తమిళ్ రాకర్స్.. సౌత్ ఇండియాలో ఏ కొత్త సినిమా రిలీజైనా కొన్ని గంటల్లో పైరసీ ప్రింట్ ప్రత్యక్షమయ్యే వెబ్ సైట్. గతంలో కొత్త సినిమాలను పైరసీ చేసి సీడీలేసి అమ్మేది ఈ సంస్థ. టెక్నాలజీ పెరిగాక వెబ్ సైట్ ద్వారా వ్యవహారం నడిపించింది. దీని అడ్మిన్స్ ఎక్కడో విదేశాల్లో ఎవరికీ దొరక్కుండా సర్వర్ మెయింటైన్ చేస్తూ.. కొత్త సినిమాలను పైరసీ చేస్తుంటారు. ఈ వెబ్ సైట్ను నియంత్రించడానికి ఎన్ని ప్రయత్నాలు చేసినా ఫలితం లేకపోయింది.
ఆ వెబ్ సైట్ను నిషేధిత జాబితాలో పెట్టి అది పని చేయకుండా చేసినా.. తన సబ్స్క్రైబర్లకు మెయిల్ ద్వారా పైరసీ లింక్స్ పంపిస్తూ.. ఈ బిజినెస్ను విజయవంతంగా నడిపిస్తున్నారు. ప్రధానంగా తమిళ సినిమాల మీదే ఈ సంస్థ ఫోకస్ ఉంటుంది కానీ.. వేరే భాషల చిత్రాలను కూడా పైరసీ చేసి ఇంటర్నెట్లో పెట్టేస్తుంటుంది ఈ సంస్థ. కోలీవుడ్ దీన్ని మూయించడానికి చేసిన ప్రయత్నాలు అన్నీ ఇన్నీ కావు.
కానీ దానికి బ్రేక్ మాత్రం పడలేదు. కాగా ఇప్పుడు తమిళ్ రాకర్స్ పైరసీ వ్యవహారం మీద అరుణ్ విజయ్ ప్రధాన పాత్రలో అరివళగన్ ఈ సిరీస్ను రూపొందించాడు. సోనీ లివ్ దీన్ని స్ట్రీమ్ చేస్తోంది. ఐతే తాము చేసే పైరసీ వ్యవహారాల చుట్టూ తిరిగే వెబ్ సిరీస్ను సైతం తమిళ్ రాకర్స్ వాళ్లు విడిచిపెట్టలేదు. ఈ సిరీస్ రిలీజైన కొన్ని రోజులకే పైరసీ ప్రింట్ రెడీ చేసేశారు. దాన్ని తమ సబ్స్క్రైబర్లందరికీ పంపించేశారు. ఈ విషయం సోషల్ మీడియాలో హాట్ టాపిక్ అయింది.
దీని మీద బోలెడన్ని మీమ్స్, జోక్స్ కనిపిస్తున్నాయి సామాజిక మాధ్యమాల్లో. ఈ థ్రిల్లర్ సిరీస్లో ఇదే అసలైన ట్విస్టు, ఇది యాంటీ క్లైమాక్స్ అంటూ నెటిజన్లు కామెంట్లు చేస్తున్నారు. తమిళ ఇండస్ట్రీని తమిళ్ రాకర్స్ ఏ రకంగా వేధిస్తోందో చెప్పడానికి ఇంతకంటే రుజువు లేదు. ఇక ఈ వెబ్ సిరీస్కు ప్రేక్షకుల నుంచి మంచి స్పందనే వస్తోంది. మరీ గొప్ప థ్రిల్లింగ్గా లేకపోయినా.. ఎంగేజింగ్గానే ఉందని.. ఎనిమిది ఎపిసోడ్లలో ఒక రెండు తగ్గించి ఉంటే క్రిస్ప్గా మారేదని అంటున్నారు.
This post was last modified on August 25, 2022 9:28 am
టిల్లు స్క్వేర్ తో ఏకంగా వంద కోట్ల బ్లాక్ బస్టర్ ఖాతాలో వేసుకున్న సిద్దు జొన్నలగడ్డ ఒకపక్క జాక్, తెలుసు…
కొందరు డైరెక్టర్లు నిదానమే ప్రధానం సూత్రం పాటిస్తారు. నెంబర్ కన్నా నాణ్యత ముఖ్యమని ఆ దిశగా స్క్రిప్ట్ కోసమే సంవత్సరాలు…
వేసవిలో కీలక సమయం వచ్చేసింది. స్కూళ్ళు, కాలేజీలకు పూర్తి స్థాయి సెలవులు ఇచ్చేశారు. జనాలు థియేటర్లకు వెళ్లేందుకు మంచి ఆప్షన్ల…
ఏపీలో తలెత్తిన ఎన్నికల గుర్తు రగడ మరో మలుపు తిరిగింది. జనసేనకు కేటాయించిన ఎన్నికల గుర్తు గాజు గ్లాసును స్వతంత్ర…
టాలీవుడ్ దర్శకుల్లో క్రిష్ జాగర్లమూడిది డిఫరెంట్ స్టైల్. ‘గమ్యం’ లాంటి సెన్సేషనల్ మూవీతో మొదలుపెట్టి ఆయన వైవిధ్యమైన సినిమాలతో తనకంటూ…
ప్రస్తుతం తమిళ, తెలుగు భాషల్లో మోస్ట్ వాంటెడ్ లేడీ ఆర్టిస్టుల్లో వరలక్ష్మి శరత్ కుమార్ ఒకరు. ఆమె ఓవైపు లీడ్…