Movie News

రవితేజ మీద అరడజను ఒత్తిళ్లు

డిమాండ్ ఉన్న యూత్ హీరోలు లేనంత బిజీగా మాస్ మహారాజా డైరీ చాలా టైట్ అయిపోతోంది. డిజాస్టర్లు పడుతున్నా సరే తన స్పీడ్ మాత్రం ఆగడం లేదు. క్రాక్ బ్లాక్ బస్టర్ సక్సెస్ ని ఆస్వాదించే లోపు ఖిలాడీ, రామారావు ఆన్ డ్యూటీ ఫలితాలు అభిమానులను తీవ్రంగా నిరాశ పరిచాయి. అందుకే ధమాకా మీద ఇంకా ఆశించిన స్థాయిలో బజ్ రావడం లేదు. జింతకు జిజిన్న పాట ఓ రేంజ్ లో రెస్పాన్స్ తెచ్చుకుంది కానీ ఆ తర్వాత వచ్చిన సాంగ్ సోసోగానే వెళ్తోంది. డిసెంబర్ 23 విడుదలకు అట్టే సమయం లేదు. ఇరవై రోజులు ఇట్టే కరిగిపోతాయి. ఆలోగా పబ్లిసిటీ వేగం పెంచి హైప్ పెరిగేలా చూసుకోవాలి.

ఇదిలా ఉంటే రేపు రిలీజ్ కాబోతున్న విష్ణు విశాల్ మట్టి కుస్తీకి రవితేజనే నిర్మాణ భాగస్వామి. పోటీగా ఉన్న హిట్ 2తో పోలిస్తే ఈ డబ్బింగ్ మూవీని మనవాళ్ళు లైట్ తీసుకున్నారని బుకింగ్స్ చూస్తే అర్థమవుతోంది. ఒకవేళ అబ్బో అదిరిపోయిందనే టాక్ వస్తే తప్ప పికప్ ఆశించడం కష్టం. దీని తాలూకు వ్యవహారాలపై మాస్ రాజా ఓ కన్నేసి ఉంచాలి. సంక్రాంతిని టార్గెట్ గా పెట్టుకున్న వాల్తేర్ వీరయ్య షూటింగ్ ప్రస్తుతం రామోజీ ఫిలిం సిటీలో జరుగుతోంది. చిరంజీవితో కాంబినేషన్ సీన్లలో రవితేజ పాల్గొంటున్నారు. దీంతో ఈ కాంబినేషన్ భాగం దాదాపుగా పూర్తవుతుందని సమాచారం.

ఆల్రెడీ చిత్రీకరణ దశలో ఉన్న రావణాసుర, ఈగల్ లను వచ్చే ఏడాది తొలి క్వార్ట్రర్ లోనే ఫినిష్ చేయాల్సి ఉంటుంది. టైగర్ నాగేశ్వరరావు కోసం ప్రత్యేకంగా జుట్టు గెడ్డం పెంచాల్సి ఉంటుంది కాబట్టి ఆలోగా ఇవన్నీ క్లియర్ చేసుకునే ఒత్తిడి రవితేజ మీద ఉంది. మధ్యలో ధమాకా, వాల్తేర్ వీరయ్య ఈవెంట్లు ఇంటర్వ్యూలు అటెండ్ అవ్వాలి. జయాపజయాల సంగతి ఎలా ఉన్నా ఈ వయసులోనూ మాస్ మహారాజా స్పీడ్ చూస్తుంటే ముచ్చటనిపించక మానదు. ఏడాదికి ఒకటి చేయడమే భారంగా ఫీలవుతున్న ట్రెండ్ లో కొందరు కుర్రహీరోలు తనను స్ఫూర్తిగా తీసుకోవాల్సిన అవసరం ఎంతైనా ఉంది.

This post was last modified on December 1, 2022 11:48 am

Share

Recent Posts

వాళ్ళముందు మన సంస్కృతిని తక్కువ చెయ్యను: కీర్తి సురేష్

కొన్ని రోజుల ముందు ‘అక్క’ వెబ్ సిరీస్ ప్రమోషన్లలో భాగంగా జరిగిన ఒక చిట్ చాట్‌లో.. రాధిక ఆప్టే తెలుగు…

1 hour ago

ఏపీ బీజేపీలో అసంతృప్తి సెగ‌… ఆ ఎమ్మెల్యే రాజీనామా?

ఏపీ బీజేపీలో కొన్నాళ్లుగా అసంతృప్తితోనే నాయ‌కులు ముందుకు సాగుతున్నారు. పార్టీలో ఏం జ‌రుగుతోందో.. త‌మ‌కు అర్థం కావ‌డం లేద‌ని కొన్నాళ్లుగా…

2 hours ago

పారిశ్రామిక రంగంలో చంద్రబాబు ఎక్స్ ప్రెస్ స్పీడ్

భారతదేశ పారిశ్రామిక రంగంలో ఆంధ్ర ప్రదేశ్ దూకుడు ప్రదర్శిస్తోంది. ముఖ్యమంత్రి చంద్రబాబు ఎక్స్ ప్రెస్ బుల్లెట్ వేగంతో ముందుకు దూసుకొని…

2 hours ago

రాములమ్మని వాడుకోవడం తెలివైన ఐడియా

పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…

11 hours ago

ఇది వింటే ఇక జన్మలో కాపీ కొట్టరు

పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…

12 hours ago

ఏఐని గుడ్డిగా నమ్మితే ఇలాగే ఉంటుంది

ఆర్టిఫిషియల్ ఇంటెలిజెన్స్ మనిషి జీవితంలో ఎన్నో మార్పులు తీసుకొస్తోంది. క్లిష్టమైన పనులను సులభతరం చేస్తూ, వేగంగా నిర్ణయాలు తీసుకునే స్థాయికి…

12 hours ago