Movie News

అఖిల్‌కు ముప్పు తొలగిపోలేదు

అక్కినేని అఖిల్ కెరీర్లో చాలా ముఖ్యమైన సినిమా ‘ఏజెంట్’. హీరోగా మూడు వరుస పరాజయాల తర్వాత అతడికి ‘మోస్ట్ ఎలిజిబుల్ బ్యాచిలర్’ ఊరటనిచ్చింది కానీ అది మరీ పెద్ద సక్సెస్ కాదు. పైగా అఖిల్ ఇమేజ్, ఫ్యాన్ ఫాలోయింగ్ పెరగడానికి ఆ సినిమా పెద్దగా ఉపయోగపడింది లేదు. ‘ఏజెంట్’ ఫుల్ లెంగ్త్ యాక్షన్ ఎంటర్టైనర్ కావడం.. హీరోయిజం ఒక రేంజిలో ఉండేలా కనిపిస్తుండడం.. సురేందర్ రెడ్డి లాంటి స్టార్ డైరెక్టర్ ఈ చిత్రాన్ని రూపొందించడంతో దీనిపై మంచి అంచనాలే ఉన్నాయి. అఖిల్ ఇమేజ్‌ను పెంచే సినిమా అవుతుందని ‘ఏజెంట్’ మీద అక్కినేని ఫ్యాన్స్ చాలా ఆశలే పెట్టుకున్నారు.

ఐతే ఈ సినిమా నుంచి ఇప్పటిదాకా రిలీజైన ప్రోమోలు మిక్స్‌డ్ ఫీలింగ్ కలిగించాయి. యాక్షన్, హీరోయిజం విషయంలో ఓవర్ ద బోర్డ్ వెళ్లినట్లు అనిపించడం కొందరికి రుచించలేదు. ఇంకా స్టార్ ఇమేజ్ రాని హీరోతో ఆ రేంజిలో యాక్షన్, ఎలివేషన్ సీన్లు చేయించడం, తనను అంత వైల్డ్‌గా చూపించడం కరెక్టేనా అన్న ప్రశ్నలు తలెత్తాయి. కానీ యూత్‌ను, యాక్షన్ ప్రియులను ఆకట్టుకోవాలంటే ఆ మాత్రం అతి చేయాల్సిందే అన్న ఉద్దేశంలో చిత్ర బృందం ఉన్నట్లు కనిపిస్తోంది. ఏప్రిల్ 28 లాంటి ఆకర్షణీయమైన డేట్‌ను ఈ చిత్రం కోసం ఎంచుకుంది ‘ఏజెంట్’ టీం. ఐతే పాన్ ఇండియా స్థాయిలో రిలీజ్ కాబోతున్న ‘ఏజెంట్’కు గట్టి పోటీ తప్పట్లేదు.

మణిరత్నం సినిమా ‘పొన్నియన్ సెల్వన్-2’ అదే తేదీకి ఫిక్సవడమే అందుక్కారణం. మధ్యలో ఈ చిత్రం వాయిదా పడుతుందనే వార్తలు వచ్చాయి కానీ.. అలాంటిదేమీ లేదని తేలింది. కార్తి తాజాగా తన ట్వీట్లో ఏప్రిల్ 28న పీఎస్-2 రావడం పక్కా అని తేల్చేశాడు. పీఎస్-1 తెలుగులో సరిగా ఆడకపోయి ఉండొచ్చు కానీ దీని గురించి రిలీజ్ టైంలో, ఓటీటీలో వచ్చినపుడు పెద్ద చర్చే జరిగింది. తెలుగు రాష్ట్రాల్లో కూడా దానికి బిగ్ రిలీజే ఉంటుంది. తమిళంలో ఇంకే సినిమాకూ స్కోప్ ఇవ్వదు ‘పీఎస్-2’. కేరళ, కర్ణాటక, ఉత్తరాది రాష్ట్రాల్లోనూ దానికి బిగ్ రిలీజే ఉంటుంది. కాబట్టి ఒక్క హిందీలో తప్ప ‘ఏజెంట్’కు స్కోప్ లేనట్లే. హిందీలో కూడా అఖిల్ సినిమాను ఏమాత్రం పట్టించుకుంటారన్నది సందేహమే. తెలుగులో ‘పీఎస్-2’ ఎంతో కొంత ప్రభావం చూపించకుండా పోదు. దాని పోటీని తట్టుకుని తెలుగులో అంచనాలకు తగ్గ విజయాన్ని ‘ఏజెంట్’ సాధిస్తే చాలు. అక్కినేని ఫ్యాన్స్‌కు అంతకంటే ఏం అక్కర్లేదు.

This post was last modified on February 24, 2023 10:10 pm

Share

Recent Posts

హనుమాన్ 2… ఊహించని ట్విస్టు

మూడేళ్ళ క్రితం మహేష్ బాబు, నాగార్జున, వెంకటేష్ లాంటి స్టార్ హీరోలతో సంక్రాంతి రేసులో తలపడి తేజ సజ్జ అంత…

46 minutes ago

వాళ్ళముందు మన సంస్కృతిని తక్కువ చెయ్యను: కీర్తి సురేష్

కొన్ని రోజుల ముందు ‘అక్క’ వెబ్ సిరీస్ ప్రమోషన్లలో భాగంగా జరిగిన ఒక చిట్ చాట్‌లో.. రాధిక ఆప్టే తెలుగు…

2 hours ago

ఏపీ బీజేపీలో అసంతృప్తి సెగ‌… ఆ ఎమ్మెల్యే రాజీనామా?

ఏపీ బీజేపీలో కొన్నాళ్లుగా అసంతృప్తితోనే నాయ‌కులు ముందుకు సాగుతున్నారు. పార్టీలో ఏం జ‌రుగుతోందో.. త‌మ‌కు అర్థం కావ‌డం లేద‌ని కొన్నాళ్లుగా…

3 hours ago

పారిశ్రామిక రంగంలో చంద్రబాబు ఎక్స్ ప్రెస్ స్పీడ్

భారతదేశ పారిశ్రామిక రంగంలో ఆంధ్ర ప్రదేశ్ దూకుడు ప్రదర్శిస్తోంది. ముఖ్యమంత్రి చంద్రబాబు ఎక్స్ ప్రెస్ బుల్లెట్ వేగంతో ముందుకు దూసుకొని…

3 hours ago

రాములమ్మని వాడుకోవడం తెలివైన ఐడియా

పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…

13 hours ago

ఇది వింటే ఇక జన్మలో కాపీ కొట్టరు

పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…

13 hours ago