లెక్క సరి చేసిన రవితేజ 

మాస్ మహారాజా రవితేజ నుండి ఈ ఏడాది మూడు సినిమాలు రిలీజ్ అయ్యాయి. ఖిలాడి, రామారావు ఆన్ డ్యూటీ సినిమాలు ప్రేక్షకులను బాగా నిరాశ పరిచాయి. అయితే ఈ రెండు సినిమాల్లో రవితేజ ఎనర్జిటిక్ గా బాగానే చేశాడు కానీ కథ -కథనం వీక్ గా ఉండటం, ఆడియన్స్ ను ఆకట్టుకునే మషాలా ఎలిమెంట్స్ లేకపోవడంతో వర్కౌట్ అవ్వలేదు. అయితే ఈ ఏడాది ఫ్లాప్ లతో ఎండ్ చేయడం ఇష్టం లేక ధమాకా తో ఓ బ్లాక్ బస్టర్ హిట్ సెట్ చేసుకున్నాడు మాస్ మహారాజా. 

ఫస్ట్ డే మిక్స్డ్ టాక్ తెచ్చుకున్న ధమాకా మంచి ఓపెనింగ్స్ రాబట్టి అందరికీ షాక్ ఇచ్చింది. రెండో రోజు, మూడో రోజు కూడా స్ట్రాంగ్ కలక్షన్స్ తో దూసుకెళ్లింది. వీకెండ్ పైగా క్రిస్మస్ అన్నీ కలిసి రావడంతో బాక్సాఫీస్ దగ్గర మేజిక్ నంబర్స్ అందుకుంటుంది. అన్ని కమర్షియల్ ఎలిమెంట్స్ ప్రాపర్ గా కుదిరిన ఈ సినిమా ముప్పై కోట్ల గ్రాస్ తెచ్చుకుంది. ఇక ఈ ఇయర్ లో తన నుండి వచ్చిన రెండు ఫ్లాప్స్ మర్చిపోయేలా ధమాకాతో లెక్క సరి చేసి తన ఫ్యాన్స్ కి మూవీ లవర్స్ కి కమర్షియల్ హిట్ సినిమా అందించాడు రవితేజ. 

వచ్చే నెలలో సంక్రాంతి వరకు పెద్ద సినిమా లేకపోవడంతో ధమాకా కలెక్షన్స్ మెల్లగా అప్పటి వరకు కొనసాగే అవకాశం ఉంది. మరి లాంగ్ రన్ లో ధమాకా కేవలం బ్లాక్ బస్టర్ అనిపించుకుంటుందా ? లేదా డబుల్ బ్లాక్ బస్టర్ కొడుతుందా ? చూడాలి. వైజాగ్ లో మేకర్స్ సక్సెస్ సెలెబ్రేషన్స్ ప్లాన్ చేస్తున్నారు. ఆ ఈవెంట్ తర్వాత ఇంకా కలెక్షన్స్ పెరిగే అవకాశం ఉంది.