ఇటు తెలుగులో, అటు తమిళంలో, మరోవైపు హిందీలో క్రేజీ ప్రాజెక్టుల్లో నటిస్తుండగానే.. కొవిడ్ టైంలో హఠాత్తుగా పెళ్లి చేసుకుని అందరినీ ఆశ్చర్యానికి గురి చేసింది కాజల్ అగర్వాల్. దీంతో మధ్యలో ఉన్న ఆమె సినిమాల పరిస్థితి ఏంటో అర్థం కాలేదు. కానీ పెళ్లి తర్వాత కూడా ‘ఆచార్య’తో పాటు ‘ఉమ’ అనే హిందీ చిత్రంలో నటించింది. కొన్ని కారణాల వల్ల ‘ఆచార్య’ నుంచి ఆమె పాత్రను తీసేయగా.. ‘ఉమ’ సినిమా పూర్తయి విడుదలకు సిద్ధంగా ఉంది. ఈలోపు కాజల్ గర్భం ధరించింది. బిడ్డకు జన్మ కూడా ఇచ్చింది.
డెలివరీ తర్వాత కొన్ని నెలలు గ్యాప్ తీసుకుని మళ్లీ ఫిట్గా తయారయ్యే ప్రయత్నంలో ఉన్న కాజల్.. ఇటీవలే పున:ప్రారంభం అయిన ‘ఇండియన్-2’ షూట్కు కూడా ఆమె హాజరు కాబోతోంది. ఐతే సినిమాల్లోకి రీఎంట్రీ ఇవ్వాలనుకున్నాక చందమామ కొత్త ప్రాజెక్టులు ఒప్పుకోకుండా ఎలా ఉంటుంది? ఆమె ఒక సీక్వెల్ మూవీలో భాగం కాబోతున్నట్లు సమాచారం.
లారెన్స్ హీరోగా తెరకెక్కుతున్న ‘చంద్రముఖి-2’లో కాజల్ ముఖ్య పాత్ర పోషించబోతోందట. ఇంతకుముందే ‘చంద్రముఖి’కి కొనసాగింపుగా కన్నడలో ‘ఆప్తరక్షక’, తెలుగులో ‘నాగవల్లి’ చిత్రాలను రూపొందించిన పి.వాసు ఇప్పుడు తమిళంలో ఓ కొత్త కథతో ‘చంద్రముఖి-2’ సినిమా తీస్తున్నాడు. ఈ చిత్రంలో ముఖ్య పాత్ర కోసం కాజల్ను సంప్రదించగా ఆమె ఓకే చెప్పినట్లు సమాచారం.
ఐతే దర్శకుడిగా ఎప్పుడో ఔట్ డేట్ అయిపోయిన పి.వాసు.. లారెన్స్ను పెట్టి ఇప్పుడు ‘చంద్రముఖి-2’ తీయడం పట్ల ప్రేక్షకుల్లో సానుకూల స్పందన అయితే లేదు. చంద్రముఖి పేరు చెప్పి సినిమాను అమ్ముకునే ప్రయత్నం లాగా కనిపిస్తోందిది. ఐతే ఎప్పుడో అనౌన్స్ చేసిన ఈ చిత్ర షూటింగ్ అంతగా ముందుకు కదలడం లేదు. లారెన్స్ ‘రుద్రన్’తో పాటు మరో సినిమాతో బిజీగా ఉన్నాడు. త్వరలోనే ఈ చిత్రం సెట్స్ మీదికి వెళ్లనుంది. ‘చంద్రముఖి’లో కడుపు చెక్కలు చేసిన వడివేలు’ ఈ చిత్రంలోనూ కీలక పాత్ర పోషిస్తున్నాడు.
This post was last modified on October 13, 2022 11:24 am
సౌత్ ఇండియన్ ఫిలిం హిస్టరీలో మురుగదాస్ది ప్రత్యేక స్థానం. కమర్షియల్ సినిమాల్లో కూడా వైవిధ్యం చూపిస్తూ.. అదే సమయంలో మాస్ను ఉర్రూతలూగిస్తూ…
ఒకప్పుడు తెలుగు, తమిళంలో భారీ చిత్రాలతో ఒక వెలుగు వెలిగిన నిర్మాత ఎ.ఎం.రత్నం. సూర్య మూవీస్ బేనర్ మీద ‘ఖుషి’ సహా…
లెజెండరీ మ్యూజిక్ డైరెక్టర్ ఇళయరాజా పాటల గొప్పదనం గురించి కొత్తగా చెప్పాల్సిన పని లేదు. సంగీతాభిమానులు ఆయన్ని దేవుడిలా కొలుస్తారు.…
కూటమి అధికారంలోకి రాగానే.. తాను చేసే తొలి సంతకం.. మెగా డీఎస్సీపైనేనని.. దీనివల్ల 20 వేల మంది నిరుద్యోగులకు మేలు…
సూపర్ స్టార్ మహేష్ బాబు, దర్శక ధీర రాజమౌళి కాంబోలో తెరకెక్కబోయే ప్యాన్ వరల్డ్ మూవీ గురించి షూటింగ్ స్టార్ట్…
తెలంగాణ మాజీ ముఖ్యమంత్రి, బీఆర్ ఎస్ అధినేత కేసీఆర్కు భారీ షాక్ తగిలింది. కీలకమైన పార్లమెంటు ఎన్నికల సమయం లో…