విజయ్ వెనక్కి, అజిత్ ఛాన్స్ కొట్టేశాడు

కోలీవుడ్ లో తునివు, వారిసు సినిమాలతో అజిత్, విజయ్ మధ్య అక్కడ సంక్రాంతి వార్ నెలకొంటుంది. ఇరు అభిమానులు ఇప్పటికే రెండు సినిమాలతో సందడి మొదలుపెట్టేశారు. థియేటర్స్ గొడవ, రికార్డ్స్ వేటలతో ఇప్పటికే ఫ్యాన్స్ బిజీ అయిపోయారు. ఇక తమిళ్ తో పాటు తెలుగులో కూడా అజిత్ తెగింపు, విజయ్ వారసుడు ఒకేసారి రిలీజ్ ప్లాన్ చేశారు. దీంతో కోలీవుడ్ బాక్సాఫీస్ తో పాటు టాలీవుడ్ బాక్సాఫీస్ దగ్గర జనవరి 11న వీరిద్దరి మధ్య గట్టి పోటీ ఉండనుందని అందరూ భావించారు.

కానీ ఇప్పుడు విజయ్ వారసుడు తెలుగు స్టేట్స్ లో పోస్ట్ పోన్ అయింది. బాలయ్య, చిరు సినిమాల రిలీజ్ కారణంగా జనవరి 11 నుండి జనవరి 14న షిఫ్టయింది. దీంతో ఇప్పుడు అజిత్ తెగింపు కి తెలుగులో మంచి ఛాన్స్ కొట్టేసింది. సంక్రాంతి సీజన్ లో మొదటి రిలీజ్ అయ్యే సినిమాకు ఎప్పుడూ అడ్వాంటేజ్ ఉంటుంది. తెలుగులో అజిత్ కి ఎలాగో కొంత మార్కెట్ కూడా ఉంది. రేస్ నుండి వారసుడు వెనక్కి వెళ్లడంతో తెగింపు కి తెలుగులో బెస్ట్ ఓపెనింగ్స్ వచ్చే ఛాన్స్ పుష్కలంగా కనిపిస్తుంది.

ఏదేమైనా తెలుగులో విజయ్ వారసుడు సంక్రాంతి రేస్ లో రెండ్రోజులు వెనక్కి వెళ్లడం అజిత్ కి బాగా కలిసొచ్చెలా ఉంది. బాలయ్య, చిరు సినిమాలు వచ్చే లోపు అజిత్ ఈ డబ్బింగ్ సినిమాతో మొదటి రోజు థియేటర్స్ లో సందడి చేసి మంచి వసూళ్లు రాబట్టడం ఖాయమనిపిస్తుంది. ఇక టాక్ బావుంటే సంక్రాంతి సందట్లో తెగింపు ఓ వారం పాటు తెలుగు స్టేట్స్ లో మంచి కలెక్షన్స్ రాబట్టే అవకాశం ఉంది.