న్యాచురల్ స్టార్ నాని మరోసారి ఫాదర్ సెంటిమెంట్ కే ఓటు వేశాడు. శౌర్యువ్ దర్శకత్వంలో రూపొందుతున్న ఎమోషనల్ డ్రామాకి హాయ్ నాన్న టైటిల్ ని కన్ఫర్మ్ చేస్తూ అధికారికంగా కొత్త పోస్టర్ తో పాటు టీజర్ విడుదల చేశారు. అయితే నాని ఇక్కడో ఓ చిన్న ట్విస్టు ఇచ్చారు. నాన్న అని పిలిచేది స్టిల్ లో ఉన్న చిట్టి తల్లి కాదని, పక్కనున్న అందమైన అమ్మాయని హింట్ ఇచ్చేశాడు. అంటే ఈ ముగ్గురి బాండింగ్ కు సంబంధించి కీలకమైన మలుపు చెప్పేశారు. పాప తల్లి వేరు, ఆమె దూరమయ్యాక వచ్చే యువతే మృణాల్ ఠాకూర్ అనే క్లారిటీ ఇచ్చారు. డిసెంబర్ 21 హాయ్ నాన్న ప్యాన్ ఇండియా భాషల్లో విడుదల కానుంది.
దసరా ఊర మాస్ బ్లాక్ బస్టర్ తర్వాత నాని ఉద్దేశపూర్వకంగా కొత్త మేకోవర్ కోరుకున్నాడు. దానికి తగ్గట్టే నాన్నగా మారిపోయాడు. జెర్సీలో పదేళ్ల కుర్రాడికి తండ్రిగా నటించి ఎమోషన్ తో కన్నీళ్లు పెట్టించిన న్యాచురల్ స్టార్ ఈసారి వినోదానికి పెద్ద పీఠ వేయబోతున్నట్టు తెలిసింది. విజయ్ దేవరకొండతో ఖుషితో టాలీవుడ్ ఎంట్రీ ఇస్తున్న హేశం అబ్దుల్ వహాబ్ దీనికి సంగీతం సమకూరుస్తున్నాడు. మ్యూజిక్ విషయంలోనూ భారీ అంచనాలున్నాయి. ఫ్యామిలీ ఆడియన్స్ లో విపరీతమైన ఫాలోయింగ్ ఉన్న నానికి ఇది ఖచ్చితంగా మరో పెద్ద బ్రేక్ అవుతుందని అభిమానులు ధీమా వ్యక్తం చేస్తున్నారు.
కూల్ టైటిల్ తో మొత్తానికి కుటుంబ ప్రేక్షకులను మరోసారి టార్గెట్ చేసిన హాయ్ నాన్నకు డిసెంబర్ చివర్లో వెంకటేష్ తో గట్టి పోటీనే ఉంటుంది. హాయ్ డాడీ సంక్రాంతికి వాయిదా పడొచ్చనే నేపథ్యంలో టీమ్ మరోసారి స్పష్టంగా నిర్ణయంలో మార్పు లేదని తేల్చి చెప్పేసింది. టాలీవుడ్ హీరోలందరూ డాడీలుగా చాలా సినిమాలు చేసినా అందులో కొన్ని మాత్రమే ప్రత్యేకంగా నిలబడిపోయాయి. హాయ్ డాడీ కూడా వాటి సరసన నిలుస్తుందని నాని నమ్మకం. సీతారామం తర్వాత హీరోయిన్ మృణాల్ ఠాకూర్ కు మరోసారి భావోద్వేగాలు నిండిన పాత్ర దక్కింది
This post was last modified on July 13, 2023 11:34 am
వైసీపీ చేస్తున్న ప్రభుత్వ వ్యతిరేక రాజకీయాలను మంత్రులు అస్సలు ఉపేక్షించవద్దని సీఎం చంద్రబాబు తేల్చి చెప్పారు. ఎక్కడా వెనుకాడవద్దని ఆయన…
అంతర్జాతీయంగా పేరొందిన ప్రముఖ దినపత్రిక న్యూయార్క్ టైమ్స్ పత్రికలో ముఖ్యమంత్రి చంద్రబాబు విజన్, అమరావతి నిర్మాణం గురించి వచ్చిన కథనం…
జైలులో శిక్ష అనుభవిస్తున్న కొందరు వీఐపీ ఖైదీలు అక్కడ కూడా రాజభోగాలు అనుభవిస్తున్న ఘటనలు అనేకం చూశాం. జైలులోనే ఫైవ్…
బాలీవుడ్లో మంచి పేరున్న హీరోయిన్లు తెలుగులో సినిమాలు చేయడం కొత్తేమీ కాదు. కానీ హిందీలో స్టార్ స్టేటస్ సంపాదించాక, తెలుగులో…
గత వారం విడుదలైన కెజెక్యూ మీద పరిశ్రమలో ప్రత్యేకమైన సానుభూతి ఉండేది. దర్శకుడు కెకె దీని షూటింగ్ పూర్తవ్వడానికి దగ్గరగా…
వైసీపీ హయాంలో జరిగిన ఘటనలపై కేసులు కొనసాగుతున్నాయి. అనేక మంది నాయకులపై కేసులు నమోదై... ప్రస్తుతం విచారణ దశలో ఉన్నాయి.…