పవన్ కోసం మూడు వెర్షన్లు

తమిళ్ లో వచ్చిన వినోదాయ సీతమ్ చూసి త్రివిక్రమ్ ఈ సినిమాను ఇష్టపడ్డాడు. అక్కడి నుండి ఈ రీమేక్ ప్రాజెక్ట్ సెట్ చేసేందుకు బాగా కష్టపడ్డాడు. పవన్ కళ్యాణ్ కి సినిమా చూపించి సముద్రఖని తో ప్రాజెక్ట్ సెట్ చేశాడు. త్రివిక్రమ్ కంటే ముందు సముద్రఖని తెలుగు రీమేక్ కోసం ఓ వెర్షన్ రాశాడు. కానీ అది త్రివిక్రమ్ కి నచ్చలేదు. దీంతో స్టార్ రైటర్ సాయి మాధవ బుర్రా ను రంగంలోకి దింపారు. ఆయన కూడా ఓ వెర్షన్ ఇచ్చాడు. అదీ వర్కవుట్ అవ్వలేదు.

అప్పుడు మహేష్ ప్రాజెక్ట్ నుండి బయటికొచ్చి త్రివిక్రమ్ తన వెర్షన్ రాశాడు. చాలా మార్పులు చేశాడు. మధ్య వయసు పాత్రను తొలగించి తేజ్ కోసం ఓ కుర్రాడి పాత్రను క్రియేట్ చేశాడు త్రివిక్రమ్. ఆ పాత్రకు తగ్గట్టు హీరోయిన్ , లవ్ యాడ్ చేశాడు. భాద్యత లేని ఓ కుర్రాడు చనిపోయాక ఎలా భాద్యత తెలుసుకున్నాడు అనేట్టుగా ఫైనల్ వెర్షన్ రెడీ చేశారని తెలుస్తుంది. ఇక సముద్రఖని ఫైనల్ చేసిన కాస్టింగ్ ను కూడా త్రివిక్రమ్ మార్చేశారని అంటున్నారు.

ఫైనల్ గా ఇప్పుడు త్రివిక్రమ్ వెర్షనే సెట్స్ మీదకి వచ్చింది. ఈ డిస్కషన్స్ లో పవన్ ఉన్నది తక్కువే త్రివిక్రమే ప్రతీ విషయంలో ఇన్వాల్వ్ అవుతూ ఈ సినిమాను సెట్స్ పైకి తీసుకొచ్చారు. ఈ రీమేక్ హిట్టయినా, ఫ్లాప్ అయిన ఆ క్రెడిట్ సముద్రఖని కంటే త్రివిక్రమ్ కే దక్కుతుందన్నమాట. మరి ఒరిజినల్ తో పోలిస్తే త్రివిక్రమ్ వెర్షన్ ఎలా ఉండబోతుందో ? చూడాలి.