Movie News

తమిళ బ్యాచ్ అతి ఇక్కడితో ఆగుతుందా

టాలీవుడ్ సంక్రాంతికి వారసుడు పెట్టిన చిచ్చు మాములుగా లేదు. ఒక తమిళ పార్టీ ఏమో తెలుగు సినిమాలు బ్యాన్ చేస్తామంటుంది. ఫామ్ లో లేని ఒక కోలీవుడ్ స్టార్ డైరెక్టరేమో వరిసుకు ముందు ఆ తర్వాత పరిణామాలు వేరే ఉంటాయంటూ వెరైటీ బెదిరింపులు చేస్తాడు. తీరా చూస్తే తమిళ స్టార్ హీరోలెవరూ ఆఫర్లు ఇవ్వకపోతే ఇక్కడికొచ్చి ఊపుమీదున్న కుర్ర హీరోకు డిజాస్టర్ ఇచ్చిన ట్రాక్ రికార్డు ఈయనది. ఇదంతా చూస్తూ తెలుగు సినిమా అభిమానులు ఊరుకోలేకపోతున్నారు. సోషల్ మీడియా వేదికగా తమ నిరసనను పబ్లిక్ గానే ప్రకటిస్తున్నారు. ఇది టూ మచ్ అంటూ కౌంటర్లు ఇస్తున్నారు

నిజానికి డబ్బింగ్ రూపంలో తమిళ నిర్మాతలకు మన మార్కెట్ కల్పతరువు లాంటిది. విక్రమ్ అపరిచితుడు, సూర్య గజిని, శంకర్ బాయ్స్ లాంటివి ఒరిజినల్ వెర్షన్ కంటే ఏపీ తెలంగాణలోనే బ్రహ్మాండమైన వసూళ్లు దక్కించుకున్నాయి. అక్కడ రెండు వారాలకు చాప చుట్టేసిన వాటిని మనం ఆదరించిన ఉదంతాలున్నాయి. అంతెందుకు విజయ్ మొహమే సరిగా గుర్తు పట్టని తెలుగు జనాలు బాగానే ఉన్నాయనే కారణంతోనే కదా తుపాకీ, విజిల్, మాస్టర్ లాంటి వాటిని హిట్లు చేసింది. అదంతా మర్చిపోయి ఏదో అన్యాయం జరిగిపోతోందనే రేంజ్ లో శోకాలు పెట్టడం ఓవర్ డ్రామా.

వీటిని అడ్డుకునేదెవరంటే సమాధానం దొరకదు. డబ్బింగుల వర్షం పడుతూనే ఉంటుంది. ఈ శుక్రవారం లవ్ టుడేకి నాలుగు వందలకు పైగా థియేటర్లు రెడీ అయ్యాయి. వీకెండ్ కి మరింత పెరగొచ్చు. బాలీవుడ్ తోడేలుకి సైతం భారీ ప్లాన్ వేశారు. ఇంతే స్థాయిలో అల్లరి నరేష్ ఇట్లు మారేడుమిల్లి నియోజకవర్గంకు కేటాయిస్తారా అంటే డౌటే. ఇవన్నీ గమనించుకుంటే తమిళ బ్యాచు ఇంతగా పెట్రేగిపోవడానికి మనకు మనమే కారణంగా తోస్తోంది. కఠిన నిబంధనలు పెట్టుకుంటే తప్ప అనువాదాల ప్రవాహాన్ని ఆపడం కష్టమే. మరోవైపు విజయ్ ఫ్యాన్స్ ఏదో తమ హీరోకి అన్యాయం జరుగుతోందన్న రేంజ్ లో శోకాలు పెట్టడం అసలైన కామెడీ ట్విస్ట్.

This post was last modified on November 22, 2022 9:06 am

Share

Recent Posts

బిసి సెంటర్స్‌లో ‘రిపీట్’ కావడం లేదా

మొన్న శుక్రవారం విడుదలైన ఈ నగరానికి ఏమైంది రిపీట్ అంచనాలకు మించి హైదరాబాద్, ఓవర్సీస్ లో అదరగొడుతోంది. వసూళ్లు ఊహించిన…

4 hours ago

ఓమ్‌లో ఎన్ని రెఫరెన్సులు ఉన్నాయో

టాక్ మిశ్రమంగా ఉన్నా ఓమ్ వసూళ్లు బాగున్నాయి. వీకెండ్ తర్వాత ఎంత శాతం డ్రాప్ ఉంటుందనేది రెండు రోజులు ఆగితే…

6 hours ago

భోగి మంటల్లో శత్రువుల దహనం

టాలీవుడ్ తెరమీద రక్తధారలు కొనసాగుతున్నాయి. హీరోలు మారుతున్నా వయొలెన్స్ బ్యాక్ డ్రాప్ సినిమాలు కాసులు కురిపించే దిశగా ప్రేక్షకులు ముందుకు…

6 hours ago

యూపీ సీఎంలా పాలిస్తానంటున్న ఏపీ స్వామీజీ

ఏపీ పంచాయ‌తీ ఎన్నిక‌ల వేళ ఓ స్వామీజీ కూడా ఎన్నిక‌ల రంగంలోకి దిగారు. ఉమ్మ‌డి అనంత‌పురం జిల్లా మడకశిర నియోజ‌క‌వ‌ర్గంలోని…

7 hours ago

జ‌గ‌న్ ప‌ట్టు.. ష‌ర్మిల పంతం.. ముదిరిన ప్యాలెస్ వివాదం!

త‌న కుమార్తె అంజ‌లి పెళ్లిని బెంగ‌ళూరులోని య‌ల‌హంక ప్యాలెస్‌లో చేస్తామ‌ని ప్ర‌క‌టించిన ఏపీ కాంగ్రెస్ అధ్య‌క్షురాలు ష‌ర్మిల పంతం ఒక‌వైపు..…

7 hours ago

పంచాయ‌తీ ఎన్నిక‌ల్లో `ప‌ట్టింపు` లేదు.. ఎవ‌రైనా పోటీ చేయండి: జ‌న‌సేన‌

ఏపీలో గ్రామ పంచాయ‌తీ ఎన్నిక‌ల కోలాహ‌లం జ‌రుగుతున్న క్ర‌మంలో జ‌న‌సేన పార్టీ కీల‌క నిర్ణ‌యం తీసుకుంది. ఈ ఎన్నిక‌ల్లో ఎలాంటి…

8 hours ago