అమెజాన్ ప్రైమ్ కి పెద్ద దెబ్బే

మాములుగా ఏదైనా సినిమా ఓటిటికి అమ్మేసినప్పుడు దాని హక్కులు శాశ్వతంగా ఉంటాయనుకుంటారు కానీ ఈ ఒప్పందాలకూ కాల పరిమితి ఉంటుంది. అది దాటాక ఆ ప్లాట్ ఫార్మ్ కు గుడ్ బై చెప్పాల్సిందే. లేదూ కొనసాగాలంటే మాత్రం నిర్మాతకు తిరిగి రెన్యూవల్ చేసుకోవడమో అతను అడిగిన మొత్తాన్ని ఇవ్వడమో చేయాలి. ఒక్కోసారి వీటి ప్రభావం గట్టిగానే ఉంటుంది. అమెజాన్ ప్రైమ్ లో సుప్రసిద్ధ యష్ రాజ్ ఫిలిమ్స్ నిర్మించిన ఎన్నో బ్లాక్ బస్టర్లు అందుబాటులో ఉన్న సంగతి తెలిసిందే. వీటిని పదే పదే చూసే నోస్టాల్జియా ఫ్యాన్స్ లక్షలు కోట్లలో ఉన్నారు.

వాళ్లందరికీ షాక్ ఇస్తూ ఇంకో పది రోజుల్లో ఇవి ప్రైమ్ నుంచి సెలవు తీసుకోబోతున్నాయి. దిల్వాలే దుల్హనియా లేజాయేంగే, దిల్ తో పాగల్ హై, మొహబత్తే, రబ్ నే బనా ది జోడి, చక్ దే ఇండియా, జబ్ తక్ హై జాన్, డర్, లమ్హే, సిల్సిలా, కభీ కభీ, కాలా పత్తర్, దాగ్, బ్యాండ్ బాజా బారాత్, ఫనా, సలాం నమస్తే, ధూమ్, ధూమ్ 2, ధూమ్ 3, గుండే, సాథియా, ఏ ధిల్లగి, విజయ్, మషాల్ లాంటి ఎన్నో ఎవర్ గ్రీన్ టైం లెస్ క్లాసిక్స్ అన్నీ ఇకపై అందులో ఉండవు. వీటికోసమే సబ్స్క్రిప్షన్ తీసుకున్న వాళ్లకు తీవ్ర నిరాశ కలిగిస్తూ అక్టోబర్ 1 నుంచి వెళ్లిపోతున్నాయి.

తర్వాత హాట్ స్టార్ లో రావొచ్చనే టాక్ ఉంది కానీ ప్రస్తుతానికి అధికారిక సమాచారం లేదు. టాలీవుడ్ లోనూ ఇలా గంపగుత్తగా పేరుమోసిన బ్యానర్లు తమ క్లాసిక్స్ ని కొన్ని ఓటిటిలకు, శాటిలైట్ ఛానల్స్ కు ఎక్కువ కాలానికి హక్కులు ఇచ్చేశారు. భవిష్యత్తులో టైం ఎక్స్ ఫైర్ అయినప్పుడు అభిమానులు ఇలాంటి వాటికి ముందే ప్రిపేర్ అవ్వాలి. రాను రాను యూట్యూబ్ కూడా పూర్తి కమర్షియల్ రూపం తీసుకుంటోంది. యాడ్స్ వద్దంటే డబ్బులు కట్టమంటోంది. కొత్త సినిమాల సంగతేమో కానీ ఇలా పాత చిత్రాలు కూడా ఓటిటిల నుంచి షిఫ్ట్ అయిపోతే ఓటిటిలకు ఇబ్బందే