హాలీవుడ్లో ఒకప్పుడు దుమ్ములేపిన సినిమా ‘జాన్ విక్’. మ్యాట్రిక్స్ సినిమా ఫేం కియాను రీవ్స్ ప్రధాన పాత్ర పోషించిన ఈ సినిమాలో సర్వత్ర్రా స్టయిలిష్ యాక్షన్ సన్నివేశాలే ఉంటాయ్. ఆ సినిమాను ఇనిస్పిరేషన్ గా తీసుకునే మనోళ్ళు కెజిఎఫ్ నుండి మొన్నటి బ్లాక్ బస్టర్ విక్రమ్ వరకు చాలా తీశారు. నిజానికి జాన్ విక్ సినిమాలో కథ పెద్దగా ఉండదు. కేవలం గతించిన తన భార్య గుర్తుగా ఉంచుకున్న కుక్కపిల్లను చంపేశారని.. యావత్ మాఫియా బ్యాచ్ అందరినీ చంపేయడానికి బ్యాగ్ వేసుకుని బయలుదేరుతాడు జాన్ విక్. అదే కథ. మరి యాజిటీజ్ అదే కథను చూసి తయారుచేసుకున్న ‘ది ఘోస్ట్’ వంటి సినిమాలు ఎందుకు ఫెయిల్ అవుతున్నాయ్? ఇప్పుడు చాలామంది ప్రశ్న ఇదే.
జాన్ విక్ స్టయిల్లో సినిమా అంటే కొత్తగా ఉండే యాక్షన్ సన్నివేశాలు ఒక్కటే కాదు. అక్కడ వాడే గన్నులూ, మాఫియా బిహేవ్ చేసే పద్దతి.. ఈ నార్మల్ ప్రపంచంలో మనకు తెలియని మరో ప్రపంచం ఉందే అనే తరహాలో ఉంటాయి. పైగా కుక్కపిల్లను చంపినందుకు అని చెబుతున్న ఎమోషన్ ఏదైతే ఉందో.. అది చాలా నెక్ట్స్ లెవెల్లో ఉంటుంది. కెజిఎఫ్ లో కూడా మదర్ ఎమోషన్ చాలా స్ట్రాంగ్ గా ఉంటుంది. అలాగే విక్రమ్ సినిమాలో కమల్ హాసన్ కు కొడుకు మరియు మనవడితో ఉండే ఎమోషన్ చాలా హార్డుగా ఉంటుంది. వాటితో మనల్ని కట్టిపాడేస్తారు కాబట్టే, తరువాత సీన్ ఎలా ఉంటుందో అనే కుతూహలం ప్రేక్షకుడిగా కూడా కలుగుతుంది. ది ఘోస్ట్ వంటి సినిమాల్లో మాత్రం.. జాన్ విక్ తరహాలో సింపుల్ వేఫర్ థిన్ ప్లాట్ పెట్టేసుకుని.. ఎమోషన్ ని ఏ మాత్రం రాస్కోకుండా.. కేవలం స్టయిలిష్ యాక్షన్ సన్నివేశాలు పెట్టేశాం అంటే.. ఆడియన్స్ కు అస్సలు ఎక్కట్లేదు. అదే అసలు ప్రాబ్లమ్. 20 ఏళ్ల తరువాత అక్క ఫోన్ చేసింది అనగానే వచ్చి ఆమె కోసం మర్డర్లు చేసేంత ఎమోషన్ నాగార్జున అండ్ గుల్ పనాగ్ క్యారక్టర్ల మధ్యన మనకు కనిపించదు. పైగా వాళ్లు అప్పట్లో విడిపోయిన రీజన్ కూడా చాలా సిల్లీగా ఉంటుంది.
పైగా ఒకప్పుడు లాజిక్ లేకుండా హీరో ఏ ఆయుధం వాడేశాడు అని చూస్కోకుండా జనాలు సినిమాను ఎంజాయ్ చేసేవారు. ఇప్పుడలా కాదు. హీరో ఒక కటానా కత్తిని వాడుతున్నాడంటే.. ఆ కత్తి ఎక్కడిది, అతనికి పలానా మార్షల్ ఆర్ట్ లో ట్రైనింగ్ ఎలా వచ్చింది అనేది చాలా క్షుణ్ణంగా చూస్తున్నారు ప్రేక్షకులు. మా హీరో కొత్తరకం కత్తి పట్టేశాడు అంటే ఫ్యాన్స్ పొలోమని ధియేటర్లకు వచ్చేయట్లేదు. సో.. జాన్ విక్ తీస్తున్నాం అనుకునే వాళ్లందరూ ముందుగా లాజిక్స్ అండ్ ఎమోషన్ మీద గట్టిగా పనిచేస్తేనే సినిమాలు వర్కవుట్ అవుతాయ్.
విజయవాడ పెద్ది ప్రీ రిలీజ్ ఈవెంట్ ఘనంగా ముగిసింది. ఏర్పాట్ల దగ్గరి నుంచి అయిపోయే దాకా ఎక్కడా అపశ్రుతి లేకుండా…
తెలంగాణ నాయకురాలు, తెలంగాణ రక్షణ సేన(టీఆర్ఎస్) పార్టీ అధ్యక్షురాలు కవిత తాజాగా చేసిన వ్యాఖ్యలపై సోషల్ మీడియాలో పెద్ద ఎత్తున…
పెద్ది నుంచి ఏదైనా బ్యాంగర్ లాంటి కంటెంట్ కావాలని ఎదురు చూస్తున్న అభిమానులకు అది మస్సా మస్సా వీడియో సాంగ్…
ఏపీ సీఎం చంద్రబాబు.. తాజాగా కల్లు రుచి చూశారు. వాస్తవానికి ఆయన ఇలాంటి వాటికి కడు దూరంగా ఉంటారు. అయితే..…
తెలంగాణ రాజకీయాలు వ్యూహాత్మక మలుపు తిరుగుతున్నాయి. బీఆర్ ఎస్, టీఆర్ ఎస్, కాంగ్రెస్ పార్టీ నాయకులు ఒక్కసారిగా జనసేన పార్టీపై…
మొన్నటిదాకా తమిళ సినీ పరిశ్రమలోనే కాక దేశంలోని ఇతర భాషాల్లోనూ ఓ స్టార్ హీరోగా ఎదిగిన జోసెఫ్ విజయ్… ఉన్నట్టుండి…