హైదరాబాద్ క్రాస్ రోడ్స్ లో సుదర్శన్ 35 ఎంఎం థియేటర్ ఎందరో స్టార్ హీరోల ఫ్యాన్స్ కి ఐకానిక్ ప్లేస్. ఎన్నో బ్లాక్ బస్టర్లకు తిరుగులేని రికార్డులున్నాయి. దీని కెపాసిటీ 1216 సీట్లు. ఏపీ తెలంగాణలో ఇంత పెద్ద ప్రాంగణాలను వేళ్ళ మీద లెక్కబెట్టవచ్చు. ఈ రోజు ఉదయం ఎనిమిది గంటలు. అలాంటి చోట ఇంకా ఆఫీస్ అవర్స్ కూడా మొదలుకాని టైంలో ఈ హాలు హౌస్ ఫుల్ అయ్యిందంటే ఏదో స్టార్ హీరో పెద్ద సినిమా కొత్త రిలీజ్ అయితే తప్ప సాధ్యం కాదు. అలాంటిది ఒక అనువాద చిత్రానికి అది కూడా 15 ఏళ్ళ క్రితం వచ్చిన పాత మూవీకి ఇలాంటి హాజరంటే ఆశ్చర్యమే.
ఇవాళ రీ రిలీజ్ జరుపుకున్న సూర్య సన్ అఫ్ కృష్ణన్ కి అభిమానులతో పాటు యూత్ పోటెత్తుతున్నారు. సూర్యని ఎందుకు తెలుగువాళ్ళ దత్తపుత్రుడని ప్రేమతో అంటారో దీన్ని బట్టి అర్థం చేసుకోవచ్చు. గౌతమ్ మీనన్ దర్శకత్వంలో రూపొందిన ఈ ఎమోషనల్ డ్రామాలో సూర్య తండ్రి కొడుకులుగా ద్విపాత్రాభినయం చేశారు. అప్పట్లో ఇది గజిని రేంజ్ విజయం సాధించలేదు. తర్వాత కల్ట్ స్టేటస్ వచ్చింది. కానీ సంగీత దర్శకుడు హరీష్ జైరాజ్ పాటలు ఊపేసాయి. ఆ సమయంలో దీని విలువని గుర్తించని యువత మధ్య వయసుకు వచ్చాక అరెరే అపార్థం చేసుకున్నామే అనుకున్నారు. కానీ కొత్త జనరేషన్ కి ఇది ఫెవరెట్.
ఇక్కడొకటే కాదు వైజాగ్ లాంటి ఇతర ప్రాంతాల్లోనూ ఇంచు మించు ఇదే పరిస్థితి కనిపిస్తోంది. ఆరంజ్ తర్వాత మళ్ళీ ఆ స్థాయి రెస్పాన్స్ దీనికే చూస్తున్నామని ఎగ్జిబిటర్ల టాక్. రేపటి నుంచి అదనంగా మరో 50 స్క్రీన్లు పెంచబోతున్నారు. విచిత్రంగా ఇవాళ తొమ్మిది తెలుగు సినిమాలు రిలీజ్ అయితే వాటిలో దేనికీ కనీస స్పందన లేదు. కొన్ని ఏకంగా మార్నింగ్ షోలే క్యాన్సిల్ చేసుకునేంత దారుణంగా బజ్ తెచ్చుకున్నాయి. కానీ సూర్య సన్ అఫ్ కృష్ణన్ మాత్రం దీనికి భిన్నంగా కాసిన్ని రికార్డులు నెలకొల్పేలా ఉంది. దెబ్బకు తమిళ వెర్షన్ కూడా రీరిలీజ్ చేయమనే డిమాండ్ మొదలవ్వడం విశేషం. తెలుగువాళ్ళ సినిమా పిచ్చి కాదు ప్రేమ ఇలాగే ఉంటుంది.
ఏపీ బీజేపీలో కొన్నాళ్లుగా అసంతృప్తితోనే నాయకులు ముందుకు సాగుతున్నారు. పార్టీలో ఏం జరుగుతోందో.. తమకు అర్థం కావడం లేదని కొన్నాళ్లుగా…
భారతదేశ పారిశ్రామిక రంగంలో ఆంధ్ర ప్రదేశ్ దూకుడు ప్రదర్శిస్తోంది. ముఖ్యమంత్రి చంద్రబాబు ఎక్స్ ప్రెస్ బుల్లెట్ వేగంతో ముందుకు దూసుకొని…
పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…
పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…
ఆర్టిఫిషియల్ ఇంటెలిజెన్స్ మనిషి జీవితంలో ఎన్నో మార్పులు తీసుకొస్తోంది. క్లిష్టమైన పనులను సులభతరం చేస్తూ, వేగంగా నిర్ణయాలు తీసుకునే స్థాయికి…
పరిటాల రవి, పరిటాల సునీతల వారసుడు, టీడీపీ యువనాయకుడు పరిటాల శ్రీరామ్.. తాజాగా జరిగిన జిల్లా పరిషత్.. చైర్మన్ ఎంపికలో…