కుర్ర డైరెక్టర్ ప్రోమోలకు స్పెషలిస్ట్!

టాలీవుడ్ లో జెట్ స్పీడులో బిజీ అయిన కుర్ర దర్శకుల్లో ప్రశాంత్ వర్మ ఒకడు. నాని నిర్మాణంలో ‘అ!’ అనే సినిమాతో దర్శకుడిగా పరిచయమై తక్కువ టైంలోనే మంచి పేరు తెచ్చుకున్నాడు. తర్వాత ‘కల్కి’ అంత ఆడకపోయినా ‘జంబీ రెడ్డి’ తో మోస్తరు కలెక్షన్స్ అందుకొని సక్సెస్ అయ్యాడు. ప్రస్తుతం అదే హీరోతో ‘హనుమాన్’ అనే సినిమా చేస్తున్న ప్రశాంత్ వర్మ ఇప్పుడు టివీ , ఓటీటీ షోస్ ప్రోమో స్పెషలిస్ట్ అయిపోయాడు. 

నందమూరి బాలకృష్ణ హోస్ట్ చేసిన ‘అన్ స్టాపబుల్’ షో కి ముందు రిలీజ్ చేసిన ప్రోమోని డైరెక్ట్ చేసింది ప్రశాంత్ వర్మనే. ఆ ప్రోమో బాగా వైరల్ అయింది. దాంట్లో బాలయ్య స్టైల్ ని అదిరిపోయేలా చూపించి మంచి మార్కులు కొట్టేశాడు ప్రశాంత్ వర్మ. ఆ తర్వాత కూడా కొన్ని ప్రోమోలకు ఇన్పుట్స్ ఇచ్చాడు. ఇప్పుడు తాజాగా రిలీజైన నాగార్జున బిగ్ బాస్ 6 కి సంబంధించి కూడా ప్రశాంత్ వర్మనే డైరెక్ట్ చేశాడు. 

ఒకపక్కా సినిమాలు చేస్తూనే మరోవైపు తనకి ఇంట్రెస్టింగ్ అనిపించే షో ప్రోమోస్ కి వర్క్ చేస్తూ కమర్షియల్ గా కూడా వర్కౌట్ చేసుకుంటున్నాడు. మరి ప్రోమోలు అదరగొడుతున్న ప్రశాంత్ వర్మ దర్శకుడిగా మెప్పిస్తాడా ? లేదా కేవలం ప్రోమోలకు స్పెషలిస్ట్ అనిపించుకుంటాడా అనేది హనుమాన్ రిజల్ట్ తో తేలిపోనుంది.