సుక్కు దారిలో రాజమౌళి ?

సూపర్ స్టార్ తో సినిమా చేయాలనుకునే దర్శకులకి అసలు మహేష్ ను ఎలా ప్రెజెంట్ చేయాలి ? అనే డైలమా ఉండనే ఉంటుంది. హాలీవుడ్ హీరోకి ఏ మాత్రం తగ్గకుండా ఉండే మహేష్ లుక్స్ చూస్తే అవుట్ ఆఫ్ ది బాక్స్ ఆలోచించే ఎవరికైనా హాలీవుడ్ స్టైల్ సినిమానే చేయాలని ఉంటుంది. సరిగ్గా ఇప్పుడు రాజమౌళి కి కూడా అదే ఆలోచన వచ్చింది. అయితే మహేష్ లుక్ ఎలా ఉండాలి ? అసలు మహేష్ మీద ఎలాంటి స్టైలిష్ కంటెంట్ ప్లాన్ చేయాలి ? అనే మీమాంసలో ఉన్నాడు రాజమౌళి.

ఫైనల్ గా ఆస్ట్రేలియా బ్యాక్ డ్రాప్ లో గ్లోబ్ షేక్ అయ్యే కంటెంట్ ఏదో ప్లాన్ చేసుకున్నాడు. తండ్రి విజయేంద్ర ప్రసాద్ తో మహేష్ సినిమా డిస్కషన్ అప్పుడప్పుడూ జరుగుతూనే ఉంది. అయితే ఈ విషయంలో రాజమౌళి సుక్కును ఫాలో అయ్యే ఛాన్స్ ఉంది. అవును రాజమౌళి కంటే ముందే మహేష్ తో హాలీవుడ్ స్క్రీన్ ప్లే , మేకింగ్ తో వన్ నేనెక్కడినే అనే సినిమా చేశాడు. సినిమా కమర్షియల్ గా వర్కవుట్ అవ్వలేదు కానీ కంటెంట్ పరంగా హాలీవుడ్ సినిమాకు ఏ మాత్రం తీసిపోని విధంగా ఉంటుంది. అయితే సుక్కు అందులో హీరోయిన్ తో ఎప్పటిలానే కాస్త అతి చేయించాడు. స్క్రీన్ ప్లే లో కన్ఫ్యూజ్ చేశాడు. ఇలా కొన్ని మైనస్ లు ఉన్నాయి. అలాగే మహేష్ ను ఫర్ ది ఫస్ట్ టైమ్ సిక్స్ ప్యాక్ తో అదిరిపోయే లుక్ లో ప్రెజెంట్ చేశాడు.

ఇవన్నీ రాజమౌళి కి పనికొచ్చే విషయాలే. సుక్కు ప్రెజెంట్ చేసినట్టు మహేష్ లుక్ ఛేంజ్ చేసి జక్కన్న తన స్టైల్ లో కంటెంట్ ప్లాన్ చేసుకుంటే సరిపోతుంది. ఇక సుక్కు మహేష్ సినిమా విషయంలో తప్పులు గమనిస్తే సరిపోతుంది. కథ ఎలా ఉన్నా రాజమౌళి ఎలాగో మేజిక్ చేయనే చేస్తాడు. ఆ విషయంలో ఎలాంటి సందేహం లేదు. సో మహేష్ తో సుక్కు తీసిన హాలీవుడ్ స్టైల్ ఆఫ్ మూవీ తో హిట్ కొట్టలేకపోయాడు. ఇప్పుడు రాజమౌళి మహేష్ తో గ్లోబ్ ట్రోట్టింగ్ అంటూ ఓ అడ్వెంచరస్ మూవీ తీసి హాలీవుడ్ సినిమా మేకింగ్ తో మెప్పించడానికి రెడీ అవుతున్నాడు.