హిట్2 గండం దాటేస్తుందా ?

అడివి శేష్ హీరోగా తెరకెక్కిన ‘హిట్ 2’ తొలి రోజే సూపర్ హిట్ టాక్ తెచ్చుకుంది. సినిమాలో శేష్ కేరెక్టర్, థ్రిల్లింగ్ ఎలిమెంట్స్ క్లిక్ అవ్వడంతో ఫస్ట్ డే మంచి కలెక్షన్స్ అందుకుంది. ఓవర్ సీస్ లో కూడా అలవోకగా హాఫ్ మిలియన్ అందుకుంది. అయితే ఈ సినిమా సోమవారం గండం దాతుతుందా ? లేదా అనే సందేహం ట్రేడ్ వర్గాల్లో ఉన్నాయి. అవును ప్రస్తుతం ప్రేక్షకులు ఆశించిన స్థాయిలో థియేటర్స్ కి రావడం లేదు. ఎంత టాక్ బాగున్నా కేవలం మూడు రోజులే ప్రేక్షకులు థియేటర్స్ లో కనిపిస్తున్న పరిస్థితి. 

అంతెందుకు చిరంజీవి గాడ్ ఫాదర్ , సమంత యశోద సినిమాలు రిలీజ్ తర్వాత మూడు రోజులు మాత్రమే జోరు చూపించాయి. సోమవారం బాగా డ్రాప్ అయ్యాయి. లవ్ టుడే తమిళ్ డబ్బింగ్ కూడా ఇంతే వీకెండ్ మంచి వసూళ్ళు తెచ్చుకుంది. కానీ మండే నుండి కలెక్షన్స్ తగ్గాయి. ఈ మధ్య వచ్చిన సినిమాల్లో మసూద ఒక్కటే సోమవారం నుండి కలెక్షన్స్ పెంచుకుంది. పబ్లిక్ టాక్ తో ఈ హారర్ సినిమా చూసేందుకు నాలుగో రోజు నుండి ఆడియన్స్ థియేటర్స్ కి రావడం మొదలు పెట్టారు.

మరి ఈ లెక్కన చూస్తే అడివి శేష్ హిట్2 కి సోమవారం ఆశించిన కలెక్షన్స్ వస్తాయా ? లేదా సినిమా డ్రాప్ అయ్యే అవకాశం ఉందా ? తెలియాలంటే మరికొన్ని గంటలు గడవాల్సిందే. సోమవారం మార్నింగ్ షో కలెక్షన్స్ మాత్రం అంతంత మాత్రంగానే ఉన్నాయి. ఫస్ట్ షో , సెకండ్ షో హౌజ్ 50 పర్సెంటేజ్ అక్యూపెంసీ వచ్చిన సినిమా నిలబడి నట్టే. ఏదేమైనా నిర్మాత నాని , ప్రశాంతి కి ఈ సినిమా మంచి లాభాలు తెచ్చిపెట్టింది. మిగతాదంతా బోనస్ అనే చెప్పాలి.