అల్లు అర్జున్ బొమ్మ అదుర్స్!

అల్లు అర్జున్ కి నాన్ బాహుబలి ఇండస్ట్రీ హిట్ ఇవ్వడంతో పాటు, యూట్యూబ్ లో కూడా పలు చెదిరిపోని రికార్డులు నెలకొల్పిన అల వైకుంఠపురములో అతనికి మరో యూట్యూబ్ రికార్డు ఇచ్చింది. టిక్ టాక్ లో సంచలనంగా మరీనా బుట్ట బొమ్మ పాట వీడియో సాంగ్ కి 250 మిలియన్లకు పైగా వ్యూస్ వచ్చాయి.

ఇంతవరకు తెలుగు సినిమా వీడియో సాంగ్స్ లో ఫిదాలోని వచ్చిండే మెల్ల మెల్లగా వచ్చిండే ఒకటే ఈ ఫీట్ సాధించింది. త్వరలోనే ఆ పాట వ్యూస్ ని కూడా బుట్ట బొమ్మ వీడియో దాటనుంది. ఇక ఇదే చిత్రంలోని రాములో రాముల లిరికల్ వీడియో 300 మిలియన్ వ్యూస్ సాధించే దిశగా దూసుకెళ్తోంది.

బుట్ట బొమ్మ వీడియో జోరు చూస్తే రాములో రాములా రికార్డు కూడా త్వరలోనే అధిగమిస్తోందని అనిపిస్తోంది. మరి టిక్ టాక్ బ్యాన్ అయిన తర్వాత కూడా ఈ పాటకు అదే స్థాయి క్రేజ్ కంటిన్యూ అవుతుందా లేదా అనేది చూడాలి.