సినీ రంగంలో సెంటిమెంట్లు చాలా చాలా ఎక్కువ అన్న సంగతి కొత్త‌గా చెప్పాల్సిన ప‌ని లేదు. ఇక్క‌డ స‌క్సెస్ రేట్ చాలా త‌క్కువ కావ‌డం వ‌ల్ల సెంటిమెంట్ల విష‌యంలో చాలా ప‌ర్టికుల‌ర్‌గా ఉంటారు. నెగెటివ్ సెంటిమెంట్ల విష‌యంలో భ‌య‌ప‌డి ఎలా వెనుక‌డుగు వేస్తారో.. పాజిటివ్ సెంటిమెంట్ల‌ను గుడ్డిగా ఫాలో అయిపోతుంటారు కూడా.
ఇప్పుడు ఏజెంట్ సినిమా టీం కూడా ఒక పాజిటివ్ సెంటిమెంట్ మీద న‌మ్మ‌కంగా ఉన్న‌ట్లు క‌నిపిస్తోంది. ఈ చిత్ర ట్రైల‌ర్లో అఖిల్ మెషీన్ గ‌న్ను ప‌ట్టుకుని వీర విధ్వంసం చేసిన షాట్ మాస్ ప్రేక్ష‌కుల దృష్టిని ఆక‌ర్షించింది. క‌థ‌లో భాగంగానే అఖిల్ ఈ విన్యాసం చేసి ఉండొచ్చు కానీ.. జ‌నాల‌కు మాత్రం ఆ షాట్ చూడ‌గానే వేరే సినిమాల‌ను గుర్తు తెచ్చుకుంటున్నారు.
హీరో ఇలా మెషీన్ గన్నుతో విధ్వంసం సృష్టించిన సినిమాలు వ‌రుస‌గా బ్లాక్‌బ‌స్ట‌ర్లు అవుతుండ‌టంతో అదొక సెంటిమెంటుగా మారిపోయింది. గ‌త కొన్నేళ్ల‌లో మొద‌ట‌గా హీరో ఇలా క‌నిపించింది ఖైదీలో. అందులో సినిమా చివ‌ర్లో కార్తి పోలీస్ స్టేష‌న్లో మెషీన్ గన్నుతో విల‌న్ల ఆట క‌ట్టిస్తాడు. ఆ సినిమా అప్పట్లో బ్లాక్బస్టర్. ఆ త‌ర్వాత క‌మ‌ల్ హాస‌న్ విక్ర‌మ్ సినిమాలో క‌మ‌ల్ హాస‌న్ సైతం ఇలాంటి విన్యాస‌మే చేశాడు.
అందులో ఆయ‌న పాత కాలం నాటి నాటు మెషీన్ గ‌న్ వాడాడు. ఆ సినిమా ఎంత పెద్ద హిట్ట‌యిందో తెలిసిందే. ఇక కేజీఎఫ్‌-2లో రాకీ భాయ్ మెషీన్ గ‌న్ విన్యాసం టీజ‌ర్ ద‌శ నుంచే ప్రేక్ష‌కుల్లో ఎగ్జైట్మెంట్ పెంచింది. ఆ సినిమా మెగా బ్లాక్బస్టర్ అయింది. చివ‌ర‌గా వాల్తేరు వీర‌య్య‌లో చిరంజీవి సైతం ఇదే విన్యాసంతో మెప్పించాడు. సినిమా ఫ‌లితం గురించి చెప్పాల్సిన ప‌ని లేదు. ఇప్పుడు అఖిల్ కూడా మెషీన్ గ‌న్ను ప‌ట్టుకుని బాక్సాఫీస్ విధ్వంసానికి తెర తీస్తాడేమో చూడాలి.
This post was last modified on April 21, 2023 2:27 pm
ప్ర‌పంచంలోనే అత్యంత ధ‌నికుల జాబితాలో ఉండే ముకేష్‌ అంబానీ కుటుంబానికి ఇండియాలో అస‌లు పోటీయే లేదు. ఎప్ప‌టిక‌ప్పుడు వారి సంప‌ద…
పులివెందుల‌లో జ‌రుగుతున్న స్థానిక ఎన్నిక‌ల పోలింగ్‌ను ప‌రిశీలించేందుకు వెళ్లిన జ‌గ‌న్‌కు అడుగ‌డుగునా ప‌రాభ‌వాలు ఎదుర‌య్యాయి. ఆయ‌న అడుగు పెట్టీ పెట్ట‌డంతోనే…
అనంతపురం జిల్లా రాప్తాడు ప్రభుత్వ పాఠశాలలో పదవతరగతి విద్యార్థినిపై రంపంతో దాడి చేసిన ఘటన యావత్ రాష్ట్రాన్ని కలవరపాటుకు గురించేసింది.…
ప్ర‌ధాని మోడీ మెడ‌లు వంచుతామ‌ని.. ఆయ‌న‌ను గ‌ద్దె నుంచి దింపుతామ‌ని తెలంగాణ ముఖ్య‌మంత్రి రేవంత్ రెడ్డి వ్యాఖ్యానించారు. ఆదివారం ఢిల్లీలోని…
తమిళ సినిమాలో సెన్సేషనల్ జోడీ అంటే శింబు, నయనతారలదే. వీళ్లిద్దరూ కలిసి నటించిన తొలి చిత్రం ‘వల్లభ’ అప్పట్లో పెను…
దేశంలోని ముఖ్యమంత్రుల పనితీరు మీద తరుచుగా సర్వేలు జరుగుతుండటం మనకు తెలిసిందే. ముఖ్యమంత్రుల పనితీరు, ప్రజాదరణను బట్టి వారికి ర్యాంకులు…