మెగాస్టార్ చిరంజీవి కొత్త సినిమా ‘గాడ్ ఫాదర్’ విడుదలకు ఇంకో నాలుగు రోజులే సమయం ఉంది. అన్ని సందేహాలకూ తెరదించుతూ ఈ చిత్రం అక్టోబరు 5న దసరా రోజు ప్రేక్షకుల ముందుకు వచ్చేస్తోంది. తాజాగా రిలీజ్ చేసిన థియేట్రికల్ ట్రైలర్ మరీ గొప్పగా లేదు. అలాగని తీసిపడేసేలా కూడా లేదు. మలయాళ మాతృక ‘లూసిఫర్’తో పోలిస్తే తెలుగులో చేసిన మార్పులు చేర్పులు ఏంటన్నది ట్రైలర్ చూస్తే దాదాపుగా అర్థం అయిపోయింది. ఒరిజినల్లో ఉన్న టొవినో థామస్ పాత్రను తెలుగులో పూర్తిగా తీసేసినట్లే ఉన్నారు.
‘గాడ్ ఫాదర్’ సినిమాలో సత్యదేవ్ చేసింది మాతృకలో టొవినో చేసిన క్యారెక్టరే అని ముందు అంతా అనుకున్నారు. కానీ తీరా చూస్తే ఆ పాత్రే ట్రైలర్లో కనిపించకపోవడం, సత్యదేవ్ క్యారెక్టర్లో నెగెటివ్ షేడ్స్ కనిపించడంతో అతడిది వివేక్ ఒబెరాయ్ పాత్ర అని అర్థమవుతోంది. ఐతే సత్యదేవ్కు ఉన్న ఇమేజ్కు ఈ చిత్రంలో మెయిన్ విలన్ పాత్రకు సరిపోతాడా అన్నది ఇప్పుడు ప్రశ్నార్థకంగా మారింది.
సత్యదేవ్ తన కెరీర్లో చాలా వరకు పాజిటివ్ క్యారెక్టర్లే చేశాడు. అతడికి సాఫ్ట్ ఇమేజ్ ఉంది. ‘రాగల 24 గంటల్లో’ లాంటి ఒకటీ అరా చిత్రాల్లో మాత్రమే నెగెటివ్ రోల్స్ చేశాడు. అవి కూడా జనాల దృష్టిలో పడ్డాడు. ఇక హీరోగా అతడి స్థాయి తక్కువే. ఇంకా చిన్న సినిమాల హీరోగానే కొనసాగుతున్నాడు. నాని లాగా మిడ్ రేంజిలోకి కూడా రాలేకపోతున్నాడు. సత్యదేవ్ మంచి నటుడే కానీ.. అతడికి ఇంకా స్టార్ ఇమేజ్ రాకపోవడం వల్ల మెగాస్టార్ చిరంజీవి, సల్మాన్ ఖాన్ లాంటి సూపర్ స్టార్లకు ఎదురుగా విలన్గా నిలబడే స్థాయి తనకు ఉందా అన్న ప్రశ్న ఇప్పుడు చర్చనీయాంశంగా మారింది. ఒక పెద్ద హీరో అంటే ఎదురుగా విలన్గా ఒక స్టేచర్ ఉన్న నటుడు ఉండాలని ప్రేక్షకులు ఆశిస్తారు.
మనకు పరిచయం లేని పరభాషా నటుడెవరినైనా తీసుకొచ్చినా ఓకే కానీ.. ఇక్కడ పరిచయం చిన్న స్థాయి, సాఫ్ట్ ఇమేజ్ ఉన్న నటుడిని విలన్గా పెడితే ఆ పాత్రకు న్యాయం జరుగుతుందా? చిరు ముందు సత్యదేవ్ అసలు విలన్గా నిలబలగలడా అన్న సందేహాలు వ్యక్తమవుతున్నాయి. మరి విలన్గా ప్రేక్షకులు సత్యదేవ్ను ఎలా రిసీవ్ చేసుకుంటారు? ఒకవేళ ఇప్పుడు అందరూ అంచనా వేస్తున్నట్లు విలన్గా అతను కాకుండా వేరే నటుడున్నాడా.. అతడి పాత్రను సర్ప్రైజ్ లాగా ఏమైనా దాచి పెట్టారా అన్నది చూడాలి.
This post was last modified on October 1, 2022 3:43 pm
పచ్చగా సాగుతున్న వైసీపీ కాపురంలో కాపు ఉద్యమనేత ముద్రగడ పద్మనాభం చిచ్చుపెడుతున్నాడా ? పార్టీకి ఆయన వ్యాఖ్యలు బలం చేకూర్చకపోగా చేటు చేస్తున్నాయా…
మెగా ఫ్యామిలీ హీరోనే అయినప్పటికీ అల్లు అర్జున్ విషయంలో చాలా ఏళ్ల నుంచి పవన్ కళ్యాణ్ అభిమానుల్లో వ్యతిరేకత ఉంది.…
దర్శకధీర రాజమౌళి, యంగ్ టైగర్ జూనియర్ ఎన్టీఆర్ మధ్య ఎంత బంధం ఉందో చాలాసార్లు బయటపడిందే అయినా ప్రతిసారి కొత్తగా…
సరిగ్గా మూడేండ్ల క్రితం రూ.40 వేలు తులం ఉన్న బంగారం ధర ఇప్పుడు రూ.70 వేల మార్క్ ను దాటిపోయింది.…
టీడీపీ - జనసేన - బీజేపీ కలిసి కూటమి కట్టాక, కూటమి మేనిఫెస్టోలో చంద్రబాబు ఫొటోతోపాటు పవన్ కళ్యాణ్ ఫొటో…
ఎన్నికల వేడి తారాస్థాయిలో ఉండటం వల్ల పవన్ కళ్యాణ్ సినిమాల గురించి ఆలోచించడం లేదు కానీ అభిమానులు మాత్రం ఈ…