మళ్ళీ పెళ్లి చేసుకున్న సినిమా విలన్

రేపు విడుదల కాబోతున్న మళ్ళీ పెళ్లి సినిమాలో నరేష్ పవిత్ర లోకేష్ జంట ఏం చేయబోతుందో తెరమీద చూడొచ్చు కానీ రియల్ లైఫ్ లో కూడా అలాంటి మ్యారేజెస్ జరిగిపోతున్నాయి. అరవై ఏళ్ళ ఆశిష్ విద్యార్ధి ఇవాళ రూపాలి బారువాని వివాహం చేసుకున్నాడు. ఆమె వయసు 33 సంవత్సరాలు. మొదటి భార్య రజోషి బారువా. నిన్నటి తరం నటి శకుంతల కూతురు. రూపాలి కోల్కతాలో పెద్ద ఫ్యాషన్ స్టోర్ నడుపుతూ స్వంతంగా వ్యాపారంలో ఎదుగుతోంది. ఈవిడ స్వస్థలం గౌహతి. కొన్నేళ్ల నుంచి సాగిన పరిచయం ఇవాళ మూడు ముళ్ల దాకా తెచ్చింది

ఒకప్పుడు తెలుగు సినిమాల్లో మర్చిపోలేని గొప్ప పాత్రలు ఎన్నో వేసిన ఆశిష్ విద్యార్ధి అవకాశాలు తగ్గిపోయి బాలీవుడ్ కు పరిమితమయ్యాడు తెలిసిన అతికొద్ది మంది బంధు మిత్రుల మధ్య ఈ తతంగాన్ని నడిపించారు. పెళ్లి తాలూకు ఫోటోలు సోషల్ మీడియాలో వైరల్ అవుతున్నాయి. లేట్ ఏజ్ ఎంతైనా సరే సినీ తారలు ఇలా మళ్ళీ పెళ్లి చేసుకున్నప్పుడు వాటి తాలూకు వార్తలు పట్ల జనానికి మంచి ఆసక్తి ఉంటుంది. ఇలాంటివి జరగడం కొత్తేమి కాదు. ఎన్టీఆర్, జెమిని గణేశన్ లాంటి దిగ్గజాలు సైతం ద్వితీయ వివాహాలు చేసుకున్న వాళ్ళే.

ఆశిష్ విద్యార్ధి మాత్రం మహా ఆనందంగా ఉన్నాడు. చాలా థ్రిల్లింగ్ గా ఉందని కొత్త జీవిత భాగస్వామితో లైఫ్ ని రంగులమయం చేసుకుంటానని చెబుతున్నారు. వీళ్ళ ప్రేమకథ చాలా పెద్దదేనట. సమయం వచ్చినప్పుడు డీటెయిల్డ్ గా చెబుతానని ఆశిష్ అంటున్నారు. పోకిరి, అతనొక్కడే, గుడుంబా శంకర్ లాంటి ఎన్నో సూపర్ హిట్స్ లో ఫ్యాన్స్ మర్చిపోలేని క్యారెక్టర్లు చేసిన ఈ టాలెంటెడ్ యాక్టర్ త్వరలో రీ ఎంట్రీ ఇస్తా అంటున్నారు. ఇటీవలే వెంకటేష్ రానా నాయుడులో ఓ కీలక పాత్ర దక్కించుకుని మెప్పించారు. సీక్వెల్ లోనూ కనిపించబోతున్నారు