మ‌హేష్ అభిమానుల వ‌ర‌ల్డ్ రికార్డ్

వంద రోజుల సెంట‌ర్లు, క‌లెక్ష‌న్ల రికార్డుల‌ గురించి కొట్టుకునే రోజులు పోయాయి. ఇప్పుడు ట్వీట్ వార్ న‌డుస్తోంది హీరోల అభిమానుల మ‌ధ్య‌. త‌మ హీరోల పుట్టిన రోజుల‌కు, ఇంకేవైనా సంద‌ర్భాల్లో ఎవ‌రెక్కువ ట్వీట్లు వేశార‌న్న‌ది ప్ర‌తిష్టాత్మ‌కంగా మారింది.

మే నెల‌లో జూనియర్ ఎన్టీఆర్ అభిమానులు.. అతడి పుట్టిన రోజు నాడు ఒక్క రోజు వ్యవధిలో 21.5 మిలియన్ ట్వీట్లతో కొత్త రికార్డు నెలకొల్పారు. ఆ రికార్డును ప‌వ‌న్ క‌ళ్యాణ్ అభిమానులు అలవోకగా బద్దలు కొట్టేశారు. అది కూడా అడ్వాన్స్ హ్యాపీ బ‌ర్త్ డే ట్రెండుతో. కావ‌డం విశేషం. 24 గంటలు తిరిగేసరికి దాదాపు 28 మిలియన్ ట్వీట్లతో సరికొత్త రికార్డు నెలకొల్పారు.

ఐతే ఇంత‌లో మహేష్ బాబు పుట్టిన రోజువ‌చ్చింది. ఆదివారం సూప‌ర్ స్టార్ బ‌ర్త్ డే కాగా.. ముందు రోజు సాయంత్రం మ‌హేష్ ఫ్యాన్స్ సోష‌ల్ మీడియా హంగామా మొద‌లైంది. వారి ధాటికి వరల్డ్ ట్రెండ్స్‌లో మహేష్ బాబు బర్త్‌డే హ్యాష్ ట్యాగ్ నెంబర్ వన్ ప్లేస్‌లో నిలవడమే కాకుండా.. వరల్డ్ ఫాస్టెస్ట్ 10 మిలియన్ ట్వీట్స్ రికార్డ్ మహేష్ పేరిట నమోదైంది.

ఎన్ని గంట‌ల్లో, ఎంత వేగంగా ఈ రికార్డు సాధించార‌న్న వివ‌రాలు వెల్ల‌డి కాలేదు. కానీ రికార్డ‌యితే మ‌హేష్ ఫ్యాన్స్ ఖాతాలో చేరింది. మ‌రి ఈ బర్త్‌డే ట్యాగ్ 24 గంటల్లో ఇంకెన్ని రికార్డులు క్రియేట్ చేస్తుందో.. త్వ‌ర‌లో చిరంజీవి, ప‌వ‌న్ క‌ళ్యాణ్‌ పుట్టిన రోజుల‌ కోసం ఎదురు చూస్తున్న మెగా అభిమానుల‌కు ఎలాంటి టార్గెట్లు ఇస్తుందో చూడాలి.