎత్తయితే.. ఎప్పుడో పదేళ్లు.. పదిహేనేళ్లు.. ఇరవై ఏళ్ల ముందు రిలీజైన సినిమాలను రీ రిలీజ్ చేసినా మన వాళ్లు వాటిని ఆదరించే తీరు చూసి షాకవ్వక తప్పని పరిస్థితి. ఈ ఓటీటీ కాలంలో పాత సినిమాలను రీ రిలీజ్ చేయడం అన్నది అన్ని పరిశ్రమల వాళ్లూ మానేశారు. కానీ తెలుగులో మాత్రం ఏడాది నుంచి రీ రిలీజ్ల హంగామా నడుస్తోంది.
గత ఏడాది మహేష్ బాబు పుట్టిన రోజు సందర్భంగా ‘పోకిరి’ సినిమాకు పెద్ద ఎత్తున స్పెషల్ షోలు వేసినప్పటి నుంచి.. హంగామా మామూలుగా ఉండట్లేదు. ఈ ఏడాది వ్యవధిలో ఇలా 20 సినిమాల దాకా రిలీజయ్యాయి. కొన్ని సినిమాలకు జరిగిన బుకింగ్స్, వచ్చిన వసూళ్లు చూస్తే ఎవ్వరైనా షాకవ్వాల్సిందే. ఓవైపు ఇతర భాషల్లో కొత్త సినిమాలకే జనాలు లేక థియేటర్లు వెలవెలబోతుంటే.. తెలుగులో మాత్రం యూట్యూబ్లో అందుబాటులో ఉన్న పాత సినిమాలకు వందల షోలు ఫుల్స్ పడటం అనూహ్యం.
పెద్ద స్టార్ల సినిమాలకు హంగామా ఉందంటే అది వేరు. కానీ ‘3’ అనే డబ్బింగ్ సినిమాకు.. ‘ఈ నగరానికి ఏమైంది’ లాంటి చిత్రాలకు కూడా హౌస్ ఫుల్స్ పడిపోయాయి. ఇప్పుడు సూర్య అనువాద చిత్రం ‘సూర్య సన్నాఫ్ కృష్ణన్’ థియేటర్లలో నెలకొన్న హంగామా చూసి సూర్య సైతం ఆశ్చర్యపోతూ ట్వీట్ వేశాడు. ఇది తెలుగు ప్రేక్షకుల సినిమా పిచ్చికి నిదర్శనం. ఇది ఇతర ఇండస్ట్రీల వాళ్లకు ఏమాత్రం అర్థం కాని మ్యాజిక్.
This post was last modified on August 6, 2023 10:59 pm
ఇండస్ట్రీ పెద్ద ఎవరు..? ఈ ప్రశ్న టాలీవుడ్లో తరచుగా వినిపిస్తుంటుంది. ఒకప్పుడు దర్శక రత్న దాసరి నారాయణరావు ఈ పాత్రను…
ఎన్నికలు అనగానే నాయకుల్లో మార్పులు సహజం. మరీ ముఖ్యంగా ప్రధాన మంత్రినరేంద్ర మోడీ అయితే.. మరింత ఎక్కువగా శ్రద్ధ తీసుకుంటారు.…
ఒకప్పుడు టాలీవుడ్లో తిరుగులేని ఆధిపత్యం చలాయించిన కథానాయికల్లో తమన్నా ఒకరు. టీనేజీలోనే కథానాయిక అవతారం ఎత్తిన ఆమె పదేళ్లకు పైగానే టాప్…
థియేటర్, ఓటిటి మధ్య ఖచ్చితంగా ఎనిమిది వారాల గ్యాప్ ఉండాలనే నిబంధన మీద దక్షిణాది ఇండస్ట్రీ పెద్దలు చాలా సీరియస్…
అధికారంలోకి రావడానికి ముందు వరకు వైఎస్ జగన్మోహన్ రెడ్డి చాలా ఫెరోషియస్గా కనిపించేవారు. అవినీతి కేసుల వ్యవహారం పక్కన పెడితే…
‘బాహుబలి’ సినిమాకు బాలీవుడ్ నుంచి అప్పట్లో ఎంత గొప్ప సహకారం అందిందో తెలిసిందే. కరణ్ జోహార్ లాంటి అగ్ర నిర్మాత ఆ…