సముద్రఖని ప్లానింగ్ .. పవన్ షాక్

‘బ్రో’ సినిమాకు సంబంధించి ప్రమోషన్స్ మొదలు పెట్టి బజ్ తీసుకొచ్చే ప్రయత్నం చేస్తుంది టీం. ముందుగా హీరోయిన్స్ ఆ తర్వాత తేజ్. తమన్  మీడియా ముందుకొచ్చారు. ఇప్పుడు దర్శకుడి వంతు. సినిమా ఫస్ట్ కాపీ చెకింగ్ చేస్తున్న దర్శకుడు తాజాగా మీడియా ముందుకొచ్చి ‘బ్రో’ సినిమా విశేషాలు పంచుకున్నాడు. ముందుగా ఈ కథ త్రివిక్రమ్ గారికి చెప్తే , మీరే హీరోగా చేస్తారా ? అని అడిగారని ,కోవిడ్ టైమ్ లో తమిళ్ లో ఏ హీరో ముందుకు రాకపోతే తనే తప్పక చేశానని ఆయనకి కన్వే చేశానని అప్పుడు త్రివిక్రమ్ గారు పవన్ కళ్యాణ్ తో చేస్తారా ? అనేసరికి తనకి నోటి నుండి మాట రాలేదని తెలిపాడు. 

ఇక స్క్రిప్ట్ నరేషన్ అవ్వగానే షూటింగ్ ఎప్పటి నుండి అనుకుంటున్నారు ? అనే ప్రశ్న పవన్ నుండి వచ్చిందని, దానికి రేపటి నుండే అంటూ తను సమాధానం ఇచ్చే సరికి ఆయన షాక్ అయ్యాడని, నాకు రెండు మూడు రోజులు టైమ్ ఇవ్వమని పవన్ అడిగారని , అప్పటికే సెట్ , అన్నపూర్ణలో నాలుగు ఫ్లోర్స్ తో పక్కా ప్లానింగ్ తో ప్రీ ప్రొడక్షన్ వర్క్ కంప్లీట్ చేసేశామని సముద్రఖని చెప్పుకున్నాడు. 

ఈ సినిమా కోసం పవన్ కేవలం 21 రోజులు పని చేశారని , కొన్ని రోజులు మధ్యాహ్నమే ఆయనని ఘాట్ నుండి పంపించేసేవాడినని తెలిపాడు. 50 , 60 రోజుల్లో చేయాల్సిన వర్క్ ను తమ ప్లానింగ్ తో చాలా తక్కువ రోజులకే పూర్తి చేశామనన్నారు. అంతే కాదు పవన్ ఫస్ట్ టైమ్ లొకేషన్ లోనే నెక్స్ట్ సీన్ కోసం షర్ట్ మార్చేశారని , ఆయన కూడా ఎక్కడా టైమ్ వృధా కాకూడదని భావించి వర్క్ చేశారని చెప్పుకున్నారు సముద్రఖని. పవన్ ద్వారా తెలుగు ప్రేక్షకులకి ఓ మంచి కథ చెప్తున్నందుకు సంతోషంగా ఉందని పేర్కొన్నాడు.