శంకర్ దాదా రూట్లో భోళా శంకర్ ?

మెగా స్టార్ చిరంజీవి ఎన్ని సినిమాలు చేసినా ‘అన్నయ్య’ , ‘శంకర్ దాదా ఎంబిబిఎస్’ ఫ్యాన్స్ కి ఎప్పటికీ స్పెషల్ మూవీస్ గా ఉంటాయి. ఈ చిత్రాల్లో చిరు పండించిన కామెడీ భారీ వసూళ్లు తెచ్చిపెట్టింది. ముఖ్యంగా శంకర్ దాదా ఎంబిబిఎస్ లో చిరు కామెడీ టైమింగ్ కి థియేటర్స్ లో ఫ్యాన్స్ ఖుషి అయ్యారు. ఫ్యామిలీ ఆడియన్స్ కూడా ఈ రీమేక్ సినిమాను థియేటర్స్ లో బాగా ఎంజాయ్ చేశారు. 

ఇప్పుడు మెహర్ రమేష్ తో చిరు తెలుగులో ఓ రీమేక్ సినిమా చేస్తున్న సంగతి తెలిసిందే. తమిళ సినిమా వేదాళం కి రీమేక్ గా తెరకెక్కుతున్న భోళా శంకర్ లో మళ్ళీ శంకర్ దాదా ఎంబిబిఎస్ తరహా కామెడీ టైమింగ్ తో అలరిస్తాడట చిరు. సినిమాలో సిస్టర్ సెంటిమెంట్ మెయిన్ పాయింట్ అయినప్పటికీ మెగా స్టార్ తాలూకు సన్నివేశాలు , యాక్షన్ ఎపిసోడ్ ఫన్ క్రియేట్ చేసేలా ఉంటాయట. 

చిరు తనకి గోల్డెన్ ఛాన్స్ ఇవ్వడంతో మెహర్ రమేష్ ఈ రీమేక్ పై ప్రత్యేక శ్రద్ద పెట్టాడు. చిరంజీవిను మరింత స్టైలిష్ గా చూపించే ప్రయత్నం చేస్తున్నాడు. అలాగే ఆయన కామెడీ టైమింగ్ తో ఫన్ సీన్స్ డిజైన్ చేసుకున్నాడు. సో మున్నా భాయ్ కి రీమేక్ గా వచ్చిన శంకర్ దాదా ఎంబిబిఎస్ సినిమాలో పండినట్లు ‘భోళా శంకర్’ లో చిరు కామెడీ టైమింగ్ తో వచ్చే సన్నివేశాలు వర్కవుట్ అయితే సినిమా సక్సెస్ సాదించినట్టే.