కమెడియన్లు హీరోలుగా చేయడం చాలాసార్లు చూశాం. అలీ, సునీల్ నుంచి సప్తగిరి దాకా ఎందరో హిట్లు కొట్టారు. అయితే అవన్నీ హాస్యభరిత చిత్రాలే తప్ప సీరియస్ గా ఎప్పుడూ ట్రై చేయలేదు. బ్రహ్మానందం బాబాయ్ హోటల్ తో జంధ్యాల ప్రయత్నించారు కానీ అది ఆశించిన స్థాయిలో ఆడలేదు. అందులోనూ ఎంటర్ టైన్మెంట్ ఉంటుంది. కానీ కోలీవుడ్ కల్ట్ దర్శకుడు వెట్రిమారన్ కొత్త చిత్రం విడుతలై కొత్త ట్రెండ్ కి శ్రీకారం చుట్టేలా ఉంది. తమిళ డబ్బింగ్ సినిమాలతో సూరి మనకూ పరిచయమే. సూర్య, విజయ్ ల పక్కన జోకులు వేస్తూ నవ్విస్తూ ఉంటాడు.
ఇతను కానిస్టేబుల్ గా చేసిన మూవీనే విడుతలై పార్ట్ 1. నిన్న ట్రైలర్ రిలీజ్ చేశారు. వీడియో మొత్తం ఇంటెన్స్ డ్రామాతో విజువల్స్ ని నింపేశారు. నక్సల్స్ ప్రాబల్యం ఉన్న ప్రాంతంలో పోలీసుల అరాచకాలు ఏ స్థాయిలో ఉంటాయి, వాళ్ళ నాయకుడిని పట్టుకునే నెపంతో ఆ వర్గానికి చెందిన ఆడవాళ్ళతో ఖాకీ జులుం చేసిన దుర్మార్గాలు ఇవన్నీ కళ్ళకు కట్టినట్టు చూపించారు. నాయకుడిగా విజయ్ సేతుపతి నటించగా పోలీస్ అధికారిగా గౌతమ్ వాసుదేవ్ మీనన్ కు మరో కీలకమైన పాత్ర దక్కింది. ఇళయరాజా సంగీతం అందించగా ఇది రెండు భాగాలుగా రాబోతోంది.
అంచనాలు పెంచేలానే విడుతలై ప్రమోషన్ చేస్తున్నారు వెట్రిమారన్. తెలుగులో ఇలాంటివి గతంలో వచ్చాయి. ముఖ్యంగా రేవతి ప్రధాన పాత్ర పోషించిన అంకురం ఎప్పటికీ మర్చిపోలేని క్లాసిక్. అందులో ఈ తరహా నేపధ్యమే ఉంటుంది. సామజిక అంశాల మీద వెనుకబడిన వర్గాల అణిచివేత మీద మాత్రమే సినిమాలు తీసే వెట్రిమారన్ తర్వాత ధనుష్, జూనియర్ ఎన్టీఆర్ లతో ప్లాన్ చేసుకున్నాడు కానీ అవెంతవరకు కార్యరూపం దాలుస్తాయో చూడాలి. అన్నట్టు ఈ విడుతలై మార్చి 31 విడుదలకు ప్లాన్ చేస్తున్నారు. అదే జరిగితే తమిళనాడులో నాని దసరాకు కొంత చిక్కు తప్పదు
This post was last modified on March 9, 2023 10:34 am
ప్ర‌పంచంలోనే అత్యంత ధ‌నికుల జాబితాలో ఉండే ముకేష్‌ అంబానీ కుటుంబానికి ఇండియాలో అస‌లు పోటీయే లేదు. ఎప్ప‌టిక‌ప్పుడు వారి సంప‌ద…
పులివెందుల‌లో జ‌రుగుతున్న స్థానిక ఎన్నిక‌ల పోలింగ్‌ను ప‌రిశీలించేందుకు వెళ్లిన జ‌గ‌న్‌కు అడుగ‌డుగునా ప‌రాభ‌వాలు ఎదుర‌య్యాయి. ఆయ‌న అడుగు పెట్టీ పెట్ట‌డంతోనే…
అనంతపురం జిల్లా రాప్తాడు ప్రభుత్వ పాఠశాలలో పదవతరగతి విద్యార్థినిపై రంపంతో దాడి చేసిన ఘటన యావత్ రాష్ట్రాన్ని కలవరపాటుకు గురించేసింది.…
ప్ర‌ధాని మోడీ మెడ‌లు వంచుతామ‌ని.. ఆయ‌న‌ను గ‌ద్దె నుంచి దింపుతామ‌ని తెలంగాణ ముఖ్య‌మంత్రి రేవంత్ రెడ్డి వ్యాఖ్యానించారు. ఆదివారం ఢిల్లీలోని…
తమిళ సినిమాలో సెన్సేషనల్ జోడీ అంటే శింబు, నయనతారలదే. వీళ్లిద్దరూ కలిసి నటించిన తొలి చిత్రం ‘వల్లభ’ అప్పట్లో పెను…
దేశంలోని ముఖ్యమంత్రుల పనితీరు మీద తరుచుగా సర్వేలు జరుగుతుండటం మనకు తెలిసిందే. ముఖ్యమంత్రుల పనితీరు, ప్రజాదరణను బట్టి వారికి ర్యాంకులు…